ꓠꓬꓲꓹ ꓠꓬꓲ ꓟ ꓢꓲ-ꓫꓬ ꓕꓳꓽ ꓶ ꓝꓲꓼ

ꓟ-ꓘꓳ ꓕꓳꓽ ꓶ 6: 1-6

ꓬꓰ-ꓢꓴ ꓠꓬ ꓖꓳ ꓗꓪ ꓐꓰ ꓓꓳ ꓙꓰ ꓢꓲ꓾ ꓬꓲ ꓚꓲ ꓛꓬ ꓟꓵꓽ ꓗꓪ ꓛꓲ ꓡ_ ꓡꓳ꓿ ꓬꓲ ꓛꓳ ꓒꓯ ꓐꓴ_ ꓟꓲ ꓬꓲ ꓔꓯ ꓛꓳ ꓡ_ ꓡꓳ꓿

2 ꓠꓽ ꓦꓬꓼ ꓠꓬꓲ ꓗꓪ ꓬꓲ ꓠꓬ ꓜꓲꓼ ꓦꓲ ꓗꓪ ꓟꓸ ꓟꓲ ꓟꓸ ꓖꓶ ꓪꓴꓸ ꓔꓴ_ ꓡꓳ꓿ ꓑ ꓙ ꓢꓲ ꓓꓵꓽ ꓙ ꓟꓶ ꓢꓴ ꓮ ꓟꓬꓹ ꓙꓳ_ ꓡꓳ꓿ ꓬꓲ ꓪ ꓕꓱ ꓡꓱ ꓐꓯ_ ꓡꓳ꓾ ꓡ ꓞꓳ ꓕꓱ ꓟ ꓠꓬ ꓕꓱ ꓟꓬ ꓙꓰꓽ ꓟ ꓮ ꓡꓲ ꓗꓪ ꓐꓰ ꓙꓳꓻ ꓡ_ ꓡꓳꓺꓽ꓿ ꓡ ꓞꓳ ꓕꓱ ꓟ ꓔꓯ ꓖꓶ ꓔ_ ꓟ ꓠꓬ ꓮ ꓫꓵ ꓙꓽ ꓗꓴ ꓠꓲꓹ ꓥ ꓡꓳꓺꓽ꓿ ꓬꓲ ꓡꓯ ꓒꓯꓹ ꓡꓰ ꓬꓰ ꓓꓳ ꓡ_ ꓟ꓾ ꓕꓱ ꓘꓶ ꓛꓲ ꓪꓽ ꓠꓬꓲ_ ꓟ ꓟꓬꓱꓽ ꓮ ꓡꓲ ꓥ ꓡꓳꓺꓽ꓿

3 ꓕꓱ ꓟ ꓠꓬ ꓟ-ꓡꓲꓹ ꓬꓲ ꓮ ꓐꓲ꓾ ꓬ-ꓗꓴ_ ꓐꓰ ꓬꓳ-ꓢꓲ_ ꓐꓰ ꓬꓴ-ꓔ_ ꓐꓰ ꓢꓲ-ꓟꓴ ꓬꓲ ꓪ ꓮ ꓬꓲꓼ꓾ ꓢꓲꓹ ꓬꓰ ꓒ ꓖꓳ ꓟ ꓟꓽ ꓥ ꓡꓺꓽ꓿ ꓬꓲ ꓠꓬꓲꓺ ꓟ ꓐꓴ_ ꓟꓲ ꓕꓻ ꓣꓳꓽ_ ꓐꓰ ꓕꓲ ꓪꓺꓼ ꓔꓬ_ ꓟ ꓟꓽ ꓥ ꓡꓺꓽ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓪ ꓠꓬ ꓬꓲ ꓔꓯ ꓟꓽ ꓚꓬꓺ ꓠꓬꓲ ꓡꓱꓸ ꓗꓷ_ ꓡꓳ꓿ ꓟ- 4 ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓟꓷ ꓠꓷꓹ ꓝ ꓢꓴ ꓠꓽ ꓚꓲ ꓛꓬ ꓟꓵꓽ_ ꓐꓰ ꓫꓵꓽ ꓤ ꓧꓪ ꓤ_ ꓐꓰ ꓚꓲ ꓛꓬ ꓦꓲ ꓗꓪ ꓟꓽ ꓥ ꓠꓬ꓾ ꓟꓬꓱ ꓓꓳꓽ ꓟꓽ ꓙꓳ ꓐꓰ ꓟꓽ ꓗꓷ ꓡꓰ꓾ ꓐꓯ_ ꓡꓳ꓿ 

5 ꓖꓳ ꓗꓪ ꓠꓬ ꓞꓳ ꓠꓻ ꓕꓲ ꓐꓱ ꓤ ꓔꓯ ꓬꓲ ꓡꓯ ꓒꓯ ꓚꓰꓹ ꓢꓲ ꓫꓬꓹ ꓓ ꓡꓰ_ ꓟ ꓟꓽ ꓥ ꓠꓬ꓾ ꓪꓽ ꓠꓬꓲ_ ꓟ ꓟꓬꓱꓽ ꓬꓲ ꓬꓰ ꓟꓽ ꓐ ꓡ꓿

6 ꓬꓲ ꓪ ꓙꓵꓻ ꓠꓲꓹ ꓟꓽ ꓙꓳ ꓟ ꓗꓪ ꓐꓰ ꓬꓲ ꓓꓵ ꓙ ꓟꓶ_ ꓡꓳ꓿ ꓖꓳ ꓡꓱ ꓠꓬ ꓕꓲ ꓘꓹ ꓡꓰ ꓕꓲ ꓘꓹ ꓬꓲ ꓚꓳꓺ ꓙꓰ ꓢꓲ ꓟꓸ ꓟꓲ ꓟꓸ ꓖꓶ_ ꓡꓳ꓿

Add new comment

7 + 6 =