ꓙꓵꓸꓹ ꓢꓴ ꓠꓬ ꓬꓰ-ꓢꓴ ꓬꓲ ꓫꓵꓽ ꓬꓲ ꓧꓪ ꓥ ꓟ

ꓟ-ꓕꓲ ꓕꓳꓽ ꓶ 12: 46-50

 ꓬꓲ ꓡꓰ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓔꓯ ꓫ ꓕꓱ ꓔꓬ ꓢꓰꓽ ꓕꓯ꓾ ꓠꓬꓲ ꓠꓹ꓾ ꓬꓲ ꓟꓹ ꓟ_ ꓐꓰ ꓬꓲ ꓠꓬꓲ ꓤ ꓐꓴ ꓬꓲ ꓔꓯ ꓫ ꓕꓱ ꓠꓹ ꓟ ꓠꓱ ꓫꓱ ꓟꓸꓼ ꓗꓪ ꓦꓰꓼ ꓞ_ ꓡꓳ꓿ ꓖꓳ ꓡꓱ ꓢꓲ ꓢꓴ ꓡꓰ ꓬꓲ ꓔꓯ꓾ ꓠꓬꓲ ꓠꓹ꓾ ꓠꓴ ꓟꓹ ꓟ_ ꓐꓰ ꓠꓴ ꓠꓬꓲ ꓤ ꓐꓴ ꓠꓱ ꓫꓱ ꓟꓸꓼ ꓗꓪ ꓦꓰꓼ ꓞꓹ ꓔꓬ ꓢꓲ꓾ ꓠꓴ ꓔꓯ ꓫ ꓕꓱ ꓠꓲꓹ ꓫꓵ_ ꓡꓳ꓾ ꓐꓯ_ ꓡꓳ꓿ ꓬꓲ ꓠꓽ ꓬꓲ ꓔꓯ ꓐꓯ ꓖꓶ ꓡ ꓢꓴ ꓔꓯ ꓒꓳꓹ ꓖꓶ ꓢꓲ꓾ ꓥꓪ ꓟꓹ ꓟ ꓮ ꓟ ꓥ ꓡꓳꓺꓽ꓿ ꓥꓪ ꓬꓲꓼ ꓥꓪ ꓠꓬꓲ ꓐꓴ ꓮ ꓟ ꓥ ꓡꓳꓺꓽ꓾ ꓐꓯ_ ꓡꓳ꓿ ꓬꓲ ꓠꓬ ꓡꓯ ꓒꓯ ꓛꓱ ꓢꓲ꓾ ꓬꓲ ꓛꓳ ꓒꓯꓹ ꓐꓴ ꓔꓯ ꓖꓴ ꓔ ꓢꓲ ꓠꓬꓲ ꓕꓱ ꓡꓱ ꓐꓯ_ ꓡꓳ꓾ ꓠꓬꓲ ꓠꓹ꓾ ꓥꓪ ꓟꓹ ꓟ_ ꓐꓰ ꓥꓪ ꓬꓲꓼ ꓥꓪ ꓠꓬꓲ ꓐꓴ꓿ ꓮ ꓟ ꓥ_ ꓟꓲ ꓟꓴ ꓗꓪ ꓗꓪ ꓟ ꓥꓪ ꓐꓹ ꓐ ꓠꓲꓹ ꓡꓶꓽ ꓛꓳ ꓢꓴ ꓠꓬ꓾ ꓬꓲ ꓠꓽ ꓥꓪ ꓬꓲꓼ ꓥꓪ ꓠꓬꓲ_ ꓐꓰ꓾ ꓮꓸ ꓝꓲ ꓠꓬꓲꓺ ꓟ_ ꓐꓰ ꓟꓹ ꓟ ꓥ ꓡꓳ꓾ ꓐꓯ_ ꓡꓳ꓿