ꓖꓽ ꓖꓶ ꓡꓯꓽ ꓘꓳ ꓠꓯꓹ ꓟ

 ꓬꓰ-ꓢꓴ ꓠꓬ ꓬꓲ ꓛꓳ ꓒꓯꓹ ꓐꓴ ꓔꓯ꓾ ꓡꓱꓸ ꓗꓷ_ ꓟ ꓬꓲ ꓑꓶꓸ ꓟꓽ ꓙꓳ ꓗꓷ ꓡꓰ ꓟꓽ ꓓ꓿ ꓖꓳ ꓡꓱ ꓥ_ ꓟꓲ ꓢꓴ ꓔꓯ ꓡꓱꓸ ꓗꓷ ꓝꓲ ꓢꓴ ꓠꓽ ꓫ ꓙꓵ_ ꓥꓳ꓿ ꓬꓲ ꓡꓰ ꓤ ꓠꓱ ꓤ ꓕꓱ ꓟꓬ ꓗꓪ ꓟ ꓕꓲ ꓣꓳ ꓔꓯ ꓡꓱꓸ ꓗꓷ ꓝꓲ_ ꓐꓭ ꓠꓬ꓾ ꓬꓲ ꓗꓶꓸ ꓝꓲ ꓗꓪ ꓡꓳꓺ ꓙꓱꓺ ꓞꓳꓹ ꓔ ꓢꓲ꓾ ꓬꓲ ꓡꓴ ꓐꓱ ꓠꓯꓸꓼ ꓗꓪ ꓡꓳ ꓧꓳꓽ ꓗꓷ_ ꓟ ꓠꓽ꓾ ꓬꓲ ꓐꓱ ꓶ ꓟꓬꓽ ꓠꓬꓲ ꓙꓲꓻ_ ꓡꓳ꓿ ꓠꓴ ꓪ ꓤ ꓟꓳ꓿ ꓠꓴ ꓬꓲꓼ ꓠꓴ ꓠꓬꓲ ꓠꓴ ꓔꓯ ꓛꓬꓻ ꓡ_ ꓠꓬ ꓬꓲ ꓔꓯ ꓕꓼ꓿ ꓬꓲ ꓓꓵ ꓙ ꓒꓳꓹ ꓬꓲꓼ ꓡ_ ꓠꓬ ꓬꓲ ꓔꓯ ꓖꓽ ꓖꓶ꓿ ꓕꓲꓽ ꓠꓬꓲ ꓗꓪ ꓠꓴ ꓔꓯ ꓫꓵꓽ ꓧꓪꓹ ꓛꓬꓻ ꓗꓷ ꓢꓲ꓾ ꓫꓵꓽ ꓧꓪꓹ ꓒꓳꓹ ꓬꓲꓼ ꓡ ꓢꓲ ꓠꓬꓲ꓾ ꓥꓪ ꓓꓵ ꓙ ꓒꓳꓹ ꓬꓲꓼ ꓡ_ ꓥꓳ꓾ ꓐꓰ ꓐꓯ ꓡ_ ꓠꓬ꓾ ꓠꓴ ꓬꓲ ꓔꓯ ꓖꓽ ꓖꓶ ꓠ ꓗ_ ꓡꓳ꓾ ꓐꓯ_ ꓡꓳ꓿ ꓝꓲ ꓓꓴ ꓐꓴ ꓠꓬ ꓢꓲꓺ ꓒ ꓔꓯ꓾ ꓥꓪ ꓠꓴꓽ ꓙꓵꓻ ꓠꓲꓹ ꓔꓯ ꓪꓴꓽ ꓡ ꓝꓲ꓾ ꓐꓯ_ ꓡꓳ꓿ ꓢꓲꓺ ꓒ ꓡꓰ꓾ ꓠꓴ ꓪ ꓙꓵꓻ ꓠꓲꓹ ꓠꓬ ꓪꓳꓽ ꓒꓲꓻ ꓫꓵꓸ ꓕꓲ ꓢꓶꓽ ꓪꓴ ꓛꓲ ꓤ ꓙꓳ_ ꓕꓯ ꓠꓽ꓾ ꓐꓵ ꓜ ꓜꓲꓻ ꓕꓱ ꓕꓲ ꓜꓲ ꓔꓯ꓾ ꓠꓴ ꓚꓰꓺ ꓚꓵꓹ ꓔꓴ ꓡ ꓢꓲ ꓬꓲꓻ ꓡꓴ ꓐꓱ ꓗꓪ ꓔꓶꓺ ꓬꓰ꓾ ꓐꓯ_ ꓠꓬ꓾ ꓠꓴ ꓪ ꓔꓯ ꓠ ꓡꓳ_ ꓥꓳ꓿  ꓡꓴ-ꓘ ꓕꓳꓽ ꓶ 17: 1-6