ꓡꓳ ꓒꓱ ꓢ ꓟ ꓔꓯ ꓕꓼ_ ꓟ

 ꓗꓳ-ꓡ-ꓢꓲꓳ꓾ ꓠꓴ ꓠꓽ ꓫ ꓙꓵ_ ꓥꓳ꓿ ꓐꓱ-ꓢꓰ-ꓓꓽꓳ꓾ ꓠꓴ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓗꓳ ꓡꓳ ꓗꓪ ꓬꓰ ꓗꓷ_ ꓟ ꓪꓽ ꓠꓬꓲ_ ꓟ ꓟꓬꓱꓽ ꓖꓳ ꓟꓬ ꓟ ꓠꓬ꓾ ꓕꓲ-ꓬ_ ꓐꓰ ꓢꓲ-ꓓꓳ ꓗꓪ ꓬꓰ_ ꓕꓯ ꓠꓽ꓾ ꓬꓲ ꓪ ꓠꓽ ꓮ ꓕꓯ ꓡꓰ ꓓꓸ ꓖꓶꓸ ꓟꓶ ꓪꓸ ꓠꓬꓲ꓾ ꓘꓴꓽ ꓦꓻ ꓗꓪ ꓠꓬꓲꓸ ꓠꓸ ꓠꓬꓲ ꓐꓰ ꓓꓵ ꓙ ꓒꓳꓹ ꓬꓲꓼ ꓡ_ ꓡꓳ ꓫꓵ ꓥ ꓡꓳ꓿ ꓐꓯ ꓟꓴ ꓘꓶꓽ_ ꓟ ꓦꓬꓼ ꓠꓬꓲ ꓗꓪ ꓠꓽ꓾ ꓕꓲ-ꓬ_ ꓐꓰ ꓢꓲ-ꓓꓳ ꓜꓲꓽ ꓠꓹ ꓟ ꓠꓬ꓾ ꓠꓴ ꓪ ꓜꓲꓽ ꓠꓹ ꓟ ꓢꓶꓸ ꓟꓽ ꓞꓲ ꓢꓻ_ ꓡꓳ꓿ ꓘꓹ-ꓒꓱ-ꓠꓴꓳ꓾ ꓠꓴ ꓠꓬ ꓟꓴ ꓗꓪ ꓗꓪ ꓛꓲ ꓓꓳꓹ ꓟꓴ_ ꓡꓺꓽ꓿ ꓢ ꓖꓪ ꓠꓽ ꓠꓴ ꓔꓯ ꓟꓸ ꓟꓲ ꓟꓵꓽ ꓗꓪ ꓓꓱꓽ ꓬꓯꓼ ꓩꓴ ꓗꓷ_ ꓥꓳ꓿ ꓠꓴ ꓪ ꓔꓯ ꓠꓺ ꓡꓳ ꓢꓴ ꓠꓬ꓾ ꓥꓪ ꓔꓯ ꓠ ꓡꓳ_ ꓟ ꓥ ꓡꓳ꓿ ꓠꓴ ꓪ ꓔꓯ ꓡꓳꓺ ꓗꓷ ꓢꓴ ꓠꓽ꓾ ꓥꓪ ꓔꓯ ꓡꓳꓺ ꓗꓷ_ ꓟ ꓥ ꓡꓳ꓿ ꓥꓪ ꓔꓯ ꓡꓳꓺ ꓗꓷ ꓢꓴ ꓠꓬ꓾ ꓥꓪ ꓔꓯ ꓝꓲ ꓩꓴ ꓡ ꓢꓴ ꓔꓯ ꓡꓳꓺ ꓗꓷ ꓟ ꓥ ꓡꓳ꓾ ꓐꓯ_ ꓡꓳ꓿  ꓡꓴ-ꓘ ꓕꓳꓽ ꓶ 10: 13-16