ꓛꓳꓽ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓢꓲ_ꓟ

ꓡꓴ-ꓘ ꓕꓳꓽ ꓶ 6: 12-19

 ꓦꓬꓼ ꓠꓬꓲ ꓖꓳ ꓟ ꓗꓪ꓾ ꓬꓰ-ꓢꓴ ꓠꓬ ꓪ ꓘꓴ_ ꓐꓰ ꓪ ꓚꓲ ꓗꓪ ꓓꓯ ꓙꓰ ꓢꓲ꓾ ꓕꓲ ꓦꓬꓼ ꓡꓱꓸꓼ ꓪꓴ-ꓢ ꓔꓯ ꓪ ꓘꓴ ꓔꓬ_ ꓡꓳ꓿ ꓟꓲꓽ ꓕꓯ ꓙꓲ ꓡ_ ꓕꓯ꓾ ꓬꓲ ꓛꓳ ꓒꓯ ꓐꓴ ꓔꓯ ꓘꓴ ꓔꓯꓹ ꓡ ꓢꓲ ꓬꓲ ꓪ ꓗꓳ ꓡꓳ ꓗꓪ ꓐꓰ꓾ ꓬꓰ-ꓢꓴ ꓡꓰ ꓒꓲ-ꓕꓱ꓾ ꓐꓰ ꓟꓬꓱꓺ ꓗꓷ ꓟ ꓢꓲ-ꓟꓴ_ ꓐꓰ꓾ ꓬꓲ ꓠꓬꓲ ꓤꓽ ꓯ-ꓓꓱ-ꓣꓴ_ ꓐꓰ꓾ ꓬ-ꓗꓴ_ ꓐꓰ꓾ ꓬꓳ-ꓦ_ ꓐꓰ꓾ ꓒꓲ-ꓡꓲꓽ_ ꓐꓰ꓾ ꓐ-ꓕꓳ-ꓡꓱꓽ-ꓟꓲ_ ꓐꓰ꓾ ꓟ-ꓕꓲ_ ꓐꓰ꓾ ꓕꓳꓽ-ꓟ_ ꓐꓰ꓾ ꓮ-ꓡꓱ-ꓒꓲꓹ ꓬꓲ ꓮ ꓐꓲ ꓬ-ꓗꓴ_ ꓐꓰ꓾ ꓠꓲꓹ ꓡꓱ ꓢꓴ꓾ ꓐꓰ ꓘꓴ_ ꓟ ꓢꓲꓹ-ꓟꓴ_ ꓐꓰ꓾ ꓬ-ꓗꓴ ꓬꓲ ꓮ ꓐꓲ ꓬꓴ-ꓔ_ ꓐꓰ ꓢꓲꓺ ꓒ ꓔꓯ ꓪꓴꓽ ꓜꓽ ꓢꓴ ꓘꓹ-ꓡꓲꓳ ꓒꓽ ꓬꓴꓽ-ꓓꓽ ꓕꓱ ꓞꓲ ꓠꓬꓲꓽ ꓣꓳ ꓔꓯ ꓢꓲꓺ ꓔ ꓢꓲ꓾ ꓝꓲ ꓓꓴ꓾ ꓐꓰ ꓘꓴ_ ꓡꓳ꓿ ꓬꓲ ꓠꓬ ꓬꓲ ꓪ_ ꓐꓰ ꓬꓯꓼ ꓙꓰ ꓢꓲ꓾ ꓪꓼ ꓓꓰꓺ ꓕꓲ ꓓꓰ ꓗꓪ ꓦꓰꓼ ꓞ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓛꓳ ꓒꓯꓹ ꓐꓴ ꓬꓲ ꓜꓴ ꓓꓽ ꓟ_ ꓐꓰ꓾ ꓬꓴ-ꓔ ꓟꓵꓽ ꓮ ꓙꓵ_ ꓐꓰ ꓙꓱ-ꓣꓴ-ꓢ-ꓡꓱ_ ꓐꓰ ꓕꓲ-ꓬ_ ꓐꓰ ꓢꓲ-ꓓꓳ ꓟꓵꓽ ꓗꓪ ꓟ ꓬꓲꓻ ꓡꓴ ꓐꓱ ꓓꓽ ꓟ ꓘꓶꓽ ꓗꓪ ꓐꓰ ꓡ_ ꓟ ꓑ ꓫꓬ ꓐꓴ ꓮ ꓟꓬꓹ ꓠꓬ꓾ ꓬꓲ ꓚ ꓟꓸ ꓖꓶ_ ꓟ ꓟꓸ ꓟꓲꓽ ꓠ ꓠꓹ ꓢꓲ꓾ ꓬꓲ ꓪ ꓠꓻ ꓒꓬꓽ ꓫꓬꓹ ꓡ ꓢꓴ_ ꓐꓰ꓾ ꓟꓽ ꓫꓬ ꓠꓲꓽ ꓡꓰ ꓘꓶ ꓡꓶꓽ ꓔꓬ ꓢꓴ ꓔꓯ_ ꓟꓲ ꓫꓬꓹ ꓓ ꓡꓰ ꓖꓶ_ ꓡꓳ꓿ ꓡ ꓞꓳ ꓬꓲ ꓜꓴ ꓮ ꓙꓵ ꓠꓬ ꓬꓲ ꓔꓯ ꓫꓱꓹ ꓠꓲ ꓫꓵ _ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓖꓳ ꓓꓱ ꓗꓪ ꓐꓰ ꓪꓽ ꓠꓬꓲ_ ꓟ ꓓꓳ ꓡ ꓢꓲ꓾ ꓬꓲ ꓪ ꓮ ꓙꓵ ꓢꓴ ꓔꓯ ꓫꓬꓹ ꓓ ꓡꓰ_ ꓡꓳ꓿