ꓙꓵꓽ ꓗ ꓟꓸ ꓒ ꓐꓴ ꓔꓯ ꓟꓳꓸ ꓐꓯ ꓓꓳ ꓡ_ ꓟ

ꓟ-ꓕꓲ ꓕꓳꓽ ꓶ 23: 27-32

 ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ ꓢꓴ ꓕꓳ ꓶ ꓐꓳ ꓒ_ ꓐꓰ ꓒ-ꓡꓲ-ꓢꓷ ꓐꓴ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ꓾ ꓭꓸ ꓘꓴꓽ ꓦꓻ ꓟꓰ ꓔ ꓢꓲ꓾ ꓕꓯ ꓢꓲ ꓗꓪ ꓡꓳꓸ ꓐꓲꓻ_ ꓟꓲ꓾ ꓠꓯꓸꓼ ꓗꓪ ꓠꓽ ꓞꓳ ꓫꓵꓻ ꓪꓳꓽ ꓔꓳ_ ꓐꓰ ꓟꓽ ꓫꓬ ꓟ ꓐꓲꓺ ꓞ_ ꓟ ꓡꓱ ꓜꓴ_ ꓡꓰ ꓐꓰ ꓗ_ ꓡꓳ꓿ ꓖꓳ ꓟ_ ꓡꓰ ꓐꓰ ꓠꓴ ꓪ_ ꓟꓲ꓾ ꓞꓳ ꓤ ꓟꓲꓽ ꓙꓬ ꓗꓪ꓾ ꓕꓯ ꓢꓲ ꓗꓪ ꓔꓱꓹ_ ꓟ ꓒꓬꓱꓽ ꓶ_ ꓡꓳ꓿ ꓠꓯꓸꓼ ꓗꓪ ꓠꓽ ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ_ ꓟ_ ꓐꓰ ꓙꓵꓽ ꓗ ꓔꓯ ꓟꓽ ꓒꓵꓽ ꓟ ꓐꓲ ꓞ_ ꓡꓳ꓿ ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ ꓢꓴ ꓕꓳ ꓶ ꓐꓳ ꓒ_ ꓐꓰ ꓒ-ꓡꓲ-ꓢꓷ ꓐꓴ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓟꓷ ꓠꓷꓹ ꓝ ꓢꓴ ꓡꓱ ꓜꓴ ꓜꓶꓻ ꓢꓲ꓾ ꓙꓲ ꓫꓬ_ ꓟ ꓡ ꓞꓳ ꓡꓱꓽ ꓜꓴ ꓔꓯ ꓐꓲꓻ ꓡꓰ ꓝꓲ ꓢꓲ ꓠꓬꓲ ꓕꓱ ꓡꓱ ꓐꓯ_ ꓡꓳ꓾ ꓣꓳꓽ ꓠꓬ ꓣꓳ ꓮꓽ ꓒꓵꓽ ꓮ ꓑ ꓐꓴ ꓦꓬꓼ ꓠꓬꓲ ꓗꓪ ꓔꓬ_ ꓕꓯ ꓠꓽ꓾ ꓟꓷ ꓠꓷꓹ ꓝ ꓢꓴ ꓫꓵꓽ ꓬꓲꓻ ꓝꓲ_ ꓟ ꓗꓪ꓾ ꓣꓳꓽ ꓬꓲ ꓪ ꓔꓯ ꓟꓽ ꓔꓺ ꓡꓳ ꓫꓵ ꓥ ꓡꓳ꓾ ꓐꓯ_ ꓡꓳ꓿ ꓕꓱ ꓟ ꓗꓪ ꓐꓰ ꓠꓴ ꓪ ꓚꓲ ꓛꓬ ꓠꓽ ꓟꓷ ꓠꓷꓹ ꓝ ꓢꓴ ꓔꓯ ꓢꓰꓼ ꓢꓴ ꓬꓲ ꓪ ꓞꓲꓼ ꓤ ꓡꓯꓹ ꓤ ꓥ ꓟ ꓢꓷ ꓙ ꓟꓳ ꓙ_ ꓡꓳ꓿ ꓠꓴ ꓪ ꓠꓬ ꓠꓴ ꓪ ꓮꓽ ꓒꓵꓽ ꓮ ꓑ ꓐꓴ ꓙꓳꓻ ꓓꓴ ꓔꓯ ꓐꓲꓺ ꓡ ꓝꓲ꓿