ꓢꓳ ꓙꓵ ꓠꓲꓹ ꓔꓯ ꓒꓵꓼ

ꓡꓳ_ꓬꓰ ꓟ 4 ꓦ 21 ꓠꓬꓲ ꓕꓯꓽ ꓟꓴꓢꓡꓲꓟ ꓐꓯ_ꓟ ꓲꓢꓡꓮꓟ ꓙꓵ ꓠꓲꓹ ꓔꓯ ꓙꓵ ꓔꓬ ꓢꓴ ꓐꓰ ꓙꓵ ꓠꓲꓹ ꓧꓶꓸ ꓡꓰ ꓢꓴ ꓕꓲ ꓐꓱ ꓠꓬ ꓙꓲ-ꓢꓴ ꓢꓲ ꓤ ꓪꓽ ꓘꓴ ꓦꓲ ꓐꓰ  ꓧꓳꓔꓰꓡ ꓬꓲꓼ ꓔꓸ ꓔꓶ ꓗꓪ  ꓚꓲ ꓛꓬ ꓗꓳ ꓓꓱ ꓗꓪ ꓐꓳꓽ ꓧꓶꓹ ꓔ ꓢꓲ ꓠꓬꓲ ꓞꓳ-ꓤ ꓟꓲ ꓙꓬ ꓗꓪ ꓡ ꓢꓲ ꓢꓯꓹ ꓬꓲꓼ ꓡ ꓑꓮꓲ ꓬꓲ ꓔꓬ ꓟ ꓙꓲ-ꓢꓴ ꓢꓲ-ꓤ ꓠꓯꓸꓹ ꓗꓪ ꓡ ꓢꓲ ꓐꓳꓽ ꓑꓳ ꓑꓶ ꓩꓴ ꓡ ꓢꓲꓸ ꓞꓳ-ꓤ (258) ꓣꓳ ꓫꓵ ꓐꓰ ꓐꓯ ꓔ ꓡꓳ=

ꓕꓱ ꓡꓱ ꓞꓳ-ꓤ ꓮ ꓟꓬ ꓫꓵ ꓠ  ꓬꓲ ꓢꓴ ꓕꓱ ꓕꓲꓽ ꓜꓴ ꓠꓬ ꓬꓲꓸ ꓪꓽ ꓠꓬ ꓮ ꓘꓶꓸ ꓙꓵ ꓟ ꓟꓬꓱ ꓢꓲ-ꓫꓬ ꓟ ꓟꓬꓱ ꓬꓲ ꓗꓷꓳ- ꓐꓰ ꓓꓵꓽ ꓙ_ ꓡꓳ= ꓮ ꓡꓲꓳ ꓐꓯ ꓠꓬ  ꓲꓢꓡꓮꓟ ꓙꓵ ꓠꓲꓹ ꓔꓯ ꓟꓽ ꓙꓵ ꓢꓴ ꓮ ꓙꓵꓽ ꓠꓬ ꓪꓴ-ꓢ ꓔꓯ ꓒꓳ ꓔꓴ ꓢꓴ ꓥ ꓡꓳ ꓐꓰ  ꓕꓱ ꓡꓱ ꓓꓴꓽ ꓙ_ ꓟ ꓪꓴꓸ ꓠꓬꓲ ꓠꓲ ꓬꓲꓸ ꓪꓽ ꓠꓬ ꓕꓱ  ꓡꓲ ꓪꓴ-ꓢ ꓔꓯ ꓒꓳꓸ ꓔꓴ ꓢꓴ ꓔꓯ ꓠꓬ ꓢꓰꓼ ꓠꓬꓲ ꓔꓸ ꓥ= ꓕꓱ ꓡꓲ ꓢꓰꓼ_ꓟ ꓠꓬ ꓪꓴ-ꓢ ꓠꓲꓹ ꓡꓶꓽ ꓥ ꓡꓳ= ꓖꓳ ꓡꓲ ꓢꓲ ꓐꓳꓽ ꓕꓴ ꓡꓹ ꓟ ꓥ ꓡꓳ= ꓐꓳꓽ ꓔꓯ ꓑꓳ ꓩꓴ ꓡ ꓟ ꓥ ꓡꓳ=

ꓬꓳ-ꓦ 16ꓽ1-2 ꓗꓪ ꓮ ꓡꓲ ꓐꓯ ꓔꓸ ꓐꓯ ꓠꓬ-ꓸ ꓥꓪ ꓠꓴ ꓪꓽ ꓔꓯ ꓕꓱ ꓟꓬ ꓙꓰꓽ ꓐꓯ ꓖꓶ_ ꓟ ꓠꓬ-ꓸ ꓠꓴ ꓪꓽ ꓟ ꓡꓱꓸ ꓗꓷ ꓠꓹ ꓟ ꓥ ꓡꓳ=

ꓬꓲ ꓪꓽ ꓡꓰ ꓠꓴ ꓪꓽ ꓔꓯ ꓜꓲꓼ ꓦꓲ ꓗꓪ ꓐꓰ ꓖꓼ ꓓꓳ ꓗꓷ ꓡ_ ꓥꓳ= ꓮꓽ ꓟ ꓠꓴ ꓪ ꓔꓯ ꓢꓰꓼ_ ꓠꓬ ꓪꓴ-ꓢ ꓟꓬꓱꓽ ꓬꓰ ꓡꓳ-ꓸ ꓐꓰ ꓓꓴ ꓙ_ ꓟ ꓬꓲ ꓙꓵ ꓛꓲ ꓡ_ ꓥ0=  ꓞꓳ-ꓤ ꓢꓰꓼ_ ꓟ ꓠꓬ ꓪꓴ-ꓢ ꓟꓬꓱ ꓬꓲ ꓟ ꓥꓳ ꓐꓰ ꓓꓴꓽ ꓙ ꓢꓴ ꓮꓽ ꓟꓬ ꓙꓳ ꓡꓳ= ꓣꓳ ꓙꓵ ꓠꓲꓹ ꓔꓯ_ꓟꓲ ꓢꓳ ꓙꓵ ꓠꓲꓹ ꓔꓯ_ ꓟꓲ ꓟꓲꓸꓹꓠꓬꓲ ꓓꓴ ꓬꓰ ꓡꓯ= ꓢꓳ ꓙꓵ ꓠꓲꓹ ꓔꓯ ꓒꓴꓽ ꓓꓴ ꓬꓰ ꓡꓯ=