ꓡꓳ ꓒꓱ ꓢ ꓟ ꓔꓯ ꓕꓼ_ ꓟ

ꓟ-ꓕꓲ ꓕꓳꓽ ꓶ 11: 20-24

 ꓬꓰ-ꓢꓴ ꓬꓲ ꓪꓽ ꓠꓬꓲ_ ꓟ ꓟꓬꓱꓽ ꓟꓬꓽ ꓠꓬꓲ ꓬꓰ ꓗꓷ ꓟ ꓡꓳ ꓒꓱ ꓖꓳ ꓟꓬ ꓟ ꓟꓽ ꓓꓵꓽ ꓙ ꓒꓳꓹ ꓬꓲꓼ ꓡ ꓠꓬꓲ꓾ ꓬꓲ ꓡꓰ ꓬꓲ ꓪ ꓔꓯ ꓕꓼ ꓪꓴꓸ ꓔꓴ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓗꓳ-ꓡ-ꓢꓲꓳ꓾ ꓠꓴ ꓠꓽ ꓫ ꓙꓵ_ ꓥꓳ꓿ ꓐꓱ-ꓢꓰ-ꓓꓽꓳ꓾ ꓠꓴ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓗꓳ ꓡꓳ ꓗꓪ ꓬꓰ ꓗꓷ ꓟ ꓪꓽ ꓠꓬꓲ_ ꓟ ꓟꓬꓱꓽ ꓖꓳ ꓟꓬ ꓟ ꓠꓬ ꓕꓲ-ꓬ_ ꓐꓰ ꓢꓲ-ꓓꓳ ꓗꓪ ꓬꓰ_ ꓕꓯ ꓠꓽ꓾ ꓬꓲ ꓪ ꓠꓬ ꓮ ꓕꓯ ꓡꓰ ꓓꓸ ꓖꓶꓸ ꓟꓶ ꓪꓸ ꓠꓬꓲ꓾ ꓘꓴꓽ ꓦ ꓗꓪ ꓠꓬꓲꓸ ꓠꓸ ꓠꓬꓲ ꓓꓵ ꓙ ꓒꓳꓹ ꓬꓲꓼ ꓡ_ ꓡꓳ ꓫꓵ ꓥ ꓡꓳ꓿ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓐꓯ ꓟꓴ ꓘꓶꓽ_ ꓟ ꓦꓬꓼ ꓠꓬꓲ ꓗꓪ꓾ ꓕꓲ-ꓬ_ ꓐꓰ ꓢꓲ-ꓓꓳ ꓜꓲꓽ ꓠꓹ ꓟ ꓠꓬ꓾ ꓠꓴ ꓪ ꓜꓲꓽ ꓠꓹ ꓟ ꓢꓶꓸ ꓟꓽ ꓞꓲ ꓜꓲꓽ ꓢꓻ_ ꓡꓳ꓿ ꓘꓹ-ꓒꓱ-ꓠꓴꓳ꓾ ꓠꓴ ꓔꓯ ꓠꓬ ꓟꓴ ꓗꓪ ꓟꓴ ꓛꓲ ꓓꓳꓹ ꓟꓴ ꓔꓴ ꓗꓷ_ ꓥꓳ ꓪꓺꓽ꓿ ꓠꓴ ꓠꓽ ꓟꓸ ꓟꓲ ꓟꓵꓽ ꓗꓪ ꓬꓯꓼ ꓙꓰ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓗꓳ ꓡꓳ ꓗꓪ ꓬꓰ ꓗꓷ ꓟ ꓪꓽ ꓠꓬꓲ_ ꓟ ꓟꓬꓱꓽ ꓖꓳ ꓟꓬ ꓟ ꓠꓬ ꓢꓳ-ꓓꓳ-ꓟ ꓗꓪ ꓬꓰ_ ꓕꓯ ꓠꓽ꓾ ꓠꓬꓲꓸ ꓠꓬꓲ ꓗꓪ ꓛꓲ ꓜꓰꓻ ꓞ_ ꓥꓳ꓿ ꓥꓪ ꓠꓴ ꓔꓯ ꓐꓯ ꓖꓶ_ ꓠꓬꓲ꓾ ꓐꓯ ꓟꓴ ꓘꓶ_ ꓟ ꓦꓬꓼ ꓠꓬꓲ ꓗꓪ꓾ ꓢꓳ-ꓓꓳ-ꓟ ꓟꓵꓽ ꓜꓲꓽ ꓠꓹ ꓟ ꓠꓬ ꓠꓴ ꓜꓲꓽ ꓠꓹ ꓟ ꓢꓶꓸ ꓟꓽ ꓞꓲ ꓜꓲꓽ ꓢꓻ_ ꓡꓳ꓾ ꓐꓯ_ ꓡꓳ꓿