ꓟꓴ ꓗꓪ ꓗꓴꓷꓼ ꓔꓯ ꓥꓳꓽ

ꓟ-ꓕꓲ ꓕꓳꓽ ꓶ 13: 47-53

 ꓝꓮꓲ ꓟꓴ ꓗꓪ ꓗꓴꓷꓼ ꓠꓬ꓾ ꓬꓲꓻ ꓡꓴ ꓐꓱ ꓗꓪ ꓓꓳꓽ ꓢꓲ ꓬꓲ ꓫꓵꓽ ꓬꓲ ꓙꓰ ꓥ ꓕ ꓑꓳ ꓣꓴ ꓟꓶ_ ꓟ ꓥꓪꓸ ꓑꓱꓸ_ ꓡꓰ ꓐꓰ ꓗ_ ꓡꓳ꓿ ꓥꓪꓸ ꓑꓱꓸ ꓐꓲ ꓡ ꓠꓬ ꓬꓲ ꓪ ꓡꓰ ꓬꓲ ꓙꓬ ꓘꓶꓽ ꓗꓪ ꓚꓵꓹ ꓓꓯ ꓡ ꓢꓲ꓾ ꓠꓬꓲꓸ ꓠꓸ ꓢꓲ ꓠꓬꓲ꓾ ꓙꓲ_ ꓟ ꓔꓯ ꓠꓬ ꓢꓲꓺ ꓓꓳ ꓡ ꓢꓲ ꓡꓴꓻ ꓗꓪ ꓗꓶ ꓔ_ ꓡꓳ꓿ ꓟꓽ ꓙꓲ ꓟ ꓠꓬ ꓡꓳ ꓩꓴ ꓗꓷ_ ꓡꓳ꓿ ꓖꓳ ꓟ_ ꓡꓰ ꓐꓰ ꓕꓱ ꓕꓲ ꓡꓶꓸ ꓡꓳꓹ ꓬꓰ_ ꓟ ꓗꓪ_ ꓟꓲ꓾ ꓟꓴ ꓗꓪ ꓝꓲ ꓓꓴ ꓐꓴ ꓓꓳ ꓡ ꓢꓲ꓾ ꓙꓲꓻ ꓫꓬ ꓢꓴ ꓗꓳ ꓡꓳ ꓗꓪ ꓐꓰ ꓥꓶ_ ꓟ ꓡ ꓞꓳ ꓔꓯ ꓐꓱꓻ ꓓꓳ ꓡ ꓢꓲ꓾ ꓐꓬꓻ ꓞ_ ꓟ ꓮꓸ ꓔꓳꓸ ꓘꓴꓻ ꓗꓪ ꓡꓳ ꓧꓳꓽ ꓗꓷ_ ꓥꓳ꓿ ꓖꓳ ꓗꓪ ꓠꓬ ꓥꓴꓻ ꓠꓬꓲ ꓢꓶꓽ ꓛꓲꓽ ꓠꓬꓲ ꓗꓷ ꓡꓰ_ ꓥꓳ꓿ ꓕꓱ ꓟꓬ ꓙꓰꓽ ꓮ ꓙꓵ ꓠꓴ ꓪ ꓙꓽ ꓜꓲꓼ ꓡꓰꓳ ꓪꓺꓽ꓾ ꓐꓰ ꓐꓯ_ ꓡꓳ꓿ ꓬꓲ ꓪ ꓠꓬ꓾ ꓙ ꓜꓲꓼ ꓡꓰꓳ꓾ ꓐꓯ_ ꓡꓳ꓿ ꓬꓲ ꓡꓰ ꓬꓲ ꓪ ꓔꓯ꓾ ꓖꓳ ꓡꓱ ꓠꓬꓲ ꓟꓴ ꓗꓪ ꓗꓴꓷꓼ ꓗꓪ ꓙ ꓜꓲꓼ ꓢꓴ ꓟꓸ ꓒ ꓮ ꓙꓵ ꓠꓬ꓾ ꓬꓲ ꓒꓵꓽ ꓶ ꓗꓪ ꓐꓰ ꓖꓴ ꓙꓴ ꓬꓲ ꓡꓵꓺ ꓬꓲ ꓫꓵꓼ ꓣꓴ ꓓꓳ ꓡ ꓢꓴ ꓦꓲ ꓢꓲ ꓒ ꓕꓲ ꓣꓳ_ ꓡꓰ ꓐꓰ ꓗ_ ꓡꓳ꓾ ꓐꓯ_ ꓡꓳ꓿ ꓔꓯꓺ ꓥꓳꓽ ꓕꓱ ꓟꓬ ꓟ ꓬꓰ-ꓢꓴ ꓐꓯ ꓓꓳ ꓡꓰ ꓠꓬ꓾ ꓔꓴ ꓢꓲ ꓖꓳ ꓗꓪ ꓐꓰ ꓙꓰ_ ꓡꓳ꓿