ꓗ ꓘꓶꓽ ꓦꓴ ꓠꓬꓹ ꓢꓴ ꓔꓯ ꓥꓳꓽ

ꓡꓴ-ꓘ ꓕꓳꓽ ꓶ 12: 35-40

 ꓠꓴ ꓪ ꓠꓬ ꓙꓴꓽ ꓝꓲ ꓗꓪ ꓙꓽ ꓧꓷꓹ ꓧꓷꓹ ꓔ ꓢꓲ꓾ ꓟꓬ ꓡꓴ_ ꓟꓲ ꓟꓬ ꓔꓸ꓿ ꓖꓳ ꓡꓱ ꓢꓲ ꓠꓴ ꓪ ꓠꓬ꓾ ꓤ ꓟꓶ ꓚꓱ_ ꓟ ꓑꓮꓲ ꓗꓪ ꓐꓰ ꓬꓲꓼ ꓡ_ ꓟ ꓢꓲꓺ ꓒ ꓔꓯ ꓡꓳꓸ ꓔꓬ_ ꓟ ꓚꓳ ꓑ_ ꓡꓰ ꓐꓰ ꓬꓰ꓿ ꓬꓲ ꓡ ꓢꓲ ꓗ ꓘꓶ ꓲꓹꓼ_ ꓠꓬ꓾ ꓠꓴ ꓪ ꓞꓼ ꓐꓰ ꓬꓲ ꓔꓯ ꓗ ꓘꓶ ꓒꓴ ꓖꓶ ꓪ_ ꓥꓳ꓿ ꓢꓲꓺ ꓒ ꓡ ꓢꓲ ꓬꓲ ꓚꓳ ꓑ ꓐꓴ ꓧꓪꓸ ꓛꓲꓽ ꓐꓰ ꓔꓬ_ ꓟ ꓔꓯ ꓟꓳ_ ꓠꓬ꓾ ꓚꓳ ꓑ ꓐꓴ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ꓿ ꓥꓪ ꓠꓴ ꓪ ꓔꓯ ꓔꓱꓹ ꓔꓱ_ ꓐꓰ ꓐꓯ ꓖꓶ_ ꓠꓬꓲ꓾ ꓬꓲ ꓠꓬ ꓚꓳ ꓑ ꓔꓯ ꓜ ꓜꓽ ꓠꓹ ꓟ ꓗꓳꓺ ꓔ ꓝꓲ ꓢꓲ꓾ ꓬꓲ ꓚꓲ ꓛꓬ ꓠꓬ ꓙꓽ ꓧꓷꓹ ꓧꓷꓹ ꓢꓲ ꓠꓬꓲ꓾ ꓬꓲ ꓪ ꓔꓯ ꓣꓱꓽ ꓙ ꓡ_ ꓥꓳ꓿ ꓬꓲ ꓠꓬ ꓢ ꓘꓪ ꓦꓴ ꓠꓬꓹ ꓝꓲ ꓠꓬꓲꓽ ꓝꓲ ꓗꓪ ꓡ꓾ ꓥ ꓠꓬ ꓢ ꓝꓲꓸ ꓗꓪ ꓡ ꓢꓲ꓾ ꓕꓱ ꓡꓱ ꓧꓪꓸ ꓛꓲꓽ ꓐꓰ ꓔꓬ_ ꓟ ꓔꓯ ꓟꓳ_ ꓠꓬ꓾ ꓚꓳ ꓑ ꓐꓴ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ꓿ ꓦꓲ ꓢꓲꓺ ꓒ ꓠꓬ ꓘꓴꓽ ꓒ ꓮ ꓡꓲ ꓕꓲ ꓙꓵꓹ ꓗꓪ ꓡ_ ꓟ ꓢꓷ_ ꓕꓯ ꓠꓽ꓾ ꓬꓲ ꓠꓬ ꓧꓪꓸ ꓛꓲ ꓐꓰ ꓔꓬ ꓢꓲ ꓬꓲ ꓦꓲ ꓔꓯ ꓟꓽ ꓕꓴꓻ ꓦꓱꓹ ꓡꓰ ꓝꓲ ꓡꓳ ꓫꓵꓽ ꓥ ꓡꓳ꓿ ꓕꓱ ꓟ ꓠꓽ ꓠꓴ ꓪ ꓢꓷ ꓔꓸ꓿ ꓠꓴ ꓪ_ ꓟꓲ ꓙꓽ ꓖꓶ ꓔ꓾ ꓮ ꓡꓲꓳ ꓐꓯ ꓠꓬ ꓠꓴ ꓪ ꓓꓵ ꓙ ꓟꓽ ꓛꓲ ꓟ ꓕꓲ ꓙꓵꓹ ꓗꓪ ꓡ ꓞꓳ ꓮ ꓐꓲ ꓡ_ ꓥꓳ꓾ ꓐꓯ_ ꓡꓳ꓿