ꓒ-ꓡꓲ-ꓢꓷ ꓐꓴ ꓡꓰ ꓬꓰ-ꓢꓴ ꓔꓯ ꓫꓵꓽ ꓠꓬꓲ_ ꓟ

ꓟ-ꓕꓲ ꓕꓳꓽ ꓶ 22: 34-40

 ꓬꓲ ꓡꓰ ꓢ-ꓓꓴ-ꓗꓷ ꓐꓴ ꓟꓷ ꓠꓷꓹ ꓘꓶꓽ ꓛꓵꓽ ꓟꓶ ꓡꓰ_ ꓟ ꓒ-ꓡꓲ-ꓢꓷ ꓐꓴ ꓑ ꓙ ꓠꓬ ꓬꓲ ꓪ ꓜꓲꓼ ꓡ_ ꓡꓳ꓿ ꓬꓲ ꓪ ꓗꓳ ꓡꓳ ꓗꓪ ꓟ ꓙꓵꓽ ꓗ ꓒꓽ ꓕꓲ ꓣꓳ ꓠꓬ꓾ ꓬꓲ ꓔꓯ ꓤꓹ ꓠꓬꓲ_ ꓐꓰ ꓕꓲ ꓘꓶꓽ ꓠ ꓠꓬꓲ_ ꓡꓳ꓿ ꓟꓸ ꓒꓽꓳ꓾ ꓙꓵꓽ ꓗ ꓕꓳ ꓶ ꓗꓪ ꓕꓵꓼ ꓪ ꓮ ꓡꓲ ꓕꓲ ꓚꓱꓹ ꓟ ꓪꓻ ꓜꓲ ꓪꓴꓽ_ ꓡꓳꓺꓽ꓾ ꓐꓯ_ ꓡꓳ꓿ ꓬꓲ ꓡꓰ ꓬꓲ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓠꓴ ꓠꓬ ꓕꓲ ꓠꓲꓹ ꓟ ꓡꓱꓸꓼ ꓥ_ ꓟꓲ꓾ ꓕꓲ ꓶꓻ ꓟꓬ ꓡꓱꓸꓼ ꓥ_ ꓟꓲ꓾ ꓕꓲ ꓙꓽ ꓠꓲꓹ ꓡꓱꓸꓼ ꓥ_ ꓟꓲ꓾ ꓢꓲ ꓒ ꓠꓴ ꓪꓴ-ꓢ ꓔꓯ ꓠꓲꓹ ꓠꓵ ꓠ ꓗ_ ꓡꓳ꓿ ꓕꓱ ꓟ ꓠꓬ ꓕꓵꓼ ꓪ ꓬꓲ ꓪꓴꓸ ꓕꓲ ꓚꓱꓹ ꓟ_ ꓐꓰ ꓪꓴꓽ ꓓꓰ_ ꓕꓲ ꓚꓱꓹ ꓟ ꓥ ꓡꓳ꓿ ꓗ ꓠꓯꓸ ꓕꓲ ꓚꓱꓹ ꓟ ꓠꓬ ꓕꓱ ꓟ_ ꓐꓰ ꓕꓲ ꓡꓰꓹꓼ ꓥ ꓡꓳ꓾ ꓠꓴ ꓠꓬ ꓠꓴ ꓚꓲ ꓛꓬ ꓔꓯ ꓠꓲꓹ ꓠꓵ_ ꓟ_ ꓡꓰ ꓐꓰ꓾ ꓠꓴ ꓠꓶꓽ ꓛꓳ ꓕꓲ ꓛꓳ ꓔꓯ ꓠꓲꓹ ꓠꓵ ꓠ ꓗ_ ꓡꓳ꓿ ꓕꓵꓼ ꓪ ꓕꓱ ꓠꓬꓲꓽ ꓚꓱꓹ ꓗꓪ ꓠꓬ꓾ ꓙꓵꓽ ꓗ_ ꓐꓰ ꓟꓷ ꓠꓷꓹ ꓝ ꓢꓴ ꓕꓳ ꓶ ꓮ ꓙꓵ ꓡꓱꓸꓼ ꓥꓳꓺ ꓞ_ ꓡꓳ꓾ ꓐꓯ ꓖꓶ_ ꓡꓳ꓿