ꓙꓲ_ ꓟ ꓮ ꓣꓳ ꓡꓳꓸ ꓒ ꓔꓯ ꓥꓳꓽ

ꓙꓲ_ ꓟ ꓮ ꓣꓳ ꓡꓳꓸ ꓒ ꓔꓯ ꓥꓳꓽ
ꓬꓴ-ꓔ ꓡ ꓞꓳ ꓝꓮꓲ ꓬꓲ ꓔꓯ ꓡꓳꓺ_ ꓐꓰ ꓭ ꓛꓲ ꓖꓳꓺ_ ꓡꓳ꓿ ꓬꓰ-ꓢꓴ ꓬꓲ ꓪ ꓔꓯ ꓒꓳꓹ ꓖꓶ ꓢꓲ꓾ ꓐꓹ ꓐ ꓔꓯ ꓐꓰ ꓙꓲ_ ꓟ ꓟꓬꓱꓽ ꓮ ꓟꓬꓹ ꓥꓪ ꓠꓴ ꓪ ꓔꓯ ꓟꓳꓸ ꓖꓶ ꓗꓷꓳ꓿ ꓟꓬꓱꓽ ꓮ ꓡꓲ ꓕꓲ ꓫꓵꓽ ꓟ ꓑꓶ ꓓꓴ ꓠꓴ ꓪ ꓥꓪ ꓔꓯ ꓭꓸ ꓛꓲ ꓡꓰ ꓡꓳꓺ_ ꓐꓯ ꓡꓳꓺꓽ꓾ ꓐꓯ_ ꓡꓳ꓿ ꓬꓴ-ꓔ ꓡ ꓞꓳ ꓡꓰ ꓬꓲ ꓔꓯ ꓒꓳꓹ ꓖꓶ ꓢꓲ꓾ ꓙꓲ_ ꓟ ꓟꓬꓱꓽ ꓗꓪ ꓐꓰ ꓥꓪ ꓠꓴꓽ ꓠꓴ ꓔꓯ ꓭꓸ ꓛꓲ ꓡꓳꓺ_ ꓡꓳ ꓟꓽ ꓥ꓿ ꓬꓲ_ ꓡꓰꓽ ꓠꓴ ꓠꓬ ꓡ ꓞꓳ ꓥ_ ꓟꓲ꓾ ꓚꓲ ꓛꓬ ꓠꓬ ꓪꓴ-ꓢ ꓥ ꓡꓳ꓾ ꓐꓰ ꓟꓽ ꓚꓰꓼ ꓟ ꓙꓱꓽ_ ꓟ ꓗꓪ ꓐꓰ ꓥ ꓡꓳ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪ ꓔꓯ ꓒꓳꓹ ꓖꓶ ꓢꓲ꓾ ꓠꓴ ꓪ ꓠꓬ ꓢꓲꓺ ꓐꓴ ꓥ ꓡꓳ꓾ ꓐꓰ ꓥꓪ ꓐꓯ_ ꓡꓳ꓾ ꓐꓯ_ ꓟ ꓠꓬ ꓠꓴ ꓪ ꓙꓵꓽ ꓗ ꓕꓳ ꓶ ꓗꓪ ꓟꓽ ꓐꓳ ꓔ ꓡꓺꓽ꓿ ꓢꓲ ꓫꓬ ꓕꓳ ꓶ ꓠꓽ ꓬꓲ ꓖꓳꓽ ꓒꓬꓱꓼ ꓡ ꓟꓽ ꓓ꓿ ꓪꓴ-ꓢ ꓐꓯ ꓘꓶ ꓛꓲ ꓡ_ ꓟ ꓕꓲ ꓧꓳꓽ ꓟ ꓔꓯ ꓬꓲ ꓡꓰ꓾ ꓢꓲꓺ ꓐꓴ꓾ ꓐꓰ ꓘꓴ_ ꓠꓬ꓾ ꓐꓹ ꓐ ꓡꓰ ꓢꓲꓽ ꓫꓬ ꓡꓰ ꓝꓲ ꓢꓲ ꓟꓲ ꓠꓯ ꓗꓪ ꓝꓲ ꓩꓴ ꓡ_ ꓟ ꓥꓪ ꓡꓰ꓾ ꓥꓪ ꓠꓽ ꓪꓴ-ꓢ ꓬꓲ ꓮ ꓐꓲ ꓥ ꓡꓳ꓾ ꓐꓯ_ ꓟ ꓗꓪ ꓐꓰ꓾ ꓠꓴ ꓠꓽ ꓐꓯ ꓟꓽ ꓚꓰꓼ ꓟ ꓙꓱꓽ_ ꓡꓳ꓾ ꓐꓰ ꓠꓴ ꓪ ꓐꓯ_ ꓡꓺꓽ꓿ ꓥꓪ ꓐꓹ ꓐ ꓟꓬꓱꓽ ꓥꓪ ꓟꓽ ꓬꓰ ꓠꓬ꓾ ꓥꓪ ꓔꓯ ꓕꓽ ꓙꓵꓻ꓿ ꓥꓪ ꓬꓲ ꓟꓬꓱꓽ ꓬꓰ_ ꓕꓯ ꓠꓽ꓾ ꓠꓴ ꓪ ꓥꓪ ꓔꓯ ꓟꓽ ꓙꓵꓻ_ ꓟꓲ꓾ ꓐꓹ ꓐ ꓥꓪ ꓠꓯꓸꓼ ꓔꓬ_ ꓟ_ ꓐꓰ ꓥꓪ_ ꓟꓲ ꓐꓹ ꓐ ꓠꓯꓸꓼ ꓔꓬ_ ꓟ ꓠꓴ ꓪ ꓢꓷ ꓡꓰ ꓢꓲ ꓙ ꓜꓲꓼ ꓡꓰ ꓠꓹ ꓟ꓾ ꓟꓬꓱꓽ ꓔꓯ ꓙꓵꓻ꓾ ꓐꓯ_ ꓡꓳ꓿ ꓬꓲ ꓪ ꓠꓬ ꓝꓮꓲ ꓬꓲ ꓔꓯ ꓣꓴ ꓠꓹ ꓟ ꓚꓱꓹ ꓧꓪ_ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓰ-ꓢꓴ ꓠꓬ ꓬꓲ ꓪ ꓔꓯ ꓐꓰ ꓓꓳ ꓙꓰ_ ꓡꓳ꓿ ꓬꓲ ꓠꓬ ꓬꓳ-ꓔ ꓬꓲꓽ ꓟ ꓖꓳ ꓐꓽ ꓢꓲ꓾ ꓬꓳ-ꓦ ꓬꓲ ꓪꓴꓸ ꓖꓳ ꓓꓱ ꓔꓲꓹ ꓖꓶ ꓖꓴ ꓗꓪ ꓝꓮꓲ ꓙꓰ ꓢꓲ꓾ ꓖꓳ ꓗꓪ ꓔꓬ ꓬꓰ_ ꓡꓳ꓿ ꓖꓳ ꓡꓱ ꓠꓬ ꓡ ꓞꓳ ꓮ ꓟꓬꓹ ꓬꓲ ꓔꓯ ꓡ ꓢꓲ꓾ ꓬꓲ ꓪ ꓕꓱ ꓡꓱ ꓐꓯ_ ꓡꓳ꓾ ꓬꓳ-ꓦ ꓠꓽ ꓓꓵ ꓙ ꓟꓶ ꓓꓴ ꓮ ꓫꓵ ꓟꓽ ꓬꓰ ꓟ ꓥ ꓠꓽ ꓥ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓳ-ꓦ ꓡꓰ ꓡ ꓞꓳ ꓕꓱ ꓕꓲ ꓣꓳ ꓔꓯ ꓖꓴ ꓢꓲ ꓐꓯ_ ꓟ ꓮ ꓙꓵ ꓡꓱꓸꓼ ꓠꓬ ꓔꓱꓹ_ ꓟ ꓥ ꓡꓳ꓾ ꓐꓯ_ ꓡꓳ꓿ ꓖꓳ ꓗꓪ ꓡ ꓞꓳ ꓮ ꓟꓬꓹ ꓬꓲ ꓔꓯ ꓙꓵꓸꓹ_ ꓡꓳ= 
ꓬꓳ-ꓦ ꓕꓳꓽ ꓶ 10:31- 42

Add new comment

8 + 3 =

Please wait while the page is loading