ꓔ ꓟꓽ ꓩꓴꓸ ꓓꓲꓻ ꓢꓴ ꓞꓲ ꓣꓳ ꓓ ꓡꓰˍ ꓟ (Sunday reflection)

Yꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓙꓰˍ ꓕꓯ꓾ ꓢ-ꓟ-ꓡꓲˍ ꓐꓰ ꓖ-ꓡꓲ-ꓡꓲ ꓟꓵꓽ ꓠꓬꓲꓽ ꓗꓴꓸ ꓚS ꓗꓪ ꓗꓳꓸ ꓬꓯꓼˍ ꓡꓳ꓿ 12 ꓖꓳ ꓡꓱ ꓢꓲ ꓘꓹ ꓕꓲ ꓘꓹ ꓗꓪ ꓓꓵꓽ ꓙꓰ ꓔꓬ ꓕꓯ꓾ ꓔꓸ ꓟꓼ ꓩꓴ ꓓꓲꓻ ꓢꓴ ꓞꓲ ꓣꓳ ꓬꓲ ꓔꓯ ꓔꓳꓹ ꓜꓳꓽˍ ꓡꓳ꓿ ꓬꓲ ꓪꓽ ꓠꓬ ꓶꓽ ꓤ ꓗꓪ ꓦꓰꓼ ꓞ ꓢꓲ꓾ 13 ꓢꓯꓼ ꓓꓽ ꓟ ꓡꓰ꓾ ꓟꓸ ꓒ ꓬꓰ-ꓢꓴꓳ꓾ ꓥꓪ ꓠꓴꓽ ꓔꓯ ꓫꓱꓸ ꓤ ꓡꓯ꓾ ꓐꓯˍ ꓡꓳ꓿ 14 ꓬꓲ ꓪꓽ ꓔꓯ ꓬꓰ-ꓢꓴ ꓡꓳꓸ ꓟꓳꓻ ꓗꓷ ꓠꓬ꓾ ꓬꓲ ꓡꓰ꓾ ꓔꓲ ꓒ ꓐꓴ ꓔꓯ ꓠꓴ ꓪꓽ ꓖꓳ ꓓꓱꓽ ꓟꓳꓸ ꓖꓶ ꓬꓰ꓾ ꓐꓯ ꓖꓶˍ ꓡꓳ꓿ ꓬꓲ ꓪꓽ ꓬꓲ ꓖꓳ ꓡꓱ ꓙꓰ ꓔꓬ ꓕꓯ ꓔꓸ ꓟꓼ ꓩꓴ ꓠꓽ ꓫꓬꓻ ꓡꓰꓳ꓿ 15 ꓬꓲ ꓪꓽ ꓗꓪ ꓟ ꓕꓲ ꓣꓳ ꓠꓬ ꓬꓲ ꓓꓻ ꓡꓰˍ ꓟ ꓔꓯ ꓟꓳꓻˍ ꓕꓯ ꓚꓱꓹ ꓬꓲꓼ ꓡ ꓢꓲ꓾ ꓢꓯꓼ ꓓꓽ ꓟ ꓡꓰ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓢꓲ ꓠꓬꓲ꓾

ꓢꓲꓺ ꓒ ꓬꓰ-ꓢꓴ ꓡꓰ ꓣꓳ ꓔꓯ ꓟꓸ ꓖꓶ ꓡ ꓟ ꓠꓬ ꓣꓳ ꓢꓯꓸ ꓔꓬ ꓟ ꓙꓵꓹ ꓗꓪ ꓣꓳ ꓘꓳ ꓣꓴ ꓟꓶ ꓟ ꓣꓱ ꓛꓱ ꓡꓯ ꓫꓴ ꓔꓯ ꓪꓴ-ꓢ ꓔꓯ ꓫꓸ ꓟꓳ ꓠꓹ ꓟ ꓟꓸ ꓖꓶ ꓡ ꓟ ꓥ ꓡꓳ= ꓪꓴ-ꓢ ꓐꓯ ꓘꓶꓽ ꓔꓯ ꓠꓹ ꓡꓳ ꓢꓲ ꓠꓬꓲ ꓢꓯꓸ ꓔꓬ ꓓꓴ ꓬꓰ ꓡꓯ=