ꓘꓶꓽ ꓢꓶꓽ ꓜꓲ ꓔꓯ ꓥꓳꓽ ꓿

ꓘꓶꓽ ꓢꓶꓽ ꓜꓲ ꓔꓯ ꓥꓳꓽ ꓿

ꓘꓶꓽ ꓢꓶꓽ ꓜꓲ ꓗꓪ ꓐꓰ ꓔꓯ ꓥꓳꓽ ꓢꓳ꓿ ꓬꓲ ꓡꓯꓼ ꓗꓸ ꓡꓯꓸ ꓢꓲ ꓬꓲ ꓒꓬꓽ ꓠꓱꓽ ꓡ ꓕꓯ꓾ ꓟꓵꓽ ꓫꓱ ꓠꓶꓽ ꓡ ꓟ ꓔꓯ ꓠꓴ ꓪꓽ ꓢꓷꓸˍ ꓡꓳ꓿ 29 ꓖꓳ ꓟ ꓡꓰ ꓐꓰ ꓕꓱ ꓟꓬ ꓙꓰꓽ ꓒꓬꓱꓼ ꓡ ꓔꓬ ꓟ ꓔꓯ ꓠꓴ ꓪꓽ ꓟꓳꓻˍ ꓠꓬ꓾ ꓗ ꓘꓶꓽ ꓓꓴꓽ ꓗꓪ ꓬꓦ ꓠꓶꓽ ꓡ ꓔꓬ ꓟ ꓔꓯˍ ꓟꓲ ꓠꓴ ꓪꓽ ꓢꓷꓸ ꓠꓯꓹ ꓡꓳ꓿ 30 ꓠꓴ ꓪꓽ ꓔꓯ ꓥꓪ ꓔꓱꓹ ꓔꓱS ꓐꓯ ꓖꓶˍ ꓠꓬꓲ꓾ ꓕꓱ ꓕꓲ ꓤꓶ ꓟꓽ ꓡꓳꓹ ꓬꓰ ꓕꓯˍ ꓡꓰ ꓕꓱ ꓟꓬ ꓙꓰꓽ ꓮꓽ ꓙꓵ ꓒꓬꓱꓼ ꓡ ꓥꓳ꓿ 31 ꓟꓴꓽ ꓗꓪ ꓟꓲ ꓠꓯ ꓠꓬ ꓡꓳꓹ ꓬꓰˍ ꓥꓳ꓿ ꓥꓪ ꓐꓯ ꓘꓶꓽ ꓠꓽ ꓟꓽ ꓡꓳꓹ ꓬꓰ꓿ 32 ꓖꓳ ꓡꓱ ꓥ ꓟꓲ ꓖꓳ ꓕꓲ ꓠꓬꓲˍ ꓐꓰ ꓖꓳ ꓕꓲ ꓙꓵꓹ ꓠꓽ ꓮꓽ ꓟˍ ꓟꓲ ꓟꓽ ꓢꓷ꓿ ꓟꓴꓽ ꓗꓪ ꓗꓪ ꓟ ꓝꓲ ꓓꓴ ꓐꓴˍ ꓟꓲ ꓟꓽ ꓢꓷ꓿ ꓮ ꓐꓲˍ ꓟꓲ ꓟꓽ ꓢꓷ꓿ ꓮꓽ ꓐꓽˍ ꓡꓰ ꓢꓷꓸˍ ꓡꓳ꓿ 33 ꓠꓴ ꓪꓽ ꓤꓻ ꓟꓳ꓾ ꓧꓪꓸ ꓛꓲꓽ ꓐꓰ ꓔꓬ ꓢꓲ ꓪꓽ ꓘꓴ꓿ ꓮ ꓡꓲꓳ ꓐꓯ ꓠꓬ ꓦꓬꓼ ꓠꓬꓲ ꓖꓳ ꓟ ꓮ ꓕꓯꓽ ꓕꓲ ꓝꓲꓸ ꓥ ꓟ ꓠꓴ ꓪꓽ ꓟꓽ ꓢꓷ꓿