ꓝꓴꓲ ꓬꓰ_ ꓟ ꓤ ꓟꓶ ꓤ

Monday, March 30, 2020

ꓬꓰ-ꓢꓴ ꓠꓽ ꓮ-ꓛꓬꓽ ꓪ ꓚꓲ ꓗꓪ ꓙꓰ_ ꓡꓳ꓿ ꓗ ꓠꓯ ꓠꓯꓼ ꓬꓰ-ꓢꓴ ꓠꓬ ꓢꓲ ꓫꓬ ꓦꓲ ꓠꓯꓸꓼ ꓗꓪ ꓝꓮꓲ ꓕꓲ ꓧꓪꓹ ꓓꓵꓽ ꓡꓰ ꓠꓬ꓾ ꓑ ꓫꓬ ꓐꓴ ꓮ ꓙꓵ ꓬꓲ ꓔꓯ ꓡ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓠꓬꓲꓸ ꓠꓸ ꓢꓲ꓾ ꓬꓲ ꓪ ꓔꓯ ꓟꓸ ꓟꓲ ꓟꓸ ꓖꓶ_ ꓡꓳ꓿ ꓕꓳ ꓶ ꓐꓳ ꓒ ꓐꓴ_ ꓐꓰ ꓒ-ꓡꓲ-ꓢꓷ ꓐꓴ ꓠꓬ꓾ ꓦꓬ ꓛꓳꓽ ꓬꓰ ꓔꓬ_ ꓟ ꓗꓪ ꓣꓴ ꓔ_ ꓟ ꓤ ꓟꓶ ꓤ ꓕꓲ ꓣꓳ ꓧꓳꓽ ꓔꓯꓹ ꓡ ꓢꓲ꓾ ꓗꓳ ꓡꓳ ꓗꓪ ꓦꓰꓼ ꓔꓬ ꓝꓲ ꓢꓲ ꓠꓬꓲ꓾ ꓬꓲ ꓪ ꓡꓰ꓾ ꓟꓸ ꓒꓽꓳ꓾ ꓤ ꓟꓶ ꓤ ꓕꓱ ꓟ ꓠꓬ ꓦꓬꓽ ꓛꓳ ꓬꓰ ꓔꓬ_ ꓟ ꓗꓪ ꓣꓴ ꓔ_ ꓟ ꓥ ꓡꓳ꓿ ꓙꓵꓽ ꓗ ꓗꓪ ꓠꓽ꓾ ꓟꓳ-ꓫꓲ ꓡꓰ ꓕꓱ ꓡꓱ ꓫꓵꓽ ꓤ ꓟꓶ ꓤ ꓔꓯ ꓭꓸ ꓛꓲ ꓡꓰ ꓡꓳ ꓢꓰꓼ꓾ ꓐꓰ ꓥꓪ ꓠꓴꓽ ꓔꓯ ꓕꓵꓼ ꓪ ꓖꓶ ꓔ_ ꓡꓳ꓿ ꓠꓴ ꓠꓬ ꓮ ꓡꓲ ꓐꓯ_ ꓡꓳꓺꓽ꓾ ꓐꓯ_ ꓡꓳ꓿ ꓬꓲ ꓪ ꓕꓱ ꓡꓱ ꓐꓯ_ ꓟ ꓠꓬ꓾ ꓬꓲ ꓔꓯ ꓓꓰꓺ ꓖꓴ ꓧꓪ ꓟꓶ ꓠꓹ ꓟ ꓬꓲ ꓔꓯ ꓤꓹ ꓠꓬꓲ_ ꓟ ꓥ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓰ-ꓢꓴ ꓠꓬ ꓗꓴꓺ ꓗꓴ ꓟꓴ ꓬꓰ ꓢꓲ꓾ ꓬꓲ ꓡꓯꓼ ꓠꓬꓲ ꓡꓰ ꓟꓲ ꓠꓯ ꓗꓪ ꓐꓳꓺ_ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓲ ꓪ ꓟꓽ ꓠꓽ ꓠꓽ ꓬꓲ ꓔꓯ ꓠꓺ ꓠꓬꓲ ꓓꓹ ꓠꓬꓲ꓾ ꓬꓰ-ꓢꓴ ꓦꓰꓼ ꓔꓴ ꓡ ꓢꓲ ꓬꓲ ꓪ ꓔꓯ꓾ ꓠꓴ ꓪ ꓗꓳ ꓡꓳ ꓗꓪ ꓝꓴꓲ ꓟꓽ ꓙꓳ ꓢꓴ ꓧꓶꓸ ꓕꓯ ꓬꓲ ꓔꓯ ꓭꓸ ꓛꓲ ꓡꓳꓺ ꓗꓷ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓝꓮꓲ ꓗꓴꓺ ꓗꓴ ꓟꓴ ꓬꓰ ꓢꓲ꓾ ꓡꓯꓼ ꓠꓬꓲ ꓡꓰ ꓟꓲ ꓠꓯ ꓗꓪ ꓐꓳꓺ_ ꓢꓰꓽ ꓡꓳ꓿ ꓐꓯ ꓘꓶ ꓕꓱ ꓟ ꓬꓲ ꓪ ꓑ ꓙ_ ꓕꓯ꓾ ꓞꓲꓼ ꓪꓴꓽ_ ꓟ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓕꓲ ꓣꓳ ꓗꓸ ꓠꓯ ꓕꓲ ꓣꓳ ꓓꓳ ꓙꓰ_ ꓡꓳ꓿ ꓬꓰ-ꓢꓴ ꓕꓲ ꓣꓳ_ ꓡꓰꓽ ꓜꓰ ꓡꓰ ꓢꓲ꓾ ꓤ ꓟꓶ ꓤ ꓠꓬ ꓖꓳ ꓗꓪ ꓦꓰꓼ ꓔꓬ_ ꓢꓰꓽ ꓡꓳ꓿ ꓬꓰ-ꓢꓴ ꓠꓬ ꓔꓱꓹ ꓔꓴ ꓡ ꓢꓲ꓾ ꓤ ꓟꓶ ꓤꓽꓳ꓾ ꓬꓲ ꓪ ꓮ ꓡꓲ ꓗꓪ ꓙꓰꓳ ꓪꓺꓽ꓿ ꓮ ꓟ_ ꓟꓲ ꓠꓴ ꓔꓯ ꓝꓴꓲ ꓟꓽ ꓐꓯ ꓞꓷꓹ ꓡꓺꓽ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓡꓰ꓾ ꓢꓲꓺ ꓒꓽꓳ꓾ ꓕꓲ ꓣꓳ_ ꓟꓲ ꓟꓽ ꓙꓳ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓡꓰ꓾ ꓥꓪ_ ꓟꓲ ꓠꓴ ꓔꓯ ꓟꓽ ꓐꓯ ꓞꓷꓹ꓿ ꓙꓰ ꓨ꓾ ꓕꓱ ꓡꓱ ꓖꓳ ꓑꓳ ꓝꓴꓲ ꓕꓽ ꓬꓰ꓾ ꓐꓯ_ ꓡꓳ꓿

ꓬꓳ-ꓦ ꓕꓳꓽ ꓶ 8: 1-11