ꓠꓬꓲꓸ ꓠꓬꓲ ꓟꓼ ꓪꓴ-ꓢ ꓐꓯ ꓘꓶꓽ

ꓬꓳ-ꓦ ꓕꓳꓽ ꓶ 20: 24-29
  ꓖꓳ ꓡꓱ ꓥ_ ꓟꓲ ꓬꓰ-ꓢꓴ ꓡ_ ꓕꓯ꓾ ꓞꓲ ꓠꓬꓲꓽ ꓣꓳ ꓗꓪ ꓟ꓾ ꓤ ꓜꓱ꓾ ꓐꓰ ꓐꓯ_ ꓟ ꓕꓳ-ꓟ ꓠꓬ ꓬꓲ ꓪ_ ꓐꓰ ꓕꓲ ꓪꓺꓼ ꓟꓽ ꓔꓬ꓿
 25ꓖꓳ ꓡꓱ ꓠꓬꓲ ꓛꓳ ꓒꓯꓹ ꓐꓴ ꓡꓰ ꓬꓲ ꓔꓯ꓾ ꓥꓪ ꓠꓴꓽ ꓠꓬ ꓢꓲꓺ ꓒ ꓔꓯ ꓟꓳꓻ ꓗꓷꓳ꓾ ꓐꓯ_ ꓡꓳ꓿ ꓬꓲ ꓠꓽ ꓬꓲ ꓪ ꓔꓯ꓾ ꓬꓲ ꓡꓯ ꓒꓯꓹ ꓗꓪ ꓧꓳ ꓝꓶꓺ ꓡꓰ ꓕꓯꓼ ꓗꓷ ꓟ ꓠꓻ ꓓꓴ ꓥꓪ ꓟꓽ ꓟꓳ ꓠꓬ꓾ ꓧꓳ ꓝꓶꓺ ꓡꓰ ꓕꓯꓼ ꓗꓷ ꓟ ꓠꓻ ꓓꓴ ꓗꓪ ꓥꓪ ꓡꓯꓼ ꓠꓬꓲ ꓡꓰ ꓟꓽ ꓖꓴ ꓠꓬꓲ ꓠꓬ꓾ ꓬꓲ ꓙꓳꓽ ꓐꓬ ꓗꓪ ꓥꓪ ꓡꓯ ꓒꓯꓹ ꓟꓽ ꓢꓶꓻ ꓠꓬꓲ ꓠꓬ ꓥꓪ ꓟꓽ ꓙꓵꓻ꓾ ꓐꓯ_ ꓡꓳ꓿
26 ꓖꓳ ꓗ ꓠꓯ ꓦꓰꓼ ꓠꓬꓲ ꓗꓪ꓾ ꓬꓲ ꓛꓳ ꓒꓯ ꓐꓴ ꓝꓮꓲ ꓕꓲ ꓧꓪꓹ ꓦꓲ ꓠꓯꓸꓼ ꓗꓪ ꓔꓬ_ ꓡꓳ꓿ ꓕꓳ-ꓟ_ ꓟꓲ ꓬꓲ ꓪ_ ꓐꓰ ꓕꓲ ꓪꓺꓼ ꓔꓬ_ ꓡꓳ꓿ ꓗ ꓘꓶ_ ꓟꓲ ꓚꓵꓸ ꓔ_ ꓡꓳ꓿ ꓖꓳ ꓕꓯ ꓬꓰ-ꓢꓴ ꓠꓬ ꓬꓲ ꓪ ꓗꓳ ꓡꓳ ꓗꓪ ꓦꓰꓼ ꓡ ꓢꓲ꓾ ꓠꓴ ꓪ ꓢꓲ ꓡꓲ ꓐꓰ ꓔꓬ꓾ ꓐꓯ_ ꓡꓳ꓿
27 ꓖꓳ ꓡꓱ ꓢꓲ ꓬꓲ ꓡꓰ ꓕꓳ-ꓟ ꓔꓯ꓾ ꓠꓴ ꓡꓯꓼ ꓠꓬꓲ ꓕꓱ ꓗꓪ ꓛꓱꓺ ꓡ ꓢꓲ꓾ ꓥꓪ ꓡꓯ ꓒꓯ ꓔꓯ ꓡꓷꓹ ꓠꓬꓲ ꓡꓯ꓿ ꓝꓮꓲ ꓠꓴ ꓡꓯ ꓒꓯꓹ ꓛꓱ ꓡ ꓢꓲ꓾ ꓥꓪ ꓙꓳꓽ ꓐꓬ ꓗꓪ ꓢꓶꓻ ꓠꓬꓲ ꓡꓯ꓿ ꓖꓳ ꓡꓱ ꓢꓲ ꓙꓵꓻ꓿ ꓙꓵꓻ ꓠꓲꓹ ꓟꓽ ꓙꓳ ꓕꓽ ꓬꓰ꓾ ꓐꓯ_ ꓡꓳ꓿
28 ꓕꓳ-ꓟ ꓒꓳꓹ ꓖꓶ ꓢꓲ꓾ ꓥꓪ ꓢꓲꓺ ꓒ꓾ ꓥꓪ ꓪꓴ-ꓢꓺꓳ꓾ ꓐꓯ_ ꓡꓳ꓿
29 ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ꓾ ꓠꓴ ꓥꓪ ꓔꓯ ꓟꓳ_ ꓟ ꓗꓪ ꓐꓰ꓾ ꓠꓴ ꓙꓵꓻ_ ꓟ ꓥ ꓡꓳ꓿ ꓟꓽ ꓟꓳꓻ ꓠꓬꓲ_ ꓟꓲ ꓙꓵꓻ ꓢꓴ ꓠꓽ ꓶꓼ ꓙꓳ ꓫꓱ ꓙꓳ_ ꓡꓳ꓾ ꓐꓯ_ ꓡꓳ꓿