ꓔꓱꓹ_ ꓟ ꓦ ꓛꓲ ꓡ_ ꓟ

Wednesday, May 20, 2020

ꓬꓳ-ꓦ ꓕꓳꓽ ꓶ 16: 12-15

ꓥꓪ ꓠꓴ ꓪ ꓔꓯ ꓐꓯ ꓖꓶ ꓓꓴ ꓮ ꓟꓬꓹ ꓙꓳ_ ꓢꓰꓽ ꓡꓳ꓿ ꓖꓳ ꓡꓱ ꓥ_ ꓟꓲ ꓮ ꓟꓶ ꓠꓬ ꓠꓴ ꓪ ꓟꓯꓻ ꓟꓽ ꓘꓴ꓿ ꓖꓳ ꓡꓱ ꓥ_ ꓟꓲ ꓔꓱꓹ ꓚꓵ_ ꓟ ꓦꓻ ꓛꓲ ꓡ ꓕꓯ ꓠꓬ꓾ ꓔꓱꓹ ꓚꓵ_ ꓟ ꓮ ꓙꓵ ꓗꓪ ꓬꓲ ꓠꓴ ꓪ ꓔꓯ ꓧꓳꓽ ꓓꓵ ꓙꓰ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓚꓲ ꓛꓬ ꓗꓪ ꓐꓰ ꓟꓽ ꓫ ꓕꓱ꓿ ꓬꓲ ꓑ ꓙ_ ꓟ ꓥ ꓕ ꓑꓳ ꓬꓲ ꓫ ꓕꓱ ꓡ ꓢꓲ꓾ ꓒꓬꓱꓼ ꓡ ꓠꓹ ꓟ ꓫꓵꓽ ꓪꓴ ꓬꓲ ꓠꓴ ꓪ ꓔꓯ ꓟꓳꓸ ꓖꓶ ꓡ_ ꓥꓳ꓿ ꓬꓲ ꓠꓬ ꓥꓪ ꓔꓯ ꓟꓬꓱ ꓓꓳꓽ ꓖꓶ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓡꓰ ꓥꓪ ꓔꓯ ꓟ ꓣꓴ ꓢꓲ꓾ ꓠꓴ ꓪ ꓔꓯ ꓐꓯ ꓟꓳꓸ ꓖꓶ ꓡ_ ꓥꓳ꓿ ꓐꓹ ꓐ ꓔꓯ ꓙꓳ_ ꓟ ꓥ ꓕ ꓑꓳ ꓠꓬ ꓥꓪ ꓔꓯ ꓟ ꓥ ꓡꓳ꓿ ꓖꓳ ꓡꓱ ꓠꓬꓲ ꓥꓪ ꓡꓰ꓾ ꓥꓪ ꓔꓯ ꓟ ꓬꓲ ꓣꓴ ꓢꓲ ꓠꓴ ꓪ ꓔꓯ ꓐꓯ ꓟꓳꓸ ꓖꓶ ꓡ_ ꓥꓳ꓾ ꓐꓯ_ ꓡꓳ꓿