ꓠꓬꓲꓸ ꓠꓬꓲ ꓟ ꓢꓲ-ꓫꓬꓽ ꓕꓳꓽ ꓶ ꓝꓲꓼ

ꓟ-ꓘꓳ ꓕꓳꓽ ꓶ 2: 1-12
ꓮ ꓟꓬꓹ ꓠꓬꓲ ꓟꓽ ꓥ ꓠꓬ꓾ ꓬꓲ ꓝꓮꓲ ꓘ-ꓒꓱ-ꓠꓴ ꓗꓪ ꓓꓵ ꓡꓰ_ ꓕꓯ꓾ ꓬꓲ ꓠꓬ ꓦꓲ ꓠꓯꓸꓼ ꓗꓪ ꓔꓬ_ ꓟ ꓬꓲ ꓪ ꓢꓷ ꓡꓰ_ ꓡꓳ꓿
ꓗ ꓘꓶ ꓓꓴꓽ ꓗꓪ_ ꓟꓲ ꓬꓲ ꓪ ꓔꓬ ꓖꓴ ꓟꓽ ꓙꓳ ꓠ ꓛꓲ꓾ ꓡ ꓞꓳ ꓮ ꓟꓬꓹ ꓜꓲꓼ ꓡ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓬꓲ ꓪ ꓔꓯ ꓪꓴ-ꓢ ꓐꓯ ꓘꓶ ꓚ ꓟꓸ ꓖꓶ_ ꓡꓳ꓿
ꓡ ꓞꓳ ꓡꓲꓸ ꓣꓳ ꓡꓰ ꓬꓲ ꓔꓬ_ ꓗꓪ ꓛꓲ ꓫꓵꓻ ꓡꓯ ꓫꓵꓻ ꓢꓴ ꓕꓲ ꓣꓳ ꓑꓱꓸ ꓦ ꓡ_ ꓡꓳ꓿
ꓡ ꓞꓳ ꓬꓲ ꓜꓴ ꓑꓶ ꓓꓴ ꓬꓲ ꓒ ꓕꓲꓸꓼ ꓗꓪ ꓬꓲ ꓪ ꓡ ꓟꓽ ꓓ ꓠꓬꓲ꓾ ꓬꓲ ꓔꓬ_ ꓟ ꓦꓲ ꓪꓴꓸ ꓓꓵ ꓓꓰ ꓥꓸ ꓗꓷ ꓢꓲ꓾ ꓬꓲ ꓪ ꓒꓬꓹ ꓦꓱꓹ ꓗꓷ ꓠꓬ꓾ ꓛꓲ ꓫꓵꓻ ꓡꓯ ꓫꓵꓻ ꓢꓴ ꓔꓯ ꓬꓲ ꓬꓲꓼ ꓔ ꓔꓬ_ ꓟ ꓘꓳꓽ ꓓꓳ_ ꓐꓰ ꓩꓴ ꓬꓯꓼ ꓡꓰ_ ꓡꓳ꓿
ꓬꓲ ꓪ ꓙꓵꓻ ꓠꓲꓹ ꓔꓯ ꓬꓰ-ꓢꓴ ꓟꓳꓻ ꓗꓷ ꓠꓬ꓾ ꓛꓲ ꓫꓵꓻ ꓡꓯ ꓫꓵꓻ ꓢꓴ ꓔꓯ꓾ ꓮ ꓐꓲꓳ꓾ ꓠꓴ ꓝꓴꓲ ꓖꓽ ꓖꓶ ꓗꓷꓳ꓾ ꓐꓯ_ ꓡꓳ꓿ 
ꓕꓳ ꓶ ꓐꓳ ꓒ ꓐꓴ ꓕꓲ ꓐꓱ ꓠꓽ ꓖꓪꓻ ꓠꓬꓲꓸ ꓠꓸ ꓔꓬ ꓢꓲ꓾ ꓬꓲ ꓪ ꓠꓲꓹ ꓟ ꓗꓪ ꓕꓱ ꓡꓱ ꓓꓵ ꓙ ꓔꓬ_ ꓡꓳ꓾
ꓡ ꓞꓳ ꓕꓱ ꓟ ꓮ ꓫꓵꓽ ꓪꓴ ꓠꓬꓲ ꓕꓱ ꓡꓱ ꓐꓯ_ ꓡꓳꓺꓽ꓿ ꓬꓲ ꓠꓬ ꓐꓯ ꓟꓽ ꓚꓰꓼ ꓟ ꓐꓯ_ ꓡꓳ꓿ ꓪꓴ-ꓢ ꓡꓰꓽ ꓟꓽ ꓥ ꓠꓬ ꓝꓴꓲ ꓮ ꓟ ꓖꓽ ꓖꓶ ꓐ ꓡ_ ꓡꓳꓺꓽ꓾ ꓐꓰ ꓓꓵ ꓙ_ ꓡꓳ꓿
ꓬꓲ ꓪ ꓠꓲꓹ ꓟ ꓗꓪ ꓖꓳ ꓡꓱ ꓓꓵ ꓙ ꓔꓬ_ ꓟ ꓔꓯ ꓬꓰ-ꓢꓴ ꓬꓲ ꓠꓲꓹ ꓟ ꓗꓪ ꓞꓼ ꓐꓰ ꓢꓷ ꓡꓰ ꓠꓬꓲ꓾ ꓬꓲ ꓪ ꓔꓯ ꓕꓱ ꓡꓱ ꓐꓯ ꓖꓶ_ ꓡꓳ꓾ ꓮ ꓫꓵ ꓪꓴ ꓠꓬꓲ ꓠꓴ ꓪ ꓠꓲꓹ ꓟ ꓗꓪ ꓕꓱ ꓡꓱ ꓓꓵ ꓙ ꓔꓬ_ ꓡꓳꓺꓽ꓿
ꓛꓲ ꓫꓵ ꓡꓯ ꓫꓵ ꓢꓴ ꓔꓯ꓾ ꓠꓴ ꓝꓴꓲ ꓖꓽ ꓖꓶ ꓗꓷꓳ ꓐꓯ_ ꓟ꓾ ꓥ ꓠꓬ꓾ ꓔꓴ꓾ ꓠꓴ ꓘꓳꓽ ꓓꓳ ꓔꓯꓹ ꓔ ꓢꓲ ꓙ ꓖꓴ ꓫꓱꓽ ꓐꓯ_ ꓟ꓾ ꓮ ꓡꓲ ꓟ ꓐꓯ ꓢꓻ_ ꓡꓳꓺꓽ꓿
ꓛꓲ ꓫꓵ ꓡꓯ ꓫꓵ ꓢꓴ ꓔꓯ꓾ ꓠꓴ ꓝꓴꓲ ꓖꓽ ꓖꓶ ꓗꓷꓳ ꓐꓯ_ ꓟ꓾ ꓥ ꓠꓬ꓾ ꓔꓴ꓾ ꓠꓴ ꓘꓳꓽ ꓓꓳ ꓔꓯꓹ ꓔ ꓢꓲ ꓙ ꓖꓴ ꓫꓱꓽ ꓐꓯ_ ꓟ꓾ ꓮ ꓡꓲ ꓟ ꓐꓯ ꓢꓻ_ ꓡꓳꓺꓽ꓿ 
ꓬꓲ ꓠꓬ ꓔꓴ ꓙꓰ ꓢꓲ꓾ ꓞꓼ ꓐꓰ ꓬꓲ ꓘꓳꓽ ꓓꓳ ꓔꓯꓹ ꓔ ꓢꓲ ꓠꓬꓲ꓾ ꓬꓲ ꓪ ꓮ ꓙꓵ ꓢꓴ ꓒꓬꓱꓽ ꓕꓯ ꓗꓪ ꓓꓳ ꓙꓰ_ ꓡꓳ꓿ ꓖꓳ ꓡꓱ ꓠꓬꓲ ꓬꓲ ꓪ ꓮ ꓙꓵ ꓢꓴ ꓓꓵ ꓙ ꓟꓶ ꓢꓲ꓾ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ ꓢꓲ ꓠꓬꓲ꓾ ꓕꓱ ꓡꓱ ꓡꓴ ꓫꓵꓽ ꓠꓽ ꓣꓳ ꓮ ꓕꓯ ꓟꓲ ꓟꓽ ꓟꓳ ꓠꓬꓲ꓾ ꓐꓯ_ ꓡꓳ꓿
 
ꓕꓱꓽ ꓟ ꓠꓬ ꓪꓴ-ꓢ ꓶꓽ ꓓꓳꓽ ꓫꓱꓸ ꓓꓳꓽ ꓥ ꓡꓳ=

Add new comment

4 + 13 =

Please wait while the page is loading