ꓪꓴ-ꓢ ꓬꓲ ꓑ ꓫꓬ ꓥ ꓟ ꓣꓳ ꓐꓴ ꓠꓬ꓾ ꓕꓲ ꓣꓳ ꓛꓳꓽ ꓕꓲ ꓣꓳ ꓧꓳꓹ ꓡꓯ ꓘꓳ ꓢꓲ꓾ ꓢꓲ ꓒ ꓠꓯꓸꓼ ꓗꓪ ꓠꓲꓹ ꓧꓳꓹ ꓫꓵꓽ ꓧꓳꓹ ꓕꓯ ꓬꓰ-ꓢꓴ ꓠꓬ ꓮ ꓘꓶꓸ ꓠꓲꓹ ꓒꓴˍ ꓡꓳ

(ꓬꓳ-ꓦ 17ꓽ20-26) 

ꓕꓱ ꓕꓲ ꓧꓳꓽ ꓟ ꓐꓱ ꓶˍ ꓡꓰꓽ ꓥꓪ ꓓꓰꓽˍ ꓟ ꓟꓽ ꓥ꓾ ꓬꓲ ꓪꓽ ꓐꓯ ꓘꓶ ꓗꓪ ꓐꓰ ꓥꓪ ꓔꓯ ꓙꓵꓻ ꓢꓴ ꓐꓴ ꓐꓱ ꓶˍ ꓟꓲ ꓓꓰꓽˍ ꓥꓳ꓿ ꓠꓴ ꓡꓰ ꓥꓪ ꓔꓯ ꓝꓲ ꓩꓴ ꓡ ꓟ ꓔꓯ ꓟꓲ ꓠꓯ ꓡꓰ ꓙꓵꓻ ꓡ ꓠꓹ ꓟ꓾ ꓬꓲ ꓪꓽ ꓮꓽ ꓙꓵ ꓠꓬ ꓕꓲ ꓟˍ ꓡꓰꓽ ꓒꓬꓱꓼ ꓡ ꓢꓲ꓾ ꓐꓹ ꓐ ꓠꓴ ꓥꓪ ꓠꓯꓸꓼ ꓗꓪ ꓔꓬ ꓢꓲ ꓥꓪˍ ꓟꓲ ꓠꓴ ꓠꓯꓸꓼ ꓗꓪ ꓔꓬ ꓟ ꓡꓰ ꓐꓰ꓾ ꓬꓲ ꓪꓽˍ ꓟꓲ ꓣꓳ ꓠꓯꓸꓼ ꓗꓪ ꓔꓬ ꓟꓶ ꓠꓹ ꓟ ꓥꓪ ꓓꓰꓽˍ ꓥꓳ꓿ ꓖꓳ ꓡꓱ ꓢꓲ ꓣꓳꓽ ꓕꓲ ꓟˍ ꓡꓰꓽ ꓥ ꓟ ꓡꓰ ꓐꓰ꓾ ꓬꓲ ꓪꓽˍ ꓟꓲ ꓕꓲ ꓟˍ ꓡꓰꓽ ꓒꓬꓱꓼ ꓡ ꓠꓹ ꓟ꓾ ꓠꓴ ꓡꓰ ꓥꓪ ꓔꓯ ꓖꓶ ꓔ ꓟ ꓟꓬꓱꓺ ꓓꓳꓽ ꓠꓬ ꓥꓪ ꓬꓲ ꓪꓽ ꓔꓯ ꓖꓶ ꓔ ꓡꓳ꓿ ꓠꓴ ꓡꓰ ꓥꓪ ꓔꓯ ꓝꓲ ꓩꓴ ꓡ ꓟ ꓐꓰ꓾ ꓠꓴ ꓥꓪ ꓔꓯ ꓠꓲꓹ ꓠꓵˍ ꓟ ꓡꓰ ꓐꓰ ꓬꓲ ꓪꓽ ꓔꓯˍ ꓟꓲ ꓠꓴ ꓠꓲꓹ ꓠꓵˍ ꓟ ꓔꓯ ꓟꓲ ꓠꓯ ꓢꓷꓸ ꓡꓰ ꓠꓹ ꓟ꓾ ꓥꓪ ꓠꓬ ꓬꓲ ꓪꓽ ꓠꓯꓸꓼ ꓗꓪ ꓔꓬ ꓢꓲ꓾ ꓠꓴꓻˍ ꓟꓲ ꓥꓪ ꓠꓯꓸꓼ ꓗꓪ ꓔꓬ ꓢꓲ ꓠꓬꓲ꓾ ꓬꓲ ꓪꓽˍ ꓟꓲ ꓕꓲ ꓠꓲꓹ ꓟˍ ꓗꓷ ꓡꓰˍ ꓟ ꓗꓪ ꓐꓰ ꓜꓳꓽ ꓓꓰ ꓡꓰ ꓠꓹ ꓟ꓾ ꓠꓴ ꓡꓰ ꓥꓪ ꓔꓯ ꓖꓶ ꓔ ꓟ ꓥꓪ ꓟꓬꓱꓺ ꓓꓳꓽ ꓠꓬ ꓬꓲ ꓪꓽ ꓔꓯ ꓖꓶ ꓔ ꓡꓳ꓿ ꓐꓹ ꓐꓽꓳ꓾ ꓠꓴ ꓡꓰ ꓥꓪ ꓔꓯ ꓖꓶ ꓡ ꓢꓴ ꓐꓴˍ ꓟꓲ꓾ ꓠꓴ ꓥꓪ ꓔꓯ ꓖꓶ ꓔ ꓟ ꓟꓬꓱ ꓓꓳꓽ ꓔꓯ ꓡꓳꓸ ꓟꓳ ꓠꓹ ꓟ ꓐꓰ꓾ ꓥꓪ ꓔꓬ ꓟ ꓗꓪ ꓬꓲ ꓪˍ ꓟꓲ ꓔꓬ ꓪ ꓠꓹ ꓟ ꓥꓪ ꓠꓲꓹ ꓫꓵˍ ꓡꓳ꓿ ꓮ ꓡꓲꓳ ꓐꓯ ꓠꓬ ꓟꓵ ꓟꓽ ꓚꓰꓼ ꓟꓲ ꓟꓽ ꓚꓰꓼ ꓕꓯˍ ꓡꓰ ꓠꓴ ꓥꓪ ꓔꓯ ꓠꓲꓹ ꓠꓵˍ ꓡꓳ꓿ ꓔꓱꓹ ꓜꓳꓽˍ ꓟ ꓐꓹ ꓐꓽꓳ꓾ ꓟꓲ ꓠꓯ ꓠꓬ ꓠꓴ ꓔꓯ ꓟꓽ ꓢꓷˍ ꓟꓲ ꓥꓪ ꓠꓽ ꓠꓴ ꓔꓯ ꓢꓷˍ ꓡꓳ꓿ ꓕꓱ ꓕꓲ ꓧꓳꓽ ꓟˍ ꓟꓲ ꓠꓴ ꓡꓰ ꓥꓪ ꓔꓯ ꓝꓲ ꓩꓴ ꓡ ꓟ ꓔꓯ ꓢꓷˍ ꓡꓳ꓿ ꓠꓴ ꓥꓪ ꓔꓯ ꓠꓵˍ ꓟ ꓠꓵꓻ ꓠꓲꓹ ꓬꓲ ꓪꓽ ꓠꓯꓸꓼ ꓗꓪ ꓓꓯꓹ ꓠꓹ ꓟ ꓐꓰ꓾ ꓥꓪˍ ꓟꓲ ꓬꓲ ꓪꓽ ꓠꓯꓸꓼ ꓗꓪ ꓔꓬ ꓠꓹ ꓟ꓾ ꓠꓴ ꓟꓬꓱꓺ ꓔꓯ ꓥꓪ ꓡꓰ ꓬꓲ ꓪꓽ ꓔꓯ ꓢꓷꓸ ꓡꓰ ꓝꓲꓳ꓿ ꓝꓮꓲ ꓡꓯꓽ ꓫꓵ ꓢꓷ ꓡꓰ ꓝꓲˍ ꓢꓰꓽ ꓥꓳ꓾ ꓐꓯˍ ꓡꓳ꓿

ꓢꓲꓽ ꓫꓬ ꓕꓳꓽ ꓶ ꓔꓱꓹ ꓕˍ ꓟ

ꓠꓬꓲꓸ ꓠꓬꓲ ꓟ ꓢꓲꓽ ꓫꓬ ꓕꓳꓽ ꓶ ꓠꓬ ꓢꓲꓺ ꓒ ꓬꓰ-ꓢꓴ ꓐꓰ ꓐꓹ ꓐ ꓪꓴ-ꓢ ꓠꓬꓲꓽ ꓗꓴꓸ ꓚꓸꓼ ꓗꓪ ꓧꓳꓹ ꓡꓯꓽ ꓘꓳꓹ ꓟ ꓡꓰ ꓐꓰ꓾ ꓟꓲ ꓠꓯ ꓞꓳ ꓤ ꓐꓴ ꓗꓳ ꓡꓳ ꓗꓪˍ ꓟꓲ ꓧꓳꓹ ꓡꓯꓽ ꓘꓳꓹ ꓟ ꓙꓳ ꓠꓹ ꓟ ꓬꓰ-ꓢꓴ ꓬꓲ ꓠꓲꓹ ꓡꓶꓽ ꓔꓯ ꓐꓯ ꓟꓸ ꓖꓶ ꓡ ꓔꓬ ꓡꓳ= ꓧꓳꓹ ꓡꓯꓽ ꓘꓳꓹˍ ꓟ ꓕꓱ ꓟ ꓠꓬ ꓣꓳ ꓗꓳ ꓡꓳ ꓗꓪ ꓔꓳꓹ ꓡꓯ ꓘꓳ ꓓꓴ꓾ ꓟꓽ ꓪꓽ ꓡꓯ ꓘꓳ ꓓꓴ ꓙꓳ ꓔꓬ ꓥˍ ꓟꓲ꓾ ꓣꓳ ꓐꓴ ꓠꓬ ꓠꓵꓻ ꓠꓲꓹ ꓗꓪ ꓐꓰ ꓞꓳ ꓫꓱꓽ ꓔꓬ ꓠꓹ ꓟ ꓔꓯ ꓐꓯˍ ꓟ ꓥ ꓡꓳ=

ꓪꓴ-ꓢ ꓬꓲ ꓑ ꓫꓬ ꓥ ꓟ ꓣꓳ ꓐꓴ ꓠꓬ꓾ ꓕꓲ ꓣꓳ ꓛꓳꓽ ꓕꓲ ꓣꓳ ꓧꓳꓹ ꓡꓯ ꓘꓳ ꓢꓲ꓾ ꓢꓲ ꓒ ꓠꓯꓸꓼ ꓗꓪ ꓠꓲꓹ ꓧꓳꓹ ꓫꓵꓽ ꓧꓳꓹ ꓕꓯ ꓬꓰ-ꓢꓴ ꓠꓬ ꓮ ꓘꓶꓸ ꓠꓲꓹ ꓘꓪꓽ ꓫꓵˍ ꓡꓳ꓾ ꓐꓯ ꓟ ꓔꓯˍ ꓟꓲ ꓣꓳ ꓐꓴ ꓔꓯ ꓟꓸ ꓖꓶ ꓔꓬ ꓡꓳ= ꓐꓹ ꓐ ꓪꓴ-ꓢ ꓐꓰ ꓢꓲꓺ ꓒ ꓬꓰ-ꓢꓴ ꓠꓬ ꓕꓲ ꓠꓲꓹ ꓕꓲ ꓪ ꓒꓬꓱꓼ ꓔꓬ ꓟ ꓡꓰ ꓐꓰ ꓣꓳ ꓐꓴ ꓥˍ ꓟꓲ ꓪꓴ-ꓢ ꓐꓰ ꓕꓲ ꓠꓲꓹ ꓕꓲ ꓪ ꓒꓬꓱꓼ ꓡ ꓢꓲ꓾ ꓣꓳ ꓔꓯ ꓪꓴ-ꓢ ꓢꓷꓸˍ ꓟ ꓡꓰ ꓐꓰ ꓣꓳ ꓐꓴ ꓥ ꓟꓲ ꓐꓹ ꓐ ꓔꓯ ꓢꓷꓸ ꓡꓰ ꓠꓹ ꓟ ꓬꓰ-ꓢꓴ ꓠꓲꓹ ꓡꓶꓽ ꓙꓳˍ ꓟ ꓥ ꓡꓳ꓾ ꓐꓯ ꓟ ꓔꓯ ꓐꓯ ꓟꓸ ꓖꓶ ꓡ ꓔꓬ ꓡꓳ=

Add new comment

2 + 0 =