ꓛꓳ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓝꓲ ꓩꓴ ꓗꓷ_ ꓟ

 ꓬꓰ-ꓢꓴ ꓠꓬ ꓞꓲ ꓠꓬꓲꓽ ꓣꓳ ꓔꓯ ꓘꓴ ꓜꓲꓼ ꓡ ꓢꓲ꓾ ꓠꓻ ꓒꓬꓽ ꓮ ꓙꓵ ꓔꓯ ꓫꓬꓹ ꓓ ꓡꓰ ꓘꓴ_ ꓟ ꓪꓽ ꓠꓬꓲ_ ꓟ_ ꓐꓰ꓾ ꓠꓲꓽ ꓥ ꓕ ꓑꓳ ꓔꓯ ꓙꓵꓽ_ ꓟ ꓙꓵꓽ ꓪ ꓬꓲ ꓪ ꓔꓯ ꓖꓶ_ ꓡꓳ꓿ ꓝꓮꓲ ꓠꓬ ꓪꓴ-ꓢ ꓗꓴꓷꓼ ꓚ ꓟꓸ ꓖꓶ ꓠꓹ ꓟ_ ꓐꓰ꓾ ꓠꓻ ꓢꓴ ꓒꓬꓽ ꓢꓴ ꓔꓯ ꓫꓬꓹ ꓖꓶ ꓠꓹ ꓟ꓾ ꓬꓰ-ꓢꓴ ꓬꓲ ꓪ ꓔꓯ ꓝꓲ ꓩꓴ ꓗꓷ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓬꓲ ꓪ ꓔꓯ꓾ ꓠꓴ ꓪ ꓓꓴ ꓓꓳ ꓙꓰ_ ꓗꓪ꓾ ꓙꓽ ꓥꓳ_ ꓟꓲ꓾ ꓡꓽ ꓔꓲ_ ꓟꓲ꓾ ꓜ ꓓꓴ_ ꓟꓲ꓾ ꓒꓴꓻ_ ꓟꓲ ꓕꓽ ꓔꓯꓹ꓾ ꓐꓵ ꓞꓶ_ ꓟꓲ ꓠꓬꓲꓽ ꓘꓳꓹ ꓕꓽ ꓔꓯꓹ꓿ ꓮ ꓡꓲ ꓕꓲ ꓦꓲ ꓗꓪ ꓓꓵ ꓙꓰ_ ꓟꓲ ꓬꓲ ꓖꓳ ꓗꓪ ꓔꓬ ꓢꓲ꓾ ꓙꓰ_ ꓕꓯ ꓟꓲ ꓖꓳ ꓗꓪ ꓐꓰ ꓓꓳ ꓙꓰ꓿ ꓠꓴ ꓪ ꓔꓯ ꓟꓽ ꓘꓳ ꓣꓴ ꓠꓬ꓾ ꓡꓳ ꓒꓱ ꓖꓳ ꓟ ꓗꓪ ꓐꓰ ꓓꓳ ꓙꓰ_ ꓕꓯ꓾ ꓬꓲ ꓪ ꓔꓯ ꓔꓳꓹ_ ꓟ ꓢꓷ ꓙ ꓟꓳ ꓙ ꓓꓴ ꓬꓰ ꓠꓹ ꓟ꓾ ꓠꓴ ꓪ ꓛꓲꓺ ꓗꓪ ꓗꓪ ꓟ ꓠꓱꓸ ꓦꓱ ꓧꓶꓽ ꓟꓱꓸ ꓞꓰ ꓩꓴ ꓗꓷ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓙꓰ ꓢꓲ꓾ ꓕꓲ ꓘꓹ ꓡꓰ ꓕꓲ ꓘꓹ ꓗꓪ ꓶꓼ ꓥꓳ ꓫꓱꓹ ꓥꓳ ꓚ ꓟꓸ ꓖꓶ ꓢꓲ ꓠꓬꓲ꓾ ꓮ ꓡꓲ ꓗꓪ_ ꓟꓲ ꓠꓻ ꓫꓬꓹ ꓖꓶ_ ꓡꓳ꓿  ꓡꓴ-ꓘ ꓕꓳꓽ ꓶ 9: 1-6