ꓥꓪ ꓡꓰ ꓝꓲ ꓩꓴ ꓗꓷ ꓢꓴ ꓔꓯ ꓘꓳ ꓣꓴ ꓢꓴ ꓠꓽ ꓥꓪ ꓔꓯ ꓘꓳ ꓣꓴˍ ꓟ ꓥ ꓡꓳ=

ꓬꓳ-ꓦ 13ꓽ16-20

ꓥꓪ ꓔꓱꓹ ꓔꓱˍ ꓠꓴ ꓪ ꓔꓯ ꓐꓯ ꓖꓶˍ ꓠꓬꓲ꓾ ꓚꓳ ꓑꓸ ꓠꓬ ꓬꓲ ꓢꓲ ꓒꓽ ꓕꓯꓽ ꓢꓲ ꓟꓽ ꓪꓴꓽ= ꓝꓲ ꓓꓴˍ ꓟꓲ ꓬꓲ ꓔꓯ ꓝꓲ ꓢꓴ ꓕꓯꓽ ꓢꓲ ꓟꓽ ꓪꓴꓽ= ꓕꓱ ꓟꓬ ꓙꓰꓽ ꓠꓴ ꓪ ꓢꓷꓸ ꓢꓲ ꓬꓰˍ ꓠꓬ ꓶꓼ ꓙꓳ ꓫꓱꓹ ꓙꓳˍ ꓥꓳ=

ꓠꓴ ꓪ ꓮ ꓙꓵꓽ ꓡꓱꓸꓼ ꓔꓯ ꓐꓯˍ ꓟ ꓠꓽ ꓟꓽ ꓥ= ꓥꓪ ꓡꓰ ꓢꓲ ꓔ ꓢꓴ ꓔꓯ ꓥꓪ ꓢꓷꓸˍ ꓡꓳ= ꓖꓳ ꓡꓱ ꓥˍ ꓟꓲ ꓢꓲ ꓫꓬ ꓕꓳ ꓶ ꓗꓪ꓾ ꓥꓪ ꓜ ꓜꓽ ꓢꓴ ꓬꓲ ꓛꓲ ꓔ ꓠꓳ ꓡꓰ ꓥꓪ ꓔꓯ ꓑꓰꓹ ꓡˍ ꓡꓳ꓾ ꓐꓰ ꓐꓳ ꓔ ꓟ ꓐꓲ ꓡ ꓠꓹ ꓟ ꓥ ꓡꓳ=ꓖꓳ ꓡꓱ ꓗꓷ ꓡꓰ ꓕꓯ꓾ ꓥꓪ ꓠꓽ ꓙꓲ-ꓢꓴ ꓥ ꓟ ꓠꓴ ꓪ ꓙꓵꓻ ꓠꓹ ꓟ꓾ ꓟꓽ ꓒꓬꓱꓼ ꓡ ꓕꓯˍ ꓡꓰ ꓠꓴ ꓪ ꓔꓯ ꓐꓯ ꓖꓶˍ ꓟ ꓥ ꓡꓳ= ꓥꓪ ꓔꓱꓹ ꓔꓱˍ ꓠꓴ ꓪ ꓔꓯ ꓐꓯ ꓖꓶˍ ꓠꓬꓲ꓾ ꓥꓪ ꓡꓰ ꓝꓲ ꓩꓴ ꓗꓷ ꓢꓴ ꓔꓯ ꓘꓳ ꓣꓴ ꓢꓴ ꓠꓽ ꓥꓪ ꓔꓯ ꓘꓳ ꓣꓴˍ ꓟ ꓥ ꓡꓳ= ꓥꓪ ꓔꓯ ꓘꓳ ꓣꓴ ꓢꓴ ꓠꓬ ꓥꓪ ꓔꓯ ꓝꓲ ꓩꓴ ꓡ ꓢꓴ ꓔꓯ ꓘꓳ ꓣꓴˍ ꓟ ꓥ ꓡꓳ꓾ ꓐꓯˍ ꓡꓳ=