ꓪꓴ-ꓢ ꓠꓲ ꓡꓶ ꓔꓯ ꓛꓳ=

Wednesday, May 29, 2019

ꓟꓲ-ꓠꓯ ꓡꓰ ꓠꓴ ꓪ ꓔꓯ ꓠꓲꓸ ꓜꓳ_ ꓐꓭ ꓠꓬ-ꓸ ꓠꓴ ꓪ ꓔꓯ ꓟꓽ ꓠꓲꓹ ꓜꓳ ꓕꓯ ꓽ ꓡꓰ ꓥꓪ ꓔꓯ ꓠꓲꓸ ꓜꓳ_ ꓟ ꓠꓴ ꓪ ꓢꓷ_ ꓡꓳ=(ꓬꓳ-ꓦ 15ꓽ18) ꓟꓲ ꓠꓯ ꓞꓳ-ꓤ ꓠꓬ ꓟꓲ ꓠꓯ ꓞꓳ- ꓤ ꓡꓰ ꓐꓰ ꓫꓷꓸ ꓙꓳ ꓟꓲ ꓠꓯ ꓞꓳ-ꓤ ꓡꓰ ꓐꓰ ꓔꓬ ꓕꓯ ꓢꓷꓹ ꓟꓲ ꓠꓯ ꓞꓳ ꓤ ꓠꓬ ꓠꓵ ꓡ ꓙ ꓓꓴ ꓥꓳ= ꓖꓳ ꓡꓱ ꓥ_ꓟꓲ ꓟꓲ ꓠꓯ ꓞꓳ ꓤ ꓠꓬ ꓪꓴ-ꓢ ꓠꓲ ꓡꓶ ꓡꓰ ꓐꓰ ꓔꓬ ꓪꓴ-ꓢ ꓕꓵꓽ ꓪ ꓔꓯ ꓛꓳ_ꓠꓬ ꓟꓲ ꓠꓯ ꓞꓳ ꓤ ꓠꓬ ꓣꓳ ꓔꓯ ꓠꓲꓸ ꓜꓳ ꓡ ꓥꓳ ꓐꓰ ꓢꓲ-ꓒ ꓬꓰ-ꓢꓴ ꓡꓰ ꓐꓯ ꓔ ꓡꓳ=

ꓮ ꓡꓲꓳ ꓐꓯ ꓠꓬ ꓪꓴ-ꓢ ꓠꓲ ꓡꓶꓽ ꓛꓳ ꓢꓴ ꓐꓰ ꓟꓽ ꓛꓳ ꓢꓴ ꓟꓲ ꓠꓯ ꓞꓳ ꓤ ꓐꓴ ꓓꓵꓽ ꓙꓸꓹ ꓟ ꓟꓽ ꓪꓽ ꓡꓯ ꓘꓳ ꓟꓽ ꓫꓱꓸ ꓡꓯ ꓘꓳ ꓡ ꓟ ꓠꓬ ꓣꓳ ꓔꓯ ꓠꓲꓹ ꓜꓳ ꓡ ꓓꓴ ꓥꓳ= ꓖꓳ ꓡꓰ ꓥ_ꓟꓲ ꓣꓳ ꓔꓯ ꓠꓲꓸ ꓜꓳ ꓠꓬ ꓣꓳ ꓔꓯꓸ ꓠꓲꓸ ꓜꓳ ꓟ ꓟꓽ ꓥ= ꓢꓲ-ꓒ ꓬꓰ-ꓢꓴ ꓔꓯ ꓠꓲꓹ ꓜꓳꓸ ꓟ ꓥ ꓡꓳ ꓐꓰ ꓢꓲ-ꓒ ꓬꓰ-ꓢꓴ ꓡꓰ ꓕꓱ ꓡꓱ ꓐꓯ ꓔ ꓡꓳ=

ꓣꓳꓽ ꓓꓵꓽ ꓙ ꓠꓬꓲ ꓔꓸ ꓟ ꓠꓽ ꓪꓴ-ꓢ ꓠꓲꓸ ꓡꓶ ꓔꓯ ꓣꓳ ꓛꓳ_ꓟ ꓪꓴ ꓠꓬꓲ ꓥ ꓡꓳ= ꓣꓳꓽ ꓔꓯ ꓠꓲꓹ ꓜꓳ_ꓟ ꓠꓽ ꓢꓲ-ꓒ ꓬꓰ-ꓢꓴ ꓔꓯ ꓠꓲꓹ ꓜꓳ ꓔ ꓟ ꓪꓴ ꓠꓬꓲ ꓠꓲ ꓣꓳ ꓠꓲꓸ ꓟ ꓣꓳꓸ ꓡꓰ ꓟꓽ ꓓ= ꓪꓴ-ꓢ ꓣꓠꓱ_ꓛꓲ ꓑꓯ ꓟꓶ ꓠꓸ ꓟꓼ ꓥ ꓡꓳ-ꓸ ꓕ ꓙꓳ=