ꓙꓵꓽ ꓗ ꓟꓸ ꓒ ꓐꓴ ꓔꓯ ꓟꓳꓸ ꓐꓯ ꓓꓳ ꓡ_ ꓟ

ꓟ-ꓕꓲ ꓕꓳꓽ ꓶ 23: 23-26

 ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ ꓢꓴ ꓕꓳ ꓶ ꓐꓳ ꓒ_ ꓐꓰ ꓒ-ꓡꓲ-ꓢꓷ ꓐꓴ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓬ ꓑꓴꓸ ꓧꓳꓺ_ ꓐꓰ꓾ ꓠꓸ ꓐꓳꓽ ꓪꓳꓽ ꓤ_ ꓐꓰ꓾ ꓠꓸ ꓐꓳꓽ ꓪꓳꓽ ꓓꓽ ꓟ ꓣꓴ ꓢꓲ ꓞꓲ ꓐꓱ ꓕꓲ ꓐꓱꓻ ꓔꓲ ꓖꓶ_ ꓡꓳ꓿ ꓙꓵꓽ ꓗ ꓗꓪ ꓟꓬꓽ ꓠꓬꓲ ꓒꓵꓽ_ ꓟ꓾ ꓔꓱꓹ ꓜꓳꓽ_ ꓟ_ ꓐꓰ꓾ ꓫꓱꓸ ꓤ_ ꓟ_ ꓐꓰ꓾ ꓙꓵꓻ ꓠꓲ ꓠꓬ ꓠꓴ ꓪ ꓟꓽ ꓬꓰ꓿ ꓕꓱ ꓟ ꓠꓽ ꓠꓴ ꓪ ꓬꓰ ꓠꓯ_ ꓟ ꓥ ꓡꓳ꓿ ꓖꓳ ꓟ_ ꓟꓲ ꓟꓽ ꓬꓰ ꓕꓽ ꓗꓷ ꓡꓰ ꓝꓲ꓿ ꓟꓬ ꓔꓶ ꓢꓲ ꓙ ꓖꓴ ꓧꓳꓽ ꓟꓸ ꓖꓶ ꓢꓴ ꓠꓴ ꓪꓽꓳ꓾ ꓬꓲꓹ ꓑꓵꓸ ꓤ ꓔꓯ ꓞꓶꓻ ꓓꓳ ꓡ ꓢꓲ꓾ ꓡꓳꓽ ꓕꓳ ꓔꓯ ꓖꓴꓻ ꓓꓵꓽ ꓡꓰꓳ꓿ ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ ꓢꓴ ꓕꓳ ꓶ ꓐꓳ ꓒ_ ꓐꓰ ꓒ-ꓡꓲ-ꓢꓷ ꓐꓴ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓡꓴ ꓗꓶꓸ_ ꓐꓰ ꓐꓯꓻ ꓕꓯ ꓢꓲ ꓗꓪ ꓫꓬꓻ ꓫꓬꓻ_ ꓡꓰꓽ ꓞꓲꓽ_ ꓡꓳ꓿ ꓖꓳ ꓡꓱ ꓥ_ ꓟꓲ ꓠꓯꓸꓼ ꓗꓪ ꓠꓽ꓾ ꓢꓴ ꓔꓯ ꓘꓳꓹ ꓜꓽ_ ꓟ_ ꓐꓰ ꓦꓯꓸ ꓜꓽ_ ꓟ ꓐꓲ ꓞ_ ꓡꓳ꓿ ꓒ-ꓡꓲ-ꓢꓷ ꓟꓬ ꓔꓶ ꓢꓴ ꓠꓴꓳ꓾ ꓕꓯ ꓢꓲ ꓗꓪ ꓫꓬꓻ ꓡꓰ_ ꓟ ꓒꓬꓱꓼ ꓡ ꓝꓲ ꓠꓹ ꓟ꓾ ꓡꓴ ꓗꓶꓸ_ ꓐꓰ ꓐꓯꓻ ꓠꓯꓸꓼ ꓗꓪ ꓧꓶ ꓕꓯ ꓞꓲꓽ ꓫꓬ ꓡꓰ ꓝꓲ꓿