ꓡ ꓞꓳ ꓥꓪꓽ ꓔꓴ ꓔꓯ ꓖꓶꓽ ꓜꓽ_ ꓟ

ꓠꓬꓲꓸ ꓠꓬꓲ ꓟ ꓢꓲ-ꓫꓬ ꓕꓳ ꓝꓲꓼ

 ꓶ ꓓꓳ ꓫꓱꓸ ꓓꓳ ꓡꓴ-ꓘ ꓕꓳꓽ ꓶ 9: 11-17

ꓖꓳ ꓡꓱ ꓥ_ ꓟꓲ ꓡ ꓞꓳ ꓬꓲ ꓜꓴ ꓬꓲ ꓟꓯꓼ ꓢꓷ ꓗꓷ ꓠꓬ꓾ ꓬꓲ ꓔꓯ ꓛꓳ ꓙꓰ_ ꓡꓳ꓿ ꓬꓰ-ꓢꓴ ꓠꓬ ꓬꓲ ꓪ ꓔꓯ ꓠꓲꓹ ꓒꓴ ꓒꓴ_ ꓐꓰ ꓘꓳ ꓣꓴ ꓢꓲ꓾ ꓪꓴ-ꓢ ꓗꓴꓷꓼ ꓟꓸ ꓟꓲ ꓬꓲ ꓪ ꓔꓯ ꓚ ꓟꓸ ꓖꓶ_ ꓡꓳ꓿ ꓠꓻ ꓫꓬꓹ ꓠꓯ_ ꓟ ꓔꓯ_ ꓟꓲ ꓬꓲ ꓫꓬꓹ ꓖꓶ_ ꓡꓳ꓿ ꓟꓲꓽ ꓟꓲ ꓓꓵ ꓡꓰ_ ꓐꓰ ꓗ_ ꓕꓯ꓾ ꓞꓲ ꓠꓬꓲꓽ ꓣꓳ ꓟ ꓬꓲ ꓔꓯ ꓡ ꓢꓲ꓾ ꓡ ꓞꓳ ꓬꓲ ꓜꓴ ꓠꓬ ꓚꓳ ꓡꓳ ꓡꓳ ꓟꓵꓽ ꓗꓪ ꓟ ꓘꓹ ꓗꓪ꓾ ꓬꓲꓼ ꓔ ꓖꓴ_ ꓐꓰ ꓜꓽ ꓓꓴ ꓧꓪꓺ ꓙꓰ ꓠꓹ ꓟ꓾ ꓬꓲ ꓪ ꓔꓯ ꓙꓰ ꓝꓲ꓿ ꓮ ꓡꓲꓳ ꓐꓯ ꓠꓬ ꓣꓳ ꓠꓽ ꓕꓻ ꓡꓲ ꓛꓲ ꓗꓪ ꓔꓬ_ ꓡꓳ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ ꓬꓲ ꓛꓳ ꓒꓯꓹ ꓐꓴ ꓔꓯ꓾ ꓬꓲ ꓪ ꓔꓯ ꓠꓴ ꓪ ꓖꓶ ꓜꓽ ꓨ꓾ ꓐꓯ_ ꓡꓳ꓿ ꓬꓲ ꓪ ꓡꓰ꓾ ꓑ ꓫꓬ ꓕꓱ ꓟꓬ ꓣꓳ ꓐꓱ ꓶ ꓜꓽ ꓓꓴ ꓟꓽ ꓪꓴꓻ ꓙꓰ ꓕꓯ ꓠꓽ꓾ ꓥꓪ ꓠꓴꓽ ꓠꓬ ꓤꓴ ꓒꓵꓼ ꓥꓪꓽ ꓑꓬ_ ꓐꓰ ꓥꓪꓸ ꓠꓬꓲꓽ ꓟ_ ꓡꓰꓽ ꓙꓳ_ ꓡꓳ꓾ ꓐꓯ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓞꓳ ꓑ ꓤ ꓠꓬ ꓥꓪꓽ ꓔꓴ ꓛꓲ ꓙꓳ_ ꓡꓳ꓿ ꓬꓲ ꓠꓬ ꓬꓲ ꓛꓳ ꓒꓯꓹ ꓐꓴ ꓔꓯ꓾ ꓬꓲ ꓪ ꓔꓯ ꓕꓲ ꓧꓳꓽ ꓟ ꓥꓪꓽ ꓞꓲ ꓣꓳ ꓛꓲ꓾ ꓕꓲ ꓧꓳꓽ ꓕꓲ ꓧꓳꓽ ꓐꓰ ꓠꓬꓲꓸ ꓠꓸ ꓝꓲ꓾ ꓐꓯ_ ꓡꓳ꓿ ꓬꓲ ꓪ ꓖꓳ ꓡꓱ ꓬꓰ ꓢꓲ ꓮ ꓙꓵ ꓢꓴ ꓔꓯ ꓠꓬꓲꓸ ꓠꓸ ꓝꓲ_ ꓡꓳ꓿ ꓬꓲ ꓠꓬ ꓤꓴ ꓒꓵꓼ ꓕꓱ ꓥꓪꓽ ꓑꓬ_ ꓐꓰ ꓥꓪꓸ ꓠꓬꓲꓽ ꓟ ꓣꓴ ꓔ ꓢꓲ꓾ ꓟꓴ ꓗꓪ ꓗꓪ ꓔ ꓥ ꓐꓰ ꓡꓳꓸ ꓢꓲ ꓠꓬꓲ꓾ ꓜꓽ ꓓꓴ ꓖꓳ ꓟ ꓶꓼ ꓥꓳ ꓙꓱꓽ ꓖꓶ ꓢꓲ꓾ ꓦꓶꓹ ꓢꓲ ꓠꓬꓲ꓾ ꓡ ꓞꓳ ꓬꓲ ꓜꓴ ꓟꓲꓽ ꓙꓬ ꓗꓪ ꓔꓸ ꓖꓶ ꓠꓹ ꓟ ꓛꓳ ꓒꓯ ꓐꓴ ꓔꓯ ꓖꓶ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓜꓽ ꓢꓲ꓾ ꓮ ꓙꓵ ꓢꓴ_ ꓟꓲ ꓜꓽ ꓐꓳ ꓡꓰ_ ꓡꓳ꓿ ꓛꓳ ꓒꓯꓹ ꓐꓴ ꓡꓰ ꓜꓽ ꓜꓰꓻ ꓡꓰ ꓟ ꓬꓲ ꓧꓶꓽ ꓬꓲ ꓟꓲ ꓞꓲ ꓠꓬꓲꓽ ꓠꓳꓸ ꓘꓴꓽ ꓖꓳ ꓫꓺ ꓟꓶ_ ꓡꓳ꓿

ꓬꓲ ꓚꓰ ꓬꓲ ꓪꓴꓸ ꓕꓳꓽ ꓶ 14ꓽ18-20

ꓟꓴ ꓡꓳꓹ ꓬꓰ ꓟ ꓪꓴ-ꓢ ꓬꓲ ꓔꓲ ꓒ ꓢ-ꓡꓱ ꓪ ꓔꓲ ꓟꓷ-ꓚꓲ-ꓫꓷ_ ꓟꓲ-ꓸ ꓑ ꓑ_ ꓐꓰ ꓛꓱꓼ ꓡꓱꓼ ꓙꓵ ꓔꓯꓹ ꓔ ꓢꓲ-ꓸ ꓮ-ꓐꓷ-ꓡ ꓔꓯ ꓶꓼ ꓥꓳꓽ ꓙꓱꓽ ꓖꓶ ꓢꓲ ꓠꓬꓲ-ꓸ ꓟꓴ ꓗꓪ ꓟꓲ ꓠꓯ ꓚꓰꓼ ꓢꓴ-ꓸ ꓟꓴ ꓡꓳꓹ ꓬꓰ ꓟ ꓪꓴ-ꓢ ꓡꓰ ꓮ-ꓐꓷ-ꓡ ꓔꓯ ꓶꓼ ꓙꓳ ꓫꓱꓹ ꓙꓳ ꓝꓲ= ꓠꓴ ꓔꓯ ꓛꓴꓽ ꓙꓳ ꓢꓴ ꓔꓯ ꓠꓴ ꓡꓯ ꓒꓯꓹ ꓗꓪ ꓡꓯꓼ ꓙꓱ ꓖꓶ ꓢꓴ ꓟꓴ ꓡꓳꓹ ꓬꓰ ꓟ ꓪꓴ-ꓢ ꓔꓯ ꓫꓱꓸ ꓖꓶ-ꓸ ꓐꓯ_ ꓡꓳ= ꓖꓳ ꓡꓱ ꓠꓬ ꓮ-ꓐꓷ-ꓡ ꓡꓰ ꓙꓳ_ ꓟ ꓮ ꓙꓵꓽ ꓗꓪ ꓐꓰ ꓞꓲ ꓐꓱꓸꓹ ꓕꓲ ꓐꓱ ꓬꓲ ꓔꓯ ꓖꓶ_ ꓡꓳ=

1 ꓘꓳ-ꓡꓱ-ꓕꓴ 11ꓽ23-26

ꓮ ꓡꓲꓳ ꓐꓯ ꓠꓬ ꓥꓪ ꓡꓰ ꓠꓴ ꓪ ꓔꓯ ꓡꓯꓼ ꓙꓱ ꓖꓶ ꓗꓷ ꓟ ꓠꓬ ꓢꓲ ꓒ ꓗꓪ ꓐꓰ ꓟꓶ_ ꓟ ꓥ ꓡꓳ= ꓕꓱ ꓟ ꓠꓬ ꓢꓲ ꓒꓽ ꓬꓰ-ꓢꓴ ꓔꓯ ꓪꓴꓽ ꓜ ꓗꓷ ꓟ ꓖꓳ ꓕꓲ ꓦꓬꓼ ꓗꓪ-ꓸ ꓬꓲ ꓠꓬ ꓑ ꓑ ꓣꓴ ꓢꓲ-ꓸ ꓫꓸ ꓟꓳ ꓗꓷ ꓠꓬ ꓦꓶꓹ ꓢꓲ ꓠꓬꓲ-ꓸ ꓕꓱ ꓟ ꓠꓽ ꓠꓴ ꓪ ꓐꓱ ꓶ ꓖꓶ ꓗꓷ ꓟ ꓥꓪ ꓖꓳ ꓓꓱꓽ ꓥ ꓡꓳ= ꓠꓴ ꓪ ꓥꓪ ꓔꓯ ꓓꓵꓽ ꓙ ꓛꓲ ꓡ ꓠꓹ ꓟ ꓕꓱ ꓡꓱ ꓬꓰ-ꓸ ꓐꓯ_ ꓡꓳ= ꓜ ꓜꓽ ꓗꓷ ꓗ ꓠꓯꓸ_ ꓟꓲ ꓖꓳ ꓟ_ ꓡꓰ ꓐꓰ ꓡꓴ ꓗꓶꓸ ꓣꓴ ꓢꓲ-ꓸ ꓡꓴ ꓗꓶꓸ ꓕꓱ ꓟ ꓠꓬ ꓥꓪ ꓫꓵꓽ ꓡꓰ ꓬꓰ ꓔ ꓟ ꓘꓶꓽ ꓫꓵꓼ ꓥ ꓡꓳ= ꓠꓴ ꓪ ꓮ ꓕꓯ ꓓꓳ_ ꓠꓬ ꓖꓳ ꓕꓯ ꓥꓪ ꓔꓯ ꓓꓵꓽ ꓙ ꓛꓲ ꓡ ꓠꓹ ꓟ ꓕꓱ ꓡꓱ ꓬꓰ-ꓸ ꓐꓯ_ ꓡꓳ= ꓮ ꓡꓲꓳ ꓐꓯ ꓠꓬ ꓑ ꓑ_ ꓐꓰ ꓡꓴ ꓗꓶꓸ ꓕꓱ ꓟ ꓠꓴ ꓪ ꓮ ꓕꓯ ꓜꓽ ꓓꓳꓸꓹ_ ꓠꓬ-ꓸ ꓢꓲ ꓒ ꓫꓵꓸꓹ ꓗꓷ ꓟ ꓔꓯ ꓬꓲ ꓝꓮꓲ ꓡ_ ꓗꓪ ꓛꓲ ꓠꓴ ꓪ ꓡꓰ ꓐꓯ ꓑꓶ ꓔꓬ ꓟ ꓥ ꓡꓳ=