ꓛꓳꓽ ꓒꓯꓹ ꓫꓵꓽ ꓞꓲ ꓣꓳ ꓔꓯ ꓝꓲ ꓩꓴ ꓗꓷ_ ꓟ

ꓕꓱ ꓟꓬ ꓫꓵꓽ ꓗ ꓠꓯ ꓢꓲꓺ ꓒ ꓠꓬ ꓠꓱ ꓐꓯ ꓫꓵꓽ ꓞꓲ ꓣꓳ ꓢꓲꓺ ꓚꓰꓸ ꓗꓷ ꓢꓲ꓾ ꓬꓲ ꓚꓲ ꓛꓬ ꓙꓰ_ ꓐꓰ ꓬꓰ_ ꓟ ꓕꓲ ꓡꓳ ꓒꓱ ꓡꓰ ꓕꓲ ꓡꓳ ꓒꓱ꓾ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ꓾ ꓬꓲ ꓪ ꓔꓯ ꓠꓬꓲꓽ ꓣꓳ ꓠꓬꓲꓽ ꓣꓳ ꓐꓰ ꓬꓲ ꓟꓲꓽ ꓕꓯ ꓢꓲ ꓝꓲ ꓩꓴ ꓙꓰ_ ꓡꓳ꓿ ꓬꓲ ꓠꓬ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓫꓺ ꓠꓯꓹ ꓟ ꓜ ꓪꓳ ꓡꓳ ꓪꓳ ꓚꓵ ꓚꓵ ꓟꓬꓽ_ ꓡꓳ꓿ ꓟꓬꓱꓽ ꓬꓰ ꓢꓴ ꓠꓽ ꓠꓲꓸ_ ꓡꓳ꓿ ꓖꓳ ꓡꓱ ꓠꓬꓲ ꓬꓲ ꓜꓽ ꓪꓳ ꓡꓳ ꓪꓳ ꓫꓺ ꓝꓲ_ ꓐꓰ ꓟꓬꓱꓽ ꓬꓰ ꓢꓴ ꓔꓯ ꓝꓲ ꓩꓴ ꓙꓰ ꓠꓹ ꓟ꓾ ꓜꓽ ꓪꓳ ꓡꓳ ꓪꓳ ꓢꓲꓺ ꓒ ꓔꓯ ꓓꓰꓽ꓿ ꓠꓴ ꓪ ꓙꓰ ꓨ꓾ ꓠꓬꓲ ꓠꓹ꓾ ꓪꓰꓻ ꓕꓳꓹ ꓜꓴ ꓗꓳ ꓡꓳ ꓗꓪ ꓟ ꓮ ꓣꓳ ꓤ_ ꓡꓰ ꓐꓰ ꓥꓪ ꓠꓴ ꓪ ꓔꓯ ꓝꓲ ꓩꓴ ꓗꓷ_ ꓡꓳ꓿ ꓒꓴ ꓒꓲꓽ ꓘꓴꓽ ꓕꓽ ꓔꓯꓹ꓾ ꓡꓯ ꓔꓲ_ ꓟꓲ꓾ ꓛꓲ ꓠꓲ_ ꓟꓲ ꓕꓽ ꓔꓯꓹ꓾ ꓙ ꓖꓴ ꓗꓪ ꓮ ꓟ ꓔꓯ_ ꓟꓲ ꓒꓵꓽ ꓗ ꓕꓽ ꓬꓰ꓿ ꓮ ꓡꓲ ꓕꓲ ꓦꓲ ꓗꓪ ꓓꓵꓽ ꓡꓰ ꓠꓬ ꓧꓶꓸ ꓕꓯ꓾ ꓖꓳ ꓕꓲ ꓦꓲ ꓔꓯ ꓢꓲꓺ ꓡꓲ ꓟ ꓙꓳ ꓡ ꓝꓲ꓾ ꓐꓰ ꓐꓯ ꓖꓶ꓿ ꓖꓳ ꓡꓱ ꓢꓲ ꓢꓲꓺ ꓡꓲ_ ꓟ ꓞꓳ ꓤ ꓖꓳ ꓗꓪ ꓔꓬ_ ꓠꓬ꓾ ꓠꓴ ꓪ ꓓꓰꓽ_ ꓟ ꓢꓲ ꓡꓲ ꓟ ꓠꓬ ꓖꓳ ꓕꓲ ꓦꓲ ꓗꓪ ꓬꓯꓼ ꓡ_ ꓥꓳ꓿ ꓟꓽ ꓥ ꓠꓬ ꓠꓴ ꓪ ꓔꓯ ꓬꓲꓼ ꓡ_ ꓥꓳ꓿ ꓖꓳ ꓕꓲ ꓦꓲ ꓗꓪ ꓔꓬ ꓢꓲ꓾ ꓬꓲ ꓪ ꓮ ꓫꓵꓽ ꓖꓶ ꓡ_ ꓠꓬ ꓮ ꓫꓵ ꓜꓽ ꓮ ꓫꓵ ꓓꓳ꓿ ꓮ ꓡꓲꓳ ꓐꓯ ꓠꓬ ꓪꓽ ꓗꓴꓸ ꓔ ꓢꓴ ꓠꓽ ꓪꓽ ꓒꓵꓽ ꓟꓶ ꓒꓵꓽ_ ꓡꓳ꓿ ꓕꓲ ꓦꓲꓻ ꓕꓲ ꓦꓲ ꓐꓰ ꓕꓽ ꓚꓵꓸ ꓙꓰ꓿ ꓮ ꓡꓲ ꓕꓲ ꓡꓳ ꓒꓱ ꓗꓪ ꓓꓵꓽ ꓙꓰ_ ꓟꓲ ꓬꓲ ꓪ ꓡꓰ ꓠꓴ ꓪ ꓔꓯ ꓘꓳ ꓣꓴ_ ꓠꓬ꓾ ꓠꓴ ꓪ ꓔꓯ ꓮ ꓫꓵ ꓲꓹꓺ ꓖꓶ ꓡ ꓠꓬ ꓮ ꓫꓵ ꓜꓽ꓿ ꓝꓮꓲ ꓠꓬ ꓖꓳ ꓗꓪ ꓟ ꓞꓳ ꓠꓻ ꓔꓯ ꓫꓬꓹ ꓖꓶ ꓢꓲ ꓬꓲ ꓪ ꓔꓯ꓾ ꓪꓴ-ꓢ ꓗꓴꓷꓼ ꓠꓬ ꓠꓴ ꓪ ꓔꓯ ꓠꓶꓽ ꓡꓻꓳ꓾ ꓐꓰ ꓐꓯ ꓖꓶ꓿  ꓡꓴ-ꓘ ꓕꓳꓽ ꓶ 10: 1-9

 

Add new comment

2 + 13 =