ꓛꓳ ꓒꓯ ꓐꓴ ꓔꓯ ꓠꓲꓹ ꓟ ꓗꓴ ꓖꓶ_ꓟ

ꓠꓴ ꓪ ꓠꓲꓹ ꓟ ꓕꓽ ꓫ = ꓪꓴ-ꓢ ꓔꓯ ꓙꓴꓸꓹ -ꓸ ꓥꓪ ꓔꓯ- ꓟꓲ ꓙꓵꓸꓹ= ꓥꓪ ꓐꓹꓐ ꓦꓲ ꓗꓪ ꓠꓬ ꓔꓬ ꓖꓴ ꓮꓽ ꓟꓬꓹ ꓙꓳ- ꓡꓳ= ꓔꓬ ꓖꓴ ꓟꓽ ꓙꓳ_ ꓔꓯ ꓠꓽ ꓠꓴ ꓪ ꓔꓯ  ꓧꓶꓸ ꓕꓯ_  ꓡꓰ ꓥꓪ ꓐꓯ ꓖꓶ- ꓡꓳ ꓫꓵꓽ ꓥ ꓡꓳ= ꓮ ꓡꓲꓳ ꓐꓯ ꓠꓬ ꓥꓪ ꓠꓽ ꓠꓴ ꓪ ꓐꓱ ꓶ ꓔꓬ ꓖꓴ ꓙꓽ ꓖꓶ_ ꓐꓰ ꓙꓰ_ ꓟ ꓥ ꓡꓳ= ꓥꓪ ꓙꓰ ꓢꓲ ꓠꓴ ꓪ ꓐꓱ ꓶ ꓔꓬ ꓖꓴ ꓙꓽ ꓖꓶꓽ ꓓꓳ ꓡꓰ ꓠꓬ-ꓸ ꓥꓪ ꓝꓮꓲ ꓕꓲ ꓧꓪꓹ ꓡ ꓢꓲ ꓠꓴ ꓪ ꓔꓯ ꓧꓳꓽ ꓔꓯꓹ ꓙꓰ ꓢꓲ ꓠꓬꓲ-ꓸ ꓥꓪ ꓮ ꓡꓲ ꓗꓪ ꓔꓬ ꓠꓬ ꓠꓴ ꓪ_ ꓟꓲ ꓖꓳ ꓗꓪ ꓔꓬ ꓟꓶ_ ꓥꓳ= ꓥꓪ ꓔꓬ ꓖꓴ ꓗꓪ ꓛꓲ ꓬꓰ_ ꓟ ꓙ ꓖꓴ ꓠꓴ ꓪ ꓢꓓ_ꓡꓳ-ꓸ ꓐꓯ_ ꓡꓳ= ꓖꓳ ꓕꓯ ꓕꓳ-ꓟ ꓡꓰ ꓬꓲ ꓔꓯ-ꓸ ꓢꓲ ꓒꓽꓳ-ꓸ ꓠꓴ ꓮ ꓡꓲ ꓗꓪ ꓙꓰ_ ꓐꓰ ꓬꓰ_ ꓟ ꓥꓪ ꓥꓪ ꓠꓴꓽ ꓟ ꓢꓓꓸ= ꓙꓽ ꓖꓓ_ ꓟꓲ ꓥꓪ ꓠꓴꓽ ꓟꓽ ꓢꓓ-ꓸꓸ ꓐꓯ_ꓡꓳ= ꓬꓰ_ ꓢꓴ ꓡꓰ ꓬꓲ ꓕꓯ-ꓸ ꓥꓪ ꓠꓬ ꓙ ꓖꓴ_ ꓐꓰ ꓕꓱꓹ- ꓟꓹ- ꓐꓰ ꓢꓯꓼ ꓟꓬ ꓥ ꓡꓳ= ꓥꓪ ꓗꓪ ꓐꓰ ꓟꓽ ꓥ ꓠꓬ ꓐꓹꓐ ꓔꓯ ꓡ ꓢꓴ ꓕꓲ ꓣꓳ_ ꓟꓲ ꓟꓽ ꓙꓳ=