ꓢꓲ ꓫꓬ ꓦꓲ ꓐꓬ ꓡꓰ ꓠꓹ ꓟ

ꓡꓴ-ꓘ ꓕꓳꓽ ꓶ 21: 12-19
ꓕꓱ ꓟꓬ ꓙꓰꓽ ꓟ ꓟꓽ ꓛꓲ ꓡ ꓕꓯ ꓡꓰ꓾ ꓢꓴ ꓠꓬ ꓡꓯꓼ ꓡꓵꓺ ꓢꓲ ꓠꓴ ꓪ ꓔꓯ ꓣꓴ ꓡ_ ꓥꓳ꓿ ꓝꓮꓲ ꓠꓴ ꓪ ꓔꓯ ꓗꓸ ꓧꓪ ꓢꓲ ꓜꓲꓼ ꓦꓲ_ ꓐꓰ ꓐꓱ ꓓꓴꓽ ꓗꓪ ꓡꓯꓼ ꓙꓱ ꓗꓷ ꓢꓲ ꓠꓬꓲ꓾ ꓥꓪ ꓟꓬꓱꓺ ꓪꓴꓸ ꓠꓬꓲ ꓠꓴ ꓪ ꓔꓯ ꓪ ꓔꓲ ꓐꓴ_ ꓐꓰ ꓢꓲꓽ ꓒ ꓓꓽ ꓟ ꓐꓴ ꓟꓲꓽ ꓙꓬ ꓗꓪ ꓖꓳꓻ ꓛꓲ ꓬꓰ_ ꓥꓳ꓿ ꓕꓱ ꓟ ꓠꓽ ꓠꓴ ꓪ ꓐꓱ ꓶ ꓢꓷ ꓙ ꓟꓳ ꓙ ꓠꓹ ꓟ ꓬꓲ ꓝꓲꓸ ꓗꓷ ꓡꓰ_ ꓥꓳ꓿ ꓖꓳ ꓡꓱ ꓢꓲ ꓮ ꓡꓲ ꓐꓰ ꓒꓳꓹ ꓖꓶ ꓠꓯ_ ꓟ꓾ ꓧꓶꓸ ꓕꓯ ꓡꓰ ꓟꓽ ꓓꓵ ꓙ ꓠꓬꓲ ꓠꓹ ꓟ꓾ ꓠꓲꓹ ꓟ ꓠꓯꓸꓼ ꓗꓪ ꓚꓴ ꓬꓲꓹ ꓓꓶꓽ ꓚꓵ ꓔ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓔꓯ ꓛꓴꓽ ꓙꓳ ꓢꓴ ꓮ ꓙꓵ ꓡꓰ ꓗꓽ ꓔ ꓟꓽ ꓘꓴꓻ ꓟ_ ꓐꓰ꓾ ꓐꓯ ꓟꓽ ꓧꓪꓸ ꓡꓰ ꓟ ꓐꓯ ꓙ_ ꓐꓰ ꓙꓽ ꓗꓴ ꓠꓲꓹ꓾ ꓥꓪ ꓠꓴ ꓪ ꓔꓯ ꓖꓶ_ ꓥꓳ꓿ ꓠꓴ ꓪ ꓮ ꓐꓽ ꓮ ꓟ_ ꓐꓰ ꓬꓲꓼ ꓤ ꓠꓬꓲ ꓤ_ ꓐꓰ ꓫꓵꓽ ꓤ ꓧꓪ ꓤ_ ꓐꓰ ꓗꓪ ꓛꓳꓽ ꓐꓴ ꓡꓰ ꓠꓴ ꓪ ꓔꓯ ꓡꓯꓼ ꓙꓱ ꓗꓷ_ ꓥꓳ꓿ ꓕꓲ ꓐꓱ ꓔꓯ ꓠꓬ ꓬꓲ ꓪ ꓡꓰ ꓫꓵꓻ ꓝꓲ_ ꓥꓳ꓿ ꓥꓪ ꓟꓬꓱꓺ ꓪꓴꓸ ꓠꓬꓲ ꓮ ꓙꓵ ꓢꓴ ꓠꓴ ꓪ ꓔꓯ ꓠꓲꓹ ꓜꓳ_ ꓥꓳ꓿ ꓖꓳ ꓡꓱ ꓥ_ ꓟꓲ ꓠꓴ ꓪ ꓪꓴꓸ ꓗꓴ ꓟ ꓕꓲ ꓚ_ ꓟꓲ ꓟꓽ ꓒꓲꓼ ꓬꓰ꓿ ꓠꓴ ꓪ ꓜꓲꓽ ꓔ_ ꓠꓬ꓾ ꓠꓴ ꓪ ꓢꓯꓼ ꓟꓬ ꓟꓶ_ ꓥꓳ꓿

Add new comment

6 + 4 =