ꓠꓸꓹ ꓢꓴ ꓔꓯ ꓫꓬꓹ ꓖꓶ_ ꓟ

ꓟ-ꓕꓲ ꓕꓳꓽ ꓶ 15: 29-37
ꓬꓰ-ꓢꓴ ꓠꓬ ꓖꓳ ꓗꓪ ꓐꓰ ꓙꓰ ꓗꓷ ꓢꓲ꓾ ꓖ-ꓡꓲ-ꓡꓲ ꓬꓲ ꓡꓴ ꓐꓱ ꓗꓪ ꓠꓶꓽ ꓙꓰ ꓢꓲ ꓠꓬꓲ꓾ ꓪꓼ ꓚꓲ ꓗꓪ ꓓꓯ ꓙꓰ ꓢꓲ ꓠꓬꓲꓸ ꓠꓸ_ ꓡꓳ꓿ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓓꓽ ꓟ ꓬꓲ ꓔꓯ ꓡ ꓢꓲ꓾ ꓛꓲ ꓒꓯꓹ ꓫꓳꓸ ꓢꓴ_ ꓐꓰ꓾ ꓟꓬ ꓔꓶ_ ꓐꓰ꓾ ꓞꓳ ꓟꓶꓻ_ ꓐꓰ꓾ ꓛꓲ ꓐꓬꓺ ꓡꓯꓼ ꓐꓬ ꓢꓴ_ ꓐꓰ꓾ ꓠꓱ ꓐꓯ ꓠꓻ ꓢꓴ ꓒꓬꓽ ꓢꓴ ꓮ ꓟꓬꓹ ꓬꓲ ꓪ_ ꓐꓰ ꓡ ꓢꓲ꓾ ꓬꓲ ꓛꓲ ꓔꓲ ꓗꓪ ꓗꓶ ꓔ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓬꓲ ꓪ ꓔꓯ ꓫꓬꓹ ꓓ ꓡꓰ_ ꓡꓳ꓿ ꓖꓳ ꓡꓱ ꓠꓬꓲ ꓞꓳ ꓟꓶꓻ ꓫ ꓕꓱ ꓡ_ ꓟ꓾ ꓛꓲ ꓐꓬꓺ ꓡꓯ ꓐꓬ ꓢꓴ ꓓꓻ ꓡꓰ_ ꓟ꓾ ꓛꓲ ꓫꓳꓸ ꓙ ꓖꓴ ꓫꓱꓽ ꓙꓰ_ ꓟ꓾ ꓟꓬ ꓔꓶ ꓠꓬꓲ ꓟꓳ ꓡ_ ꓟ ꓔꓯ ꓟꓳ_ ꓕꓯ꓾ ꓡ ꓞꓳ ꓬꓲ ꓜꓴ ꓠꓬ ꓓꓵꓽ ꓙ ꓟꓶ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓡꓰ ꓬꓲ-ꓢꓷ-ꓡꓰ ꓐꓴ ꓬꓲ ꓪ ꓪꓴ-ꓢ ꓔꓯ ꓟꓬꓱ ꓓꓳꓽ ꓖꓶ_ ꓡꓳ꓿ ꓬꓰ-ꓢꓴ ꓠꓬ ꓬꓲ ꓛꓳ ꓒꓯꓹ ꓐꓴ ꓔꓯ ꓬꓲ ꓔꓬ ꓗꓪ ꓘꓴꓻ ꓛꓲ ꓡ ꓢꓲ꓾ ꓥꓪ ꓠꓬ ꓡ ꓞꓳ ꓬꓲ ꓜꓴ ꓕꓱ ꓟ ꓔꓯ ꓫꓱꓸ ꓤ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓮ ꓟꓶ ꓬꓲ ꓪ ꓥꓪ_ ꓐꓰ ꓕꓲ ꓪꓺꓼ ꓢꓽ ꓠꓬꓲ ꓔꓬ ꓗꓷ ꓢꓲ꓾ ꓮ ꓫꓵ ꓜꓽ ꓓꓴ ꓟꓽ ꓙꓳ꓿ ꓥꓪ ꓬꓲ ꓪ ꓔꓯ ꓦꓰꓼ ꓟꓷꓼ ꓦꓰꓼ ꓙꓬ ꓙꓰ ꓝꓲ ꓠꓲꓹ ꓟꓽ ꓫꓵ꓿ ꓮ ꓧꓪꓹ ꓙ ꓖꓴ ꓗꓪ ꓬꓲ ꓪ ꓢꓯꓼ ꓐꓽ ꓡꓰ_ ꓟꓽ ꓢꓷ꓾ ꓐꓯ_ ꓡꓳ꓿ ꓛꓳ ꓒꓯꓹ ꓐꓴ ꓠꓬ ꓬꓲ ꓔꓯ꓾ ꓡꓲ ꓛꓲ ꓗꓪ ꓡ ꓞꓳ ꓕꓱ ꓟꓬ ꓕꓲꓽ ꓜꓴ ꓔꓯ ꓐꓳ ꓡꓰ ꓝꓲ ꓓꓴ ꓫꓪ ꓒꓵꓼ ꓖꓳ ꓟꓬ꓾ ꓣꓳꓽ ꓮ ꓡꓲ ꓗꓪ ꓐꓰ ꓙꓳꓻ ꓡ ꓢꓰꓽ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓬꓲ ꓪ ꓔꓯ꓾ ꓠꓴ ꓪ ꓫꓪ ꓒꓵꓼ ꓮ ꓟꓬ ꓑꓬ ꓙꓳ_ ꓡꓳꓺꓽ꓾ ꓐꓯ_ ꓡꓳ꓿ ꓬꓲ ꓪ ꓠꓬ꓾ ꓫꓵꓽ ꓑꓬꓺ_ ꓐꓰ ꓥꓪꓸ ꓤ ꓠꓬꓲꓽ ꓢ ꓟ ꓙꓳ_ ꓡꓳ꓾ ꓐꓯ_ ꓡꓳ꓿ ꓬꓲ ꓠꓬ ꓡ ꓞꓳ ꓬꓲ ꓜꓴ ꓔꓯ ꓟꓲ ꓛꓬ ꓗꓪ ꓠꓬꓲꓸ ꓠꓸ ꓠꓹ ꓟ ꓕꓵꓼ ꓪ ꓖꓶ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓠꓬ ꓫꓪ ꓒꓵꓼ ꓖꓳ ꓫꓵꓽ ꓑꓬ_ ꓐꓰ ꓥꓪꓸ ꓣꓴ ꓢꓲ꓾ ꓫ ꓟꓳ ꓢꓲ ꓠꓬꓲ꓾ ꓦꓶꓹ ꓗꓷ ꓠꓬ ꓛꓳ ꓒꓯꓹ ꓐꓴ ꓔꓯ ꓖꓶ ꓢꓲ꓾ ꓛꓳ ꓒꓯꓹ ꓐꓴ ꓠꓬ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓔꓯ ꓖꓶ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓮ ꓙꓵ ꓢꓴ ꓜꓽ ꓐꓳ ꓡꓰ_ ꓡꓳ꓿ ꓜꓰꓻ ꓡꓰ_ ꓟ ꓬꓲ ꓧꓶꓽ ꓬꓲ ꓟꓲ ꓠꓬ ꓒꓻ ꓐꓲ ꓐꓲ ꓫꓵꓽ ꓘꓹ ꓑꓬ ꓖꓳ ꓫ ꓟꓶ_ ꓡꓳ꓿

Add new comment

4 + 14 =