ꓣꓳꓸꓸ_ ꓟ ꓗ ꓘꓶꓽ ꓗꓪ ꓓꓵꓽ ꓡꓰ ꓠꓯꓹ_ ꓟ

ꓡꓴ-ꓘ ꓕꓳꓽ ꓶ 13: 22-30

 ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓙꓰ ꓔꓬ_ ꓕꓯ꓾ ꓬꓲ ꓗꓳꓸ ꓬꓯꓼ_ ꓟ ꓡꓳ ꓒꓱ ꓘꓹ ꓒꓱ ꓗꓪ ꓟꓸ ꓟꓲ ꓟꓸ_ ꓡꓳ꓿ ꓡ ꓞꓳ ꓕꓲ ꓣꓳ ꓬꓲ ꓔꓯ꓾ ꓢꓲ ꓒꓽꓳ꓾ ꓢꓯꓼ ꓟꓬ ꓝꓸ ꓟꓶ ꓢꓴ ꓠꓲꓸ_ ꓡꓺꓽ꓾ ꓐꓰ ꓠ ꓠꓬꓲ_ ꓡꓳ꓿ ꓬꓲ ꓠꓬ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓠꓴ ꓪ ꓠꓬ ꓣꓳꓺ_ ꓟ ꓗ ꓘꓶ ꓗꓪ ꓓꓵ ꓡꓰ ꓠꓹ ꓟ ꓢꓯꓼ ꓕꓵꓼ꓿ ꓮ ꓡꓲꓳ ꓐꓯ ꓠꓬ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓢ ꓖꓪ ꓠꓬ ꓓꓵꓽ ꓙꓰ ꓠꓲꓹ ꓫꓵ_ ꓟꓲ ꓓꓵ ꓙꓰ ꓟꓽ ꓪ ꓢꓴ ꓮ ꓟꓬꓹ ꓙꓳ_ ꓥꓳ꓿ ꓦꓲꓻ ꓢꓲꓺ ꓒ ꓔꓴ ꓡ ꓢꓲ ꓗ ꓘꓶ ꓚꓵꓸ ꓗꓷ ꓠꓬ꓾ ꓠꓴ ꓪ ꓠꓽ ꓠꓱ ꓫꓱ ꓟꓸꓼ ꓗꓪ ꓦꓰꓼ ꓞ ꓢꓲ ꓠꓬꓲ꓾ ꓗ ꓘꓶ ꓲꓹꓼ ꓪꓴꓸ ꓔꓴ ꓢꓲ꓾ ꓢꓲꓺ ꓒꓽꓳ꓾ ꓥꓪ ꓠꓴꓽ ꓔꓯ ꓗ ꓘꓶ ꓒꓴ ꓖꓶ ꓡꓯ꓾ ꓐꓯ_ ꓠꓬ꓾ ꓬꓲ ꓠꓽ꓾ ꓥꓪ ꓠꓴ ꓪ ꓔꓯ ꓟꓽ ꓢꓷ꓿ ꓠꓴ ꓪ ꓮ ꓡꓲ ꓗꓪ ꓐꓰ ꓡ_ ꓟ_ ꓟꓲ ꓥꓪ ꓟꓽ ꓢꓷ꓾ ꓐꓰ ꓒꓳꓹ ꓖꓶ ꓡ_ ꓥꓳ꓿ ꓖꓳ ꓕꓯ ꓠꓴ ꓪ ꓠꓬ꓾ ꓥꓪ ꓠꓴꓽ ꓠꓽ ꓠꓴ ꓟꓲ ꓙꓬ ꓗꓪ ꓜꓽ ꓠꓬꓲ ꓓꓳ ꓠꓬꓲꓳ꓿ ꓠꓴ_ ꓟꓲ ꓥꓪ ꓠꓴꓽ ꓙꓵꓺ ꓗꓪ ꓟꓸ ꓟꓲꓽ ꓟꓸ ꓡ ꓠꓬꓲꓳ꓾ ꓐꓰ ꓐꓯ ꓪꓴꓸ ꓔꓴ_ ꓥꓳ꓿ ꓖꓳ ꓡꓱ ꓠꓬ ꓬꓲ ꓡꓰ꓾ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓠꓴ ꓪ ꓮ ꓡꓲ ꓗꓪ ꓐꓰ ꓡ_ ꓟ ꓥꓪ ꓟꓽ ꓢꓷ꓿ ꓟꓽ ꓙꓲ ꓟꓽ ꓜꓳꓽ ꓟ ꓬꓰ ꓢꓴ ꓠꓴ ꓪ ꓮ ꓙꓵ ꓠꓬ ꓥꓪ ꓔꓯ ꓐꓰ ꓧꓹ ꓙꓰ ꓨ꓾ ꓐꓰ ꓐꓯ ꓡ_ ꓥꓳ꓿ ꓢ ꓖꓪ ꓠꓴ ꓪ ꓠꓬ꓾ ꓮ-ꓐ-ꓡ-ꓦ_ ꓐꓰ ꓬꓲ-ꓢ_ ꓐꓰ ꓬ-ꓗꓴ_ ꓐꓰ ꓟꓷ ꓠꓷꓹ ꓝꓸ ꓢꓴ ꓮ ꓙꓵ꓾ ꓪꓴ-ꓢ ꓗꓴꓷꓼ ꓠꓯꓸꓼ ꓗꓪ ꓔꓬ_ ꓟ ꓔꓯ ꓡꓳꓸ ꓟꓳ ꓢꓲ꓾ ꓠꓴ ꓪ ꓔꓯ ꓠꓽ ꓠꓱ ꓫꓱꓸ ꓟꓸꓼ ꓗꓪ ꓖꓼ ꓓꓳ ꓗꓷ ꓠꓬ꓾ ꓥꓴꓻ ꓠꓬꓲ ꓢꓶꓽ ꓛꓲꓽ ꓠꓬꓲ ꓗꓷ ꓡꓰ_ ꓥꓳ꓿ ꓢ ꓖꓪ ꓐꓶ ꓓꓳ_ ꓐꓰ ꓐꓶ ꓓꓵꓽ ꓗꓪ ꓐꓰ꓾ ꓖꓴ ꓪꓴꓸ_ ꓐꓰ ꓖꓴ ꓟꓶꓸ ꓗꓪ ꓐꓰ꓾ ꓪꓴ-ꓢ ꓗꓴꓷ ꓗꓪ ꓜ ꓫꓳ_ ꓟ ꓗꓪ ꓠꓬꓲꓸ ꓠꓸ ꓡ ꓢꓴ ꓙꓳ_ ꓥꓳ꓿ ꓠꓬꓲ ꓠꓹ꓾ ꓬꓲ ꓡꓷ ꓕꓲ ꓐꓱ ꓠꓬ꓾ ꓢ ꓖꓪ ꓬꓲ ꓪꓴꓸ ꓟ ꓗꓷ ꓡꓰ_ ꓥꓳ꓿ ꓬꓲ ꓪꓴꓸ ꓟ ꓕꓲ ꓐꓱ ꓠꓬ꓾ ꓬꓲ ꓡꓷ ꓗꓷ ꓡꓰ_ ꓥꓳ꓾ ꓐꓯ_ ꓡꓳ꓿