ꓜ ꓫꓵꓸ ꓫꓵꓸ_ ꓟ ꓔꓯ ꓥꓳꓽ

ꓟ-ꓕꓲ ꓕꓳꓽ ꓶ 13: 1-9

 ꓖꓳ ꓕꓲ ꓠꓬꓲ ꓗꓪ ꓬꓰ-ꓢꓴ ꓠꓬ ꓦꓲ ꓗꓪ ꓐꓰ ꓓꓳ ꓙꓰ ꓢꓲ꓾ ꓬꓲꓻ ꓡꓴ ꓐꓱ ꓘꓶꓽ ꓗꓪ ꓠꓬꓲꓸ ꓠꓸ_ ꓡꓳ꓿ ꓬꓲ ꓔꓬ_ ꓗꓪ ꓞꓳ ꓜꓴ ꓓꓽ ꓟ ꓜꓲꓼ ꓡ ꓠꓬꓲ꓾ ꓬꓲ ꓠꓬ ꓡꓲꓺ ꓕꓲ ꓟ ꓗꓪ ꓓꓵꓽ ꓡꓰ ꓢꓲ ꓠꓬꓲꓸ ꓠꓸ_ ꓡꓳ꓿ ꓞꓳ ꓜꓴ ꓠꓬ ꓬꓲ ꓙꓬ ꓘꓶꓽ ꓗꓪ ꓦꓰꓼ ꓞ_ ꓡꓳ꓿ ꓬꓲ ꓠꓬ ꓔꓯꓺ ꓥꓳꓽ ꓗꓪ ꓐꓰ ꓬꓲ ꓪ ꓔꓯ ꓮ ꓟꓬꓹ ꓫꓵ ꓐꓯ ꓟꓸ ꓖꓶ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓠꓬꓲ ꓠꓹ꓾ ꓜ ꓫꓵꓸ ꓫꓵꓸ ꓢꓴ ꓠꓬ ꓜ ꓫꓵꓸ ꓫꓵꓸ_ ꓐꓰ ꓓꓳ ꓙꓰ_ ꓡꓳ꓿ ꓬꓲ ꓫꓵꓸ_ ꓕꓯ꓾ ꓕꓲ ꓐꓱ ꓠꓬ ꓙ ꓖꓴ ꓘꓶꓽ ꓗꓪ ꓞꓰꓻ ꓡꓰ ꓢꓲ꓾ ꓠꓬꓹ ꓡ ꓢꓲ ꓖꓳ ꓜꓽ ꓡ_ ꓡꓳ꓿ ꓕꓲ ꓐꓱ ꓠꓬ ꓭꓸ ꓒꓲꓽ ꓓꓰ ꓠꓱ ꓦꓱꓽ ꓮ ꓟꓬꓹ ꓟꓽ ꓙꓳ ꓗꓪ ꓞꓰ ꓡꓰ_ ꓡꓳ꓿ ꓠꓱ ꓦꓱꓽ ꓟꓽ ꓠꓯꓸ ꓠꓬꓲ ꓞꓼ ꓐꓰ ꓣꓱ ꓡ_ ꓡꓳ꓿ ꓟꓲꓽ ꓟꓲ ꓓꓳ ꓡ ꓢꓲ ꓡꓱꓸ ꓗꓷ ꓠꓬ꓾ ꓬꓲ ꓚꓰ ꓟꓽ ꓙꓳ ꓠꓬꓲ ꓙꓴꓺ ꓬꓰꓳ꓿ ꓕꓲ ꓐꓱ ꓠꓬ ꓛꓴꓽ ꓐꓬꓼ ꓗꓪ ꓞꓰ ꓡꓰ_ ꓡꓳ꓿ ꓛꓴꓽ ꓪꓴꓽ ꓡ ꓢꓲ ꓦꓵꓹ ꓗꓷ_ ꓡꓳ꓿ ꓕꓲ ꓐꓱ ꓠꓬ ꓟꓵꓽ ꓙꓲ_ ꓗꓪ ꓞꓰꓻ ꓡꓰ ꓢꓲ ꓬꓲ ꓢꓶꓽ ꓓꓱꓼ ꓡ ꓠꓬ꓾ ꓕꓲ ꓦꓬ ꓝꓸ ꓟ ꓕꓲ ꓐꓱ꓾ ꓛꓳꓼ ꓞꓲ ꓝꓸ ꓟ ꓕꓲ ꓐꓱ꓾ ꓢ ꓞꓲ ꓝꓸ ꓟ ꓕꓲ ꓐꓱ_ ꓟꓲ ꓙꓳ_ ꓡꓳ꓿ ꓑ ꓙ ꓓꓴ ꓠꓸ ꓑꓳ ꓙꓳꓻ ꓢꓴ ꓠ ꓠꓹ꓾ ꓐꓯ_ ꓡꓳ꓿