ꓠꓲꓹ ꓟ ꓦꓶ ꓡꓯ ꓘꓳ ꓟꓽ ꓓ ꓟ

ꓠꓲꓹ ꓟ ꓦꓶ ꓡꓯ ꓘꓳ ꓟꓽ ꓓ ꓟ
ꓟ-ꓕꓲ ꓕꓳꓽ ꓶ 5: 20-26
ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓠꓴ ꓪ ꓙꓲ ꓫꓬ_ ꓟ ꓠꓬ ꓕꓳ ꓶ ꓐꓳ ꓒ ꓐꓴ_ ꓐꓰ ꓒ-ꓡꓲ-ꓢꓷ ꓐꓴ ꓙꓲ ꓫꓬ_ ꓟ ꓔꓯ ꓟꓽ ꓧꓪꓸ ꓡꓰ ꓕꓯ ꓠꓽ꓾ ꓮ ꓡꓲ ꓥ_ ꓟꓲ ꓟꓴ ꓗꓪ ꓗꓴꓷꓼ ꓗꓪ ꓠꓴ ꓪ ꓟꓽ ꓓꓵ ꓡꓰ꓿ ꓮꓽ ꓠꓱ ꓟ ꓡ ꓞꓳ ꓔꓯ ꓐꓯ ꓖꓶ_ ꓟ꓾ ꓞꓳ ꓤ ꓢꓰꓼ ꓟꓽ ꓓ꓿ ꓞꓳ ꓤ ꓔꓯ ꓢꓰꓼ ꓢꓴ ꓮ ꓟ ꓥ_ ꓟꓲ ꓐꓯ ꓟꓴ ꓘꓶ_ ꓟ ꓟꓽ ꓡꓲꓹ ꓗꓷ꓾ ꓐꓰ ꓐꓯ_ ꓟ ꓠꓴ ꓪ ꓑ ꓙ ꓠꓬꓲ_ ꓡꓳ꓿ ꓖꓳ ꓡꓱ ꓥ_ ꓟꓲ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓮ ꓟ ꓥ_ ꓟꓲ ꓬꓲ ꓬꓲꓼ ꓬꓲ ꓠꓬꓲ ꓕꓲ ꓣꓳ ꓔꓯ ꓠꓲꓹ ꓟ ꓦꓶ ꓢꓴ ꓠꓬ꓾ ꓐꓯ ꓟꓴ ꓘꓶꓽ_ ꓟ ꓟꓽ ꓡꓲꓹ ꓗꓷ꓿ ꓮ ꓟ ꓥ_ ꓟꓲ ꓬꓲ ꓬꓲꓼ ꓬꓲ ꓠꓬꓲ ꓕꓲ ꓣꓳ ꓔꓯ꓾ ꓡ-ꓚꓬ꓾ ꓐꓰ ꓐꓯ ꓢꓴ ꓠꓬ꓾ ꓐꓯ ꓟꓴ ꓜꓲꓼ ꓓꓴ ꓓꓽ ꓟ ꓗꓪ ꓐꓰ ꓡꓲꓹ ꓗꓷ ꓟꓽ ꓓ꓿ ꓮ ꓟ ꓥ_ ꓟꓲ ꓬꓲ ꓬꓲꓼ ꓬꓲ ꓠꓬꓲ ꓕꓲ ꓣꓳ ꓔꓯ꓾ ꓟꓳꓽ-ꓡꓲꓽ꓾ ꓐꓰ ꓐꓯ ꓢꓴ ꓠꓬ꓾ ꓛꓬꓼ ꓟꓵ ꓮ ꓔꓳꓸ ꓗꓪ ꓐꓰ ꓡꓲꓹ ꓗꓷ ꓟꓽ ꓓ= ꓖꓳ ꓡꓱ ꓠꓬꓲ ꓔꓲ ꓖꓴ ꓗꓪ ꓠꓴ ꓔꓲ ꓖꓶ ꓓꓴ ꓔꓲ ꓔꓬ_ ꓕꓯ꓾ ꓠꓴ ꓠꓬꓲ ꓤ ꓠꓴ ꓔꓯ ꓠꓲꓹ ꓟ ꓫꓸ ꓖꓴ ꓙꓳ_ ꓟ ꓠꓴ ꓓꓵ ꓙ ꓛꓲ ꓡ_ ꓕꓯ ꓠꓽ꓾ ꓔꓲ ꓖꓶ ꓓꓴ ꓠꓬ ꓔꓲ ꓖꓴ ꓛꓲ ꓔꓲ ꓗꓪ ꓗꓶꓺ ꓔ ꓬꓰ ꓢꓲ꓾ ꓠꓴ ꓠꓬꓲ ꓤ ꓔꓯ ꓧꓶꓸ ꓕꓯ ꓙꓰ ꓢꓲ ꓠꓬꓲ ꓬꓲ_ ꓐꓰ ꓧꓳꓹ ꓡꓯ ꓘꓳ ꓬꓰ꓿ ꓖꓳ ꓗ ꓠꓯ ꓢꓲ_ ꓡꓰꓽ ꓔꓲ ꓖꓶ ꓓꓴ ꓔꓲ ꓖꓶ ꓡ ꓛꓵ_ ꓡꓳ꓿ ꓠꓴ ꓠꓬ ꓠꓴ ꓔꓯ ꓔꓳꓹ ꓢꓴ_ ꓐꓰ ꓙ ꓖꓴ ꓗꓪ ꓔꓬ ꓢꓰꓽ ꓕꓯ ꓡꓰ꓾ ꓮ ꓟꓲꓸ ꓟꓲꓸ ꓬꓲ_ ꓐꓰ ꓧꓳꓹ ꓡꓯ ꓘꓳ꓿ ꓟꓽ ꓥ ꓠꓬ ꓮ ꓧꓪꓹ ꓔꓳꓹ ꓢꓴ ꓡꓰ ꓠꓴ ꓔꓯ ꓐꓯ ꓟꓴ ꓘꓶꓽ ꓢꓲꓽ ꓒ ꓔꓯ ꓡꓯꓼ ꓙꓱ ꓗꓷ ꓢꓲ꓾ ꓐꓯ ꓟꓴ ꓘꓶꓽ ꓢꓲꓽ ꓒ ꓡꓰ ꓬꓲ ꓟꓯꓼ ꓐꓴ ꓔꓯ ꓡꓯꓼ ꓙꓱ ꓗꓷ ꓠꓬ꓾ ꓠꓴ ꓔꓯ ꓐꓱ ꓓꓴꓽ ꓗꓪ ꓐꓱ ꓗꓷ_ ꓥꓳ꓿ ꓥꓪ ꓠꓴ ꓔꓯ ꓔꓱꓹ ꓔꓱ_ ꓐꓰ ꓐꓯ ꓖꓶ_ ꓠꓬꓲ꓾ ꓐꓶꓻ ꓟꓽ ꓖꓴ ꓟ ꓕꓲꓽ ꓧꓶ ꓤ ꓛ_ ꓟꓲ ꓠꓴ ꓖꓳ ꓗꓪ ꓐꓰ ꓓꓳ ꓡ ꓟꓽ ꓓ꓿

Add new comment

5 + 0 =

Please wait while the page is loading