ꓠ-ꓢ-ꓡꓱ ꓢꓴ ꓬꓰ-ꓢꓴ ꓔꓯ ꓠꓲꓹ ꓜꓳ_ ꓟ

ꓠ-ꓢ-ꓡꓱ ꓢꓴ ꓬꓰ-ꓢꓴ ꓔꓯ ꓠꓲꓹ ꓜꓳ_ ꓟ
ꓡꓴ-ꓘ ꓕꓳꓽ ꓶ 4: 24-30
ꓝꓮꓲ ꓬꓲ ꓡꓰ꓾ ꓥꓪ ꓠꓴ ꓪ ꓔꓯ ꓔꓱꓹ ꓔꓱ_ ꓐꓰ ꓐꓯ ꓖꓶ_ ꓠꓬꓲ꓾ ꓟꓷ ꓠꓷꓹ ꓝ ꓢꓴ ꓮ ꓟ ꓔꓯ_ ꓟꓲ ꓬꓲ ꓚꓲ ꓛꓬ ꓟꓵꓽ ꓗꓪ ꓘꓳ ꓣꓴ_ ꓟ ꓟꓽ ꓙꓳ꓿ ꓥꓪ ꓠꓽ ꓠꓴ ꓪ ꓔꓯ ꓔꓱꓹ ꓥꓳꓽ ꓐꓯ ꓖꓶ_ ꓠꓬꓲ꓾ ꓬꓲ-ꓡꓲ-ꓬꓼ ꓔꓬ_ ꓟ ꓦꓬꓼ ꓠꓬꓲ ꓗꓪ ꓠꓬ꓾ ꓟꓴ ꓗꓪ ꓔꓯ ꓢ ꓘꓳꓼ ꓐꓶ ꓛꓵꓽ ꓔ_ ꓟ ꓦꓬꓼ ꓠꓬꓲ ꓗꓪ꓾ ꓟꓵꓽ ꓗꓳꓹ ꓓꓵ ꓓꓵ ꓦꓰꓼ ꓟꓷꓼ ꓘꓳꓼ ꓓꓽ ꓟ ꓗꓷ ꓡꓰ_ ꓕꓯ꓾ ꓬꓲ-ꓢꓷ-ꓡꓰ ꓟꓵ ꓗꓪ ꓟꓶꓽ ꓛꓵꓽ ꓟ ꓮ ꓟꓬꓹ ꓙꓳ_ ꓡꓳ꓿ ꓖꓳ ꓡꓱ ꓥ_ ꓟꓲ ꓢꓲ-ꓓꓳ ꓟꓵꓽ ꓢ-ꓡꓷ-ꓩ ꓡꓳ ꓒꓱ ꓗꓪ ꓟ ꓟꓶꓽ ꓛꓵꓽ ꓟ ꓕꓲ ꓣꓳ ꓔꓯ_ ꓡꓰꓽ ꓟꓽ ꓥ ꓠꓬ꓾ ꓬꓲ ꓪ ꓖꓳ ꓟꓬ ꓟ ꓮꓽ ꓟ ꓔꓬ ꓗꓪ_ ꓟꓲ ꓬꓲ-ꓡꓲ-ꓬ ꓔꓯ ꓟꓽ ꓝꓲ ꓩꓴ ꓙꓰ꓿ ꓟꓷ ꓠꓷꓹ ꓝ ꓢꓴ ꓬꓲ-ꓡꓲ-ꓫ ꓔꓬ_ ꓕꓯ꓾ ꓬꓲ-ꓢꓷ-ꓡꓰ ꓟꓵ ꓗꓪ ꓔꓸ ꓟꓼ ꓩꓴ ꓓꓲ ꓢꓴ ꓮ ꓟꓬꓹ ꓙꓳ_ ꓡꓳ꓿ ꓖꓳ ꓡꓱ ꓥ_ ꓟꓲ ꓫꓲ-ꓡꓲ-ꓬꓼ ꓢꓴ ꓠꓰ-ꓬ-ꓟꓶꓽ ꓟꓽ ꓥ ꓠꓬ꓾ ꓠꓱ ꓐꓯꓼ ꓕꓲ ꓣꓳ_ ꓟꓲ ꓟꓽ ꓫꓬꓻ ꓡꓰ ꓪ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓜꓲꓼ ꓦꓲ ꓗꓪ ꓟ ꓡ ꓞꓳ ꓮ ꓙꓵ ꓠꓬ ꓐꓯ ꓘꓶ ꓕꓱ ꓟ ꓑ ꓙ ꓗꓷ ꓠꓬ ꓠꓲꓹ ꓟ ꓮ ꓘꓶ ꓦꓶꓻ ꓠꓬꓲ꓾ ꓔꓴ ꓢꓲ꓾ ꓬꓲ ꓔꓯ ꓡꓳ ꓒꓱ ꓗꓪ ꓐꓰ ꓖꓼ ꓓꓳ ꓙꓰ ꓢꓲ ꓠꓬꓲ꓾ ꓬꓲ ꓪ ꓡꓳ ꓒꓱ ꓜꓶꓻ ꓖꓴ ꓪ ꓚꓲ ꓘꓶꓽ ꓗꓪ ꓧꓳꓽ ꓙꓰ ꓢꓲ꓾ ꓬꓲ ꓔꓯ ꓓꓱꓽ ꓞꓰ ꓩꓴ ꓗꓷ_ ꓐꓰ ꓬꓰ_ ꓡꓳ꓿ ꓖꓳ ꓡꓱ ꓥ_ ꓟꓲ ꓬꓲ ꓠꓽ ꓔꓱꓹ ꓔꓱ_ ꓐꓰ ꓬꓲ ꓪ ꓗꓳ ꓡꓳ ꓗꓪ ꓐꓰ ꓗꓳꓸ ꓙꓰ ꓢꓲ ꓙꓰ_ ꓡꓳ꓿

Add new comment

5 + 9 =

Please wait while the page is loading