ꓪꓴ-ꓢ ꓟ. ꓟꓲ

ꓥꓪ ꓔꓱꓹ ꓔꓱ_ ꓐꓰ ꓠꓴ ꓪ ꓔꓯ ꓐꓯ ꓖꓶ ꓠꓬꓲ-ꓸ ꓠꓴ ꓪ ꓠꓽ ꓮꓸ ꓛꓬ ꓙꓱꓸꓸ ꓢꓲ ꓥꓴ_ ꓥꓳ= ꓖꓳ ꓡꓱ ꓥ_ ꓟꓲ ꓟꓲ ꓠꓯ ꓡ ꓞꓳ ꓠꓽ ꓗ ꓛꓲ_ ꓥꓳ= ꓠꓴ ꓪ ꓠꓽ ꓠꓲꓹ ꓟ ꓫꓸ- ꓥꓳ= ꓖꓳ ꓡꓱ ꓥ_ ꓟꓲ ꓠꓴ ꓪ ꓠꓲꓹ ꓟ ꓫꓸ_ ꓟ ꓠꓬ ꓗꓸ ꓛꓲ ꓓꓴ ꓒꓬꓱꓼ ꓡ_ ꓥꓳ= (ꓬꓳ-ꓦ 16ꓽ20) ꓕꓲ ꓧꓪꓹ ꓧꓪꓹ ꓣꓳ ꓠꓬ ꓣꓳ ꓬꓲ-ꓟ ꓮꓽ ꓙꓲ ꓧꓪꓸ ꓡꓳ- ꓐꓰ ꓓꓵꓽ ꓙꓽ ꓔꓬ ꓥ- ꓟꓲ ꓬꓲꓸ ꓟꓶ ꓗꓪ ꓞꓳ ꓡꓲ- ꓫꓵ ꓮ ꓟꓬ ꓔꓳ ꓜꓳ ꓐꓷ- ꓥꓳ= ꓕꓲ ꓧꓪꓹ ꓧꓪꓹ ꓣꓳ ꓞꓳ ꓡꓲꓳ- ꓐꓰ ꓙ ꓟꓶ ꓔꓬ ꓥ- ꓟꓲ ꓬꓲ ꓟꓶ ꓗꓪ ꓧꓪꓸ ꓡꓲ- ꓟ ꓮ ꓟꓬ ꓘꓳ ꓣꓳ ꓪ ꓟ ꓙꓳ ꓡꓳ= ꓢꓲ-ꓒ ꓬꓰ-ꓢꓴ ꓔꓯ ꓞꓳ ꓧꓳ ꓬꓰ- ꓟ ꓗꓪ ꓐꓰ ꓫꓵ ꓗꓪ ꓛꓲ ꓫ ꓟ ꓗꓪ ꓐꓰ ꓝꓮꓲ ꓢꓯꓸ ꓬꓲ ꓡ ꓗꓪ ꓛꓲ ꓝꓲ- ꓓꓴ ꓐꓴ ꓠꓬ ꓮ ꓛꓬ ꓙꓱ ꓠꓬꓲ ꓠꓲ ꓫ ꓟꓬ ꓫ ꓓꓴ ꓮ ꓟꓬ ꓔꓳ ꓜꓳ ꓗꓷꓳ= ꓥꓴ- ꓟ ꓥꓴ ꓗꓷꓳ= ꓖꓳ ꓡꓱ ꓥ- ꓟꓲ ꓕꓲ ꓛꓱ ꓗꓪ ꓛꓳꓽ ꓠꓬꓲ ꓠꓬ ꓢꓲ- ꓒ ꓬꓰ- ꓢꓴ ꓔꓯ ꓢꓰ ꓢꓴ ꓐꓴ ꓠꓬ ꓬꓲ ꓪ ꓠꓬ ꓧꓪꓸ ꓡꓲꓳ_ ꓐꓰ ꓓꓵ ꓙ ꓢꓲ ꓗꓸ ꓛꓲ ꓠꓬꓲ ꓐꓰ ꓔꓬ ꓡꓳ= ꓖꓳ ꓡꓱ ꓥ- ꓟꓲ ꓢꓲ- ꓒ ꓬꓰ- ꓢꓴ ꓠꓬ ꓢ ꓦꓬ ꓡꓳꓼ ꓕꓯ ꓝꓮꓲ ꓢꓯꓸ ꓬꓲ ꓡ ꓳ=

ꓝꓲ- ꓓꓴ ꓐꓴ ꓞꓳꓸ ꓡꓲꓳ- ꓐꓰ ꓓꓵ ꓙ ꓔꓬ ꓟ ꓠꓬ ꓧꓪꓸ ꓡꓲ- ꓟ ꓒꓬꓱ ꓡ ꓢꓰ ꓢꓲ- ꓒ ꓬꓰ- ꓢꓴ ꓢꓰꓼ ꓢꓴ ꓐꓴ ꓧꓪꓸ ꓡꓲꓳ_ ꓐꓰ ꓓꓴ ꓙ ꓔꓬ ꓟ ꓙꓲ ꓗꓪ ꓬꓲ ꓪ ꓓꓵ ꓙ ꓟ ꓡꓲ ꓟ ꓗꓷ ꓡꓰ= ꓬꓲ ꓪ ꓠꓯꓸꓼ ꓗꓪ ꓠꓲꓹ ꓟ ꓐꓬ ꓡꓲ ꓓꓴ ꓗꓷ ꓡꓰꓳ= ꓬꓲ ꓤ ꓠꓬꓲ ꓤ ꓐꓴꓳ ꓠꓬꓲ ꓠꓬꓲ ꓣꓳ ꓔꓯ ꓟ ꓖꓶ ꓡ ꓟ ꓠꓬ ꓪꓴ- ꓢ ꓐꓰ ꓕꓲ ꓪꓼ ꓟ ꓥ ꓠꓬ ꓣꓳ ꓧꓪꓸ ꓡꓰꓳ ꓙ ꓟꓶ ꓟ ꓥ- ꓟꓲ ꓞꓳꓸ ꓡꓲ- ꓟ ꓗꓷ ꓡꓲ_ ꓥꓳ= ꓪꓴ- ꓢ ꓐꓰ ꓕꓲ ꓪꓼ ꓔꓬ ꓠꓬ ꓣꓳ ꓞꓳ ꓡꓰꓳ ꓓꓴ ꓙ ꓟ ꓥ- ꓟꓲ ꓧꓪ ꓡꓲ- ꓟ ꓕꓱ ꓡꓲ ꓒꓬꓱꓼ ꓡ ꓓꓴ ꓥꓳ= ꓠꓯꓸꓼ ꓗꓪ ꓧꓪꓸ ꓡꓰ- ꓟ ꓮ ꓟꓬ ꓛꓲ ꓡ ꓓꓴ ꓦꓳ= ꓮ ꓟꓬ ꓐꓯ ꓟꓶ ꓡ ꓓꓴ ꓥꓳ=