ꓛꓬ ꓢꓴ ꓔꓯ ꓮ ꓡꓲ ꓬꓰ ꓠꓯꓹ ꓟ

ꓟ-ꓕꓲ ꓕꓳꓽ ꓶ 18: 15-20

 ꓠꓴ ꓬꓲꓼ ꓠꓴ ꓠꓬꓲ ꓠꓴ ꓔꓯ ꓛꓬꓻ ꓡ_ ꓠꓬ꓾ ꓠꓴ ꓙꓰ ꓢꓲ ꓠꓴ ꓪ ꓠꓬꓲꓽ ꓣꓳ ꓔꓵꓸꓼ ꓔꓬ_ ꓕꓯ꓾ ꓬꓲ ꓝꓴꓲ ꓖꓴ ꓟꓳꓸ ꓖꓶ꓿ ꓬꓲ ꓠꓴ ꓔꓯ ꓠ ꓡꓳ_ ꓕꓯ ꓠꓽ꓾ ꓠꓴ ꓬꓲꓼ ꓠꓬꓲ ꓔꓯ ꓠꓴ ꓘꓶꓸ ꓟꓶ_ ꓥꓳ꓿ ꓬꓲ ꓟꓽ ꓠ ꓡꓳ ꓕꓯ ꓠꓽ꓾ ꓢꓷ ꓙ ꓟꓳ ꓙ ꓢꓴ ꓠꓬꓲꓽ ꓢꓼ ꓣꓳ ꓟ ꓟꓷ ꓠꓷꓹ ꓗꓪ ꓐꓰ꓾ ꓮ ꓡꓲ ꓕꓲ ꓘꓶ ꓥ_ ꓟꓲ ꓕꓶꓻ ꓡꓰ ꓝꓲ ꓠꓹ ꓟ꓾ ꓠꓴ ꓠꓱꓸ ꓐꓯꓼ ꓕꓲ ꓠꓬꓲꓽ ꓣꓳ ꓧꓳꓽ ꓙꓰ꓿ ꓬꓲ ꓬꓲ ꓪ ꓔꓯ_ ꓟꓲ ꓟꓽ ꓠ ꓡꓳ ꓠꓬ꓾ ꓘꓴ ꓜꓲꓼ ꓞꓳ ꓔꓯ ꓐꓯ ꓖꓶ꓿ ꓘꓴ ꓜꓲꓼ ꓞꓳ ꓔꓯ_ ꓟꓲ ꓟꓽ ꓠ ꓡꓳ ꓠꓬ꓾ ꓬꓲ ꓔꓯ꓾ ꓐꓶꓽ ꓞꓳ_ ꓐꓰ ꓝꓲꓸ ꓫ ꓢꓴ_ ꓡꓰ ꓐꓰ ꓚꓬꓹ ꓠꓯ_ ꓡꓳ꓿ ꓥꓪ ꓠꓴ ꓪ ꓔꓯ ꓔꓱꓹ ꓔꓱ_ ꓐꓰ ꓐꓯ ꓖꓶ_ ꓠꓬꓲ꓾ ꓟꓲ ꓠꓯ ꓗꓪ ꓠꓴ ꓪ ꓡꓰ ꓞꓳꓹ ꓔ_ ꓟ ꓮ ꓫꓵ ꓥ_ ꓟꓲ꓾ ꓟꓴ ꓗꓪ ꓗꓪ_ ꓟꓲ ꓞꓳꓹ ꓔ_ ꓥꓳ꓿ ꓟꓲ ꓠꓯ ꓗꓪ ꓠꓴ ꓪ ꓡꓰ ꓩꓴ ꓗꓷ_ ꓟ ꓮ ꓫꓵ ꓥ_ ꓟꓲ꓾ ꓟꓴ ꓗꓪ ꓗꓪ_ ꓟꓲ ꓩꓴ ꓗꓷ_ ꓥꓳ꓿ ꓥꓪ ꓝꓮꓲ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓠꓴ ꓪ ꓗꓪ ꓟ ꓠꓬꓲꓽ ꓣꓳ꓾ ꓟꓲ ꓠꓯ ꓗꓪ ꓔꓬ ꓢꓲ ꓮ ꓫꓵ ꓓꓰꓽ_ ꓟꓲ ꓕꓲ ꓠꓲꓹ ꓕꓲ ꓪꓽ ꓥ ꓕꓯ ꓠꓽ꓾ ꓟꓴ ꓗꓪ ꓗꓪ ꓟ ꓥꓪ ꓐꓹ ꓐ ꓠꓬ ꓬꓲ ꓪ ꓐꓱ ꓶ ꓒꓬꓱꓼ ꓡ ꓝꓲ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓮ ꓡꓲ ꓗꓪ_ ꓟꓲ ꓡ ꓞꓳ ꓠꓬꓲꓽ ꓢ ꓣꓳ ꓥꓪ ꓟꓬꓱꓺ ꓗꓪ ꓐꓰ ꓜꓲꓼ ꓡꓯ ꓘꓳ_ ꓠꓬ꓾ ꓥꓪ_ ꓟꓲ ꓬꓲ ꓪ ꓗꓳ ꓡꓳ ꓗꓪ ꓔꓬ_ ꓥꓳ꓾ ꓐꓯ ꓖꓶ_ ꓡꓳ꓿