ꓙꓵꓽ ꓗ ꓕꓳ ꓶ ꓐꓬ ꓡꓰ ꓟꓽ ꓓ ꓟ

ꓠꓬꓲꓸ ꓠꓬꓲ ꓟ ꓢꓲ-ꓫꓬ ꓕꓳ ꓶ ꓝꓲꓼ

ꓶ ꓓꓳ ꓫꓱ. ꓓꓳ ꓟ- ꓕꓲ 5ꓽ17-19

ꓥꓪ ꓠꓬ ꓙꓵꓽ ꓗ_ ꓐꓰ ꓟꓷꓽ ꓠꓷꓹ ꓝꓸ ꓘꓶꓽ ꓔꓯ ꓐꓬ ꓡꓰ ꓝꓲ_ ꓐꓰ ꓡ_ ꓡꓳ ꓕꓽ ꓓꓵꓽ ꓙ= ꓐꓬ ꓡꓰ ꓝꓲ_ ꓐꓰ ꓡ ꓟ ꓟꓽ ꓥ-ꓸ ꓐꓲ ꓡꓰ ꓝꓲ_ ꓐꓰ ꓡ ꓟ ꓥ ꓡꓳ= ꓠꓴ ꓪ ꓔꓯ ꓥꓪ ꓔꓱꓹ ꓔꓱꓹ_ ꓐꓯ ꓖꓶ_ ꓠꓬꓲ-ꓸ ꓟꓴ ꓗꓪ ꓟꓲ ꓠꓯ ꓡꓳꓹ ꓬꓰ ꓢꓲ ꓙꓵꓽ ꓗ ꓗꓪ ꓟ ꓮ ꓙꓵꓽ ꓐꓲ ꓡ ꓗꓪ ꓛꓲ-ꓸ ꓙꓵꓽ ꓗ ꓕꓳ ꓶ ꓗꓪ ꓟ ꓕꓲ ꓔꓳꓹ ꓕꓲ ꓖꓳꓼ ꓤ_ ꓟꓲ ꓟꓽ ꓐꓲ ꓡ ꓟꓽ ꓗꓷ ꓡꓰ= ꓖꓳ ꓡꓱ ꓠꓬꓲ ꓮꓽ ꓟ ꓥ_ ꓟꓲ-ꓸ ꓕꓵꓼ ꓪ ꓕꓱ ꓟꓬ ꓟ ꓠꓯꓸꓼ ꓗꓪ ꓣꓳꓸꓸ ꓓꓰ_ ꓟ ꓕꓲ ꓚꓱꓹ ꓚꓱꓹ ꓔꓯ ꓟꓽ ꓛꓳ ꓛꓳ-ꓸ ꓠꓱꓸ ꓐꓯꓼ ꓢꓴ ꓔꓯ_ ꓟꓲ ꓬꓲ ꓖꓳ ꓡꓱ ꓟꓸ ꓖꓶ_ ꓠꓬ-ꓸ ꓪꓴ-ꓢ ꓗꓴꓷꓼ ꓗꓪ ꓬꓲ ꓔꓯ ꓣꓳꓸꓸ ꓓꓰ_ ꓟ ꓘꓴ_ ꓥꓳ= ꓮꓽ ꓟ ꓥ_ ꓟꓲ ꓕꓵꓼ ꓪ ꓕꓱ ꓟꓬ ꓟ ꓔꓯ ꓛꓳ ꓢꓲ-ꓸ ꓢꓴ ꓔꓯ_ ꓟꓲ ꓬꓲ ꓖꓳ ꓡꓱ ꓟꓸ ꓖꓶ_ ꓠꓬ-ꓸ ꓪꓴ-ꓢ ꓗꓴꓷꓼ ꓗꓪ ꓬꓲ ꓔꓯ ꓪꓴꓽ_ ꓟ ꓘꓴ_ ꓥꓳ=

2 ꓘꓳ- ꓡꓱ- ꓕꓴ 3ꓽ4-11

ꓙꓲ- ꓢꓴꓑꓶꓸ ꓓꓴ ꓥꓪ ꓠꓴꓽ ꓠꓬ ꓪꓴ-ꓢ ꓟꓲ ꓙꓬꓽ ꓗꓪ ꓦ ꓡꓱ ꓐꓳ ꓓꓴ ꓙꓳ_ ꓠꓬꓲ ꓕꓱ ꓡꓱ ꓐꓯ_ ꓟ ꓥ ꓡꓳ= ꓥꓪ ꓠꓴꓽ ꓠꓬ ꓚꓲ ꓛꓬ ꓗꓪ ꓐꓰ ꓮ ꓫꓵꓽ ꓬꓰ ꓐ ꓡ ꓘꓴ_ ꓟ ꓟꓽ ꓚꓬꓹ= ꓥꓪ ꓠꓴꓽ ꓐ ꓡ_ ꓟ ꓮ ꓙꓵꓽ ꓠꓽ ꓪꓴ-ꓢ ꓗꓪ ꓐꓰ_ ꓡꓰꓽ ꓥꓳ= ꓥꓪ ꓠꓴꓽ ꓔꓯ ꓘꓶꓽ ꓫꓵꓽ ꓫꓵꓼ ꓗꓪ ꓣꓱꓽ ꓙ ꓢꓴ ꓬꓰ ꓐ ꓡ ꓝꓲ ꓢꓴ ꓠꓬ ꓪꓴ-ꓢ ꓥꓳ= ꓕꓱ ꓟ ꓠꓬ ꓕꓳ ꓶ ꓝꓳꓹ ꓡꓰ ꓐꓳ ꓔ ꓟ ꓙꓵꓽ ꓗ ꓗꓪ ꓟ ꓟꓽ ꓥ-ꓸ ꓦ ꓗꓪ ꓟ ꓥ ꓡꓳ= ꓮ ꓡꓲꓳ ꓐꓯ ꓠꓬ ꓙꓵꓽ ꓗ ꓗꓪ ꓐꓳ ꓔ ꓟ ꓡꓰ ꓫꓵꓸꓹ_ ꓟ ꓗꓪ ꓣꓳ ꓔꓯ ꓧꓳꓽ ꓙꓰ_ ꓡꓳ= ꓖꓳ ꓡꓱ ꓥ_ ꓟꓲ ꓦꓸꓹ ꓠꓽ ꓣꓳ ꓔꓯ ꓢꓯꓼ ꓟꓬ ꓖꓶ ꓡ_ ꓡꓳ= ꓫꓵꓸꓹ_ ꓟ ꓔꓯꓹ ꓓꓵꓽ ꓡ ꓟ-ꓸ ꓡꓳ ꓒꓬꓸ ꓗꓪ ꓜꓰ ꓐꓳ ꓔ ꓟ ꓙꓵꓽ ꓗ ꓬꓲꓸ ꓪꓴ ꓐꓳ_ ꓕꓯ ꓐꓬꓱꓼ ꓡꓱꓼ ꓡꓱꓼ ꓗꓹ ꓠꓬꓲ-ꓸ ꓬꓲ-ꓢꓷ-ꓡꓰ ꓡ ꓞꓳ ꓐꓴ ꓠꓬ ꓟꓳ- ꓫꓲ ꓒꓬꓱꓽ ꓟꓬ ꓗꓪ ꓟꓬ ꓔꓱꓹ ꓡꓳꓸ ꓟꓽ ꓑꓶꓸ ꓕꓯ ꓠꓽ-ꓸ ꓢꓯꓼ ꓟꓬ ꓖꓶ ꓡ ꓢꓴ ꓢꓲ-ꓫꓬ-ꓟ-ꓦ ꓠꓬ ꓪ ꓜꓲ ꓮ ꓘꓶꓸ ꓐꓬꓱꓼ ꓡꓱꓼ_ ꓥꓳ ꓟꓽ ꓥ ꓡ? ꓟꓳ-ꓫꓲ ꓒꓬꓱꓽ ꓟꓬ ꓗꓪ ꓐꓬꓱꓼ ꓡꓱꓼ_ ꓟ ꓠꓽ ꓧꓳꓽ ꓬꓰꓳ= ꓝꓴꓲ ꓐꓯ ꓞꓷꓹ_ ꓟ ꓟꓬꓱꓽ ꓖꓳ ꓟ ꓐꓬꓱꓼ ꓡꓱꓼ ꓡꓱꓼ ꓗꓹ ꓠꓬ-ꓸ ꓙꓲ ꓫꓬ_ ꓟ ꓔꓯꓹ ꓖꓶ ꓡ_ ꓟ ꓟꓬꓱꓽ ꓠꓬ ꓪ ꓜꓲ ꓮ ꓘꓶꓸ ꓐꓬꓱꓼ ꓡꓱꓼ_ ꓟ ꓥꓳ= ꓧꓶꓸ ꓕꓯ ꓐꓬꓱꓼ ꓡꓱꓼ_ ꓟ ꓡꓰ ꓮ ꓟꓶ ꓮ ꓓꓲꓽ ꓐꓬꓱꓼ ꓡꓱꓼ_ ꓟ ꓔꓯ ꓧꓪꓸ ꓡꓰ ꓟꓽ ꓘꓴ ꓠꓬꓲ-ꓸ ꓧꓶꓸ ꓕꓯ ꓐꓬꓱꓼ ꓡꓱꓼ ꓟ ꓠꓬ ꓧꓳꓽ ꓬꓰꓳ= ꓧꓳꓽ ꓬꓰ_ ꓟ ꓖꓳ ꓟ ꓐꓬꓱꓼ ꓡꓱꓼ ꓡꓱꓼ ꓗꓹ ꓕꓯ ꓠꓽ-ꓸ ꓮ ꓕꓯ_ ꓟꓲ ꓧꓳꓽ ꓬꓰ ꓟꓽ ꓓ ꓟ ꓕꓱ ꓟ ꓠꓬ ꓟꓬꓽ ꓠꓬꓲ ꓮꓽ ꓘꓶꓸ ꓐꓬꓱꓼ ꓡꓱꓼ_ ꓟ ꓥ ꓡꓳ=