ꓡꓽ ꓞꓳ (4000) ꓔꓯꓼ ꓖꓶꓽ ꓜ_ ꓟ

ꓡ ꓞꓳ ꓡꓲꓸ ꓔꓴ ꓔꓯ ꓖꓶ ꓜ_ ꓟ
ꓟ-ꓘꓳ ꓕꓳꓽ ꓶ 8: 1-10
ꓖꓳ ꓕꓲ ꓝꓲꓸ ꓗꓪ ꓡ ꓞꓳ ꓬꓲ ꓜꓴ ꓓꓽ ꓟ ꓝꓮꓲ ꓜꓲꓼ ꓡꓰ ꓢꓲ꓾ ꓬꓲ ꓪ ꓜꓽ ꓓꓴ ꓟꓽ ꓙꓳ ꓗꓷ ꓡꓰ ꓠꓬ꓾ ꓬꓲ ꓛꓳ ꓒꓯ ꓐꓴ ꓔꓯ ꓬꓲ ꓔꓬ ꓗꓪ ꓘꓴꓻ ꓜꓲꓼ ꓡ ꓢꓲ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓥꓪ ꓠꓬ ꓡ ꓞꓳ ꓜꓴ ꓕꓱ ꓟ ꓔꓯ ꓫꓱꓸ ꓤ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓮ ꓟꓶ ꓥꓪ_ ꓐꓰ ꓕꓲ ꓪꓺꓼ ꓢ ꓠꓬꓲ ꓔꓬ ꓗꓷ ꓢꓲ꓾ ꓮ ꓫꓵ ꓜꓽ ꓓꓴ ꓬꓲ ꓪ ꓟꓽ ꓙꓳ꓿ ꓥꓪ ꓬꓲ ꓪ ꓔꓯ ꓜꓻ ꓟꓽ ꓜꓽ ꓜꓽ ꓐꓰ ꓦꓲ ꓗꓪ ꓬꓲꓼ ꓙꓰ ꓝꓲ_ ꓠꓬ꓾ ꓙ ꓖꓴ ꓙ ꓐꓽ ꓗꓪ ꓬꓲ ꓪ ꓦꓰꓼ ꓟꓷꓼ ꓦꓰꓼ ꓙꓬ ꓗꓷ ꓡꓰ_ ꓥꓳ꓿ ꓕꓲ ꓐꓱ ꓠꓽ ꓶꓽ ꓤ ꓗꓪ ꓐꓰ ꓡ_ ꓡꓳ꓾ ꓐꓯ_ ꓡꓳ꓿ ꓬꓲ ꓛꓳ ꓒꓯ ꓐꓴ ꓠꓬ ꓬꓲ ꓔꓯ ꓒꓳꓹ ꓖꓶ ꓢꓲ꓾ ꓕꓻ ꓡꓲ ꓛꓲ ꓗꓪ ꓡ ꓞꓳ ꓕꓱ ꓟꓬ ꓣꓳ ꓔꓯ ꓖꓶ ꓜꓽ ꓐꓳ ꓡꓰ ꓝꓲ ꓠꓹ ꓟ ꓜꓽ ꓓꓴ ꓮ ꓡꓲ ꓗꓪ ꓧꓪꓺ ꓐ ꓡ ꓢꓰꓽ꓾ ꓐꓯ_ ꓡꓳ꓿  ꓖꓳ ꓡꓱ ꓠꓬ ꓬꓲ ꓡꓰ ꓬꓲ ꓪ ꓔꓯ꓾ ꓠꓴ ꓪ ꓠꓬ ꓫꓪ ꓒꓵꓼ ꓮ ꓟꓬ ꓑꓬ ꓙꓳ_ ꓡꓳꓺꓽ꓾ ꓐꓰ ꓠ ꓠꓬꓲ_ ꓡꓳ꓿ ꓬꓲ ꓪ ꓠꓬ꓾ ꓫꓵꓽ ꓑꓬ꓾ ꓐꓯ_ ꓡꓳ꓿ ꓬꓲ ꓠꓬ ꓡ ꓞꓳ ꓬꓲ ꓜꓴ ꓔꓯ ꓟꓲ ꓛꓬꓺ ꓗꓪ ꓠꓬꓲꓸ ꓠꓸ ꓠꓹ ꓟ ꓕꓵꓼ ꓪ ꓖꓶ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓠꓬ ꓫꓪ ꓒꓵꓼ ꓖꓳ ꓫꓵꓽ ꓑꓬ ꓣꓴ ꓢꓲ ꓫꓸ ꓟꓳ ꓗꓷ ꓠꓬ꓾ ꓦꓶꓹ ꓢꓲ ꓬꓲ ꓪ ꓟꓲ ꓙꓬ ꓗꓪ ꓔꓸ ꓖꓶ ꓠꓹ ꓟ꓾ ꓬꓲ ꓛꓳ ꓒꓯ ꓐꓴ ꓔꓯ ꓖꓶ_ ꓡꓳ꓿ ꓖꓳ ꓡꓱ ꓠꓬ ꓞꓳ ꓜꓴ ꓔꓯ ꓬꓲ ꓪ ꓔꓸ ꓖꓶ_ ꓡꓳ꓿  ꓥꓪꓸ ꓤ_ ꓟꓲ ꓬꓲ ꓪ ꓮꓸ ꓔꓯꓸꓼ ꓙꓳ_ ꓢꓰꓽ ꓡꓳ꓿ ꓬꓲ ꓠꓬ ꓶꓼ ꓥꓳ ꓙꓱꓽ ꓗꓷ ꓢꓲ꓾ ꓖꓳ ꓟ_ ꓟꓲ ꓬꓲ ꓪ ꓟꓲꓽ ꓙꓬ ꓗꓪ ꓔꓸ ꓖꓶ ꓠꓹ ꓟ ꓕꓵꓼ ꓪ ꓖꓶ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓜꓽ ꓢꓲ ꓐꓳ ꓡꓰ_ ꓡꓳ꓿ ꓜꓰꓻ ꓡꓰ ꓟ ꓬꓲ ꓧꓶꓽ ꓬꓲ ꓟꓲ ꓫꓵꓽ ꓘꓹ ꓑꓬ ꓖꓳꓺ ꓫꓺ ꓟꓶ_ ꓡꓳ꓿ ꓜꓽ ꓢꓴ ꓠꓬ ꓡꓲꓸ ꓔꓴ ꓛꓲ ꓙꓳ_ ꓡꓳ꓿ ꓖꓳ ꓗ ꓠꓯ ꓬꓲ ꓬꓲ ꓪ ꓔꓯ ꓬꓲꓼ ꓙꓰ ꓝꓲ_ ꓡꓳ꓿ ꓬꓲ ꓠꓬ ꓞꓼ ꓐꓰ ꓬꓲ ꓛꓳ ꓒꓯ ꓐꓴ_ ꓐꓰ ꓡꓲ ꓗꓪ ꓓꓵꓽ ꓡꓰ ꓢꓲ꓾ ꓓ-ꓟ-ꓠꓴ-ꓕ ꓟꓵꓽ ꓗꓪ ꓙꓰ_ ꓡꓳ꓿

Add new comment

6 + 12 =