ꓪꓴꓽ_ ꓟ ꓬꓰ ꓠꓲꓹ ꓫꓵ ꓢꓴ ꓔꓯ ꓟꓸ ꓖꓶ_ ꓟ

ꓪꓴꓽ_ ꓟ ꓬꓰ ꓠꓲꓹ ꓫꓵ ꓢꓴ ꓔꓯ ꓟꓸ ꓖꓶ_ ꓟ
ꓟ-ꓘꓳ ꓕꓳꓽ ꓶ 9: 30-37
ꓖꓳ ꓗꓪ ꓐꓰ ꓬꓲ ꓪ ꓓꓳ ꓙꓰ ꓢꓲ꓾ ꓖ-ꓡꓲ-ꓡꓲ ꓟꓵꓽ ꓗꓪ ꓐꓰ ꓗꓳꓸ ꓙꓰ_ ꓡꓳ꓿ ꓮ ꓟ ꓔꓯ_ ꓟꓲ ꓬꓲ ꓢꓷ ꓡꓰ ꓝꓲ ꓠꓲꓹ ꓟꓽ ꓫꓵ꓿ ꓮ ꓡꓲꓳ ꓐꓯ ꓠꓬ ꓬꓲ ꓛꓳ ꓒꓯ ꓐꓴ ꓔꓯ ꓬꓲ ꓟꓸ ꓖꓶ ꓢꓲ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓡ ꓞꓳ ꓮ ꓐꓲ ꓔꓯ ꓠꓽ ꓞꓳ ꓤ ꓡꓯ ꓒꓯꓹ ꓗꓪ ꓡꓯꓼ ꓙꓱ ꓗꓷ_ ꓥꓳ꓿ ꓬꓲ ꓪ ꓠꓬ ꓬꓲ ꓔꓯ ꓢꓰꓼ ꓡ_ ꓥꓳ꓿ ꓢꓰꓼ ꓗꓷ ꓗ ꓠꓯ ꓢꓽ ꓠꓬꓲ ꓠꓬ ꓬꓲ ꓢꓯꓸ ꓬꓲꓼ ꓡ_ ꓢꓰꓽ ꓥꓳ꓾ ꓐꓯ_ ꓡꓳ꓿ ꓖꓳ ꓡꓱ ꓥ_ ꓟꓲ ꓐꓯ ꓘꓶ ꓕꓱ ꓟ ꓬꓲ ꓪ ꓟꓽ ꓙ ꓜꓲꓼ꓾ ꓬꓲ ꓔꓯ ꓠ_ ꓟꓲ ꓠ ꓠꓬꓲ ꓟꓽ ꓑꓶꓸ꓿  ꓬꓲ ꓪ ꓠꓬ ꓘ-ꓒꓱ-ꓠꓴ ꓗꓪ ꓛꓲ ꓬꓰ_ ꓡꓳ꓿ ꓖꓳ ꓡꓱ ꓠꓬ ꓦꓲ ꓠꓯꓸꓼ ꓗꓪ ꓔꓬ_ ꓕꓯ ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓙ ꓖꓴ ꓙ ꓐꓽ ꓗꓪ ꓠꓴ ꓪ ꓮ ꓫꓵꓽ ꓐꓯ ꓡꓯ ꓘꓳ_ ꓡꓳꓺꓽ꓾ ꓐꓰ ꓠ ꓠꓬꓲ_ ꓡꓳ꓿ ꓬꓲ ꓪ ꓠꓽ ꓟꓽ ꓪꓳꓹ ꓔꓬ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓙ ꓖꓴ ꓙ ꓐꓽ ꓗꓪ꓾ ꓪ ꓜꓲ ꓪꓴꓽ_ ꓟ ꓮ ꓡꓲ ꓕꓲ ꓣꓳ ꓥ ꓡꓳ ꓐꓰ ꓬꓲ ꓪ ꓧꓳꓺ ꓡꓯ ꓘꓳ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓠꓬꓲꓸ ꓠꓸ ꓢꓲ꓾ ꓬꓲ ꓛꓳ ꓒꓯꓹ ꓞꓲ ꓠꓬꓲꓽ ꓣꓳ ꓔꓯ ꓘꓴꓻ ꓢꓲ ꓠꓬꓲ ꓬꓲ ꓪ ꓔꓯ꓾ ꓮ ꓟ ꓠꓬ ꓓꓽ ꓪꓴꓸ ꓬꓰ ꓠꓲꓹ ꓫꓵ_ ꓕꓯ ꓠꓽ꓾ ꓓꓽ ꓓꓰꓺ_ ꓐꓰ ꓮ ꓙꓵ ꓢꓴ ꓔꓯ ꓣꓱ ꓙ ꓢꓴ ꓬꓰ ꓠꓯ_ ꓡꓳ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓠꓬ ꓤ ꓠꓱ ꓤ ꓕꓲ ꓣꓳ ꓧꓳꓽ ꓔꓯꓹ ꓡ ꓢꓲ꓾ ꓬꓲ ꓪ ꓗꓳ ꓡꓳ ꓗꓪ ꓦꓰꓼ ꓞꓹ ꓝꓲ_ ꓡꓳ꓿ ꓝꓮꓲ ꓬꓲ ꓡꓯꓼ ꓖꓳꓼ ꓗꓪ ꓬꓲ ꓔꓯ ꓢꓳꓸ ꓔꓯꓹ ꓔ ꓢꓲ꓾ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓮ ꓟ ꓥ_ ꓟꓲ ꓥꓪ ꓟꓬꓱꓺ ꓗꓪ ꓐꓰ ꓕꓱ ꓡꓱ ꓫꓵꓽ ꓤ ꓠꓱ ꓤ ꓕꓲ ꓣꓳ ꓔꓯ ꓘꓳ ꓣꓴ_ ꓠꓬ꓾ ꓥꓪ ꓔꓯ ꓘꓳ ꓣꓴ_ ꓡꓳ꓿ ꓮ ꓟ ꓥ_ ꓟꓲ ꓥꓪ ꓔꓯ ꓘꓳ ꓣꓴ_ ꓠꓬ꓾ ꓥꓪ ꓔꓯ ꓘꓳ ꓣꓴ_ ꓡꓳ ꓟꓽ ꓥ꓾ ꓥꓪ ꓔꓯ ꓝꓲ ꓩꓴ ꓡ ꓢꓴ ꓔꓯ ꓘꓳ ꓣꓴ_ ꓡꓳ꓾ ꓐꓯ_ ꓡꓳ꓿

Add new comment

8 + 3 =

Please wait while the page is loading