ꓫꓪ_ ꓐꓰ ꓫꓱꓸ ꓢꓶꓽ ꓔꓯ ꓥꓳꓽ

ꓟ-ꓕꓲ ꓕꓳꓽ ꓶ 13: 24-30

 ꓬꓰ-ꓢꓴ ꓠꓬ ꓝꓮꓲ ꓔꓯꓺ ꓥꓳꓽ ꓕꓲ ꓟ ꓬꓲ ꓪ ꓔꓯ ꓐꓯ ꓟꓸ ꓖꓶ_ ꓡꓳ꓿ ꓟꓴ ꓗꓪ ꓗꓴꓷ ꓠꓽ꓾ ꓡ ꓞꓳ ꓕꓲ ꓣꓳ ꓬꓲ ꓦꓻ ꓟꓲ ꓗꓪ ꓙꓲ_ ꓟ ꓬꓲ ꓫꓵꓸ ꓫꓵꓸ_ ꓟ ꓔꓯ ꓔꓯꓺ_ ꓡꓳ꓿ ꓡ ꓞꓳ ꓬꓲꓼ ꓟꓶ ꓔꓬ ꓕꓯ꓾ ꓬꓲ ꓔꓯ ꓛꓴꓽ ꓙꓳ ꓢꓴ ꓡ ꓢꓲ꓾ ꓫꓱꓸ ꓢꓶꓽ_ ꓟꓲ ꓫꓪꓺ ꓠꓯꓸꓼ ꓗꓪ ꓫꓵꓸ ꓔ ꓬꓰ ꓢꓲ ꓙꓰ ꓗꓷꓳ꓿ ꓫꓪꓺ ꓣꓱ ꓡ ꓢꓲ ꓬꓲ ꓠꓱꓺ ꓓꓳ ꓡ ꓕꓯ ꓠꓽ꓾ ꓫꓱꓸ ꓢꓶꓽ_ ꓟꓲ ꓓꓳ ꓡ_ ꓡꓳ꓿ ꓦꓻ ꓟꓲ ꓢꓲ ꓒ ꓬꓲ ꓚꓳ ꓑ ꓐꓴ ꓠꓬ ꓬꓲ ꓔꓯ ꓡ ꓢꓲ꓾ ꓢꓲ ꓒꓽꓳ꓾ ꓠꓴ ꓦꓻ ꓟꓲ ꓗꓪ ꓠꓬ ꓙꓲꓻ_ ꓟ ꓬꓲ ꓫꓵꓸ ꓫꓵꓸ ꓗꓷ ꓡꓳ ꓟꓽ ꓥ ꓡꓺꓽ꓾ ꓖꓳ ꓡꓱ ꓥ ꓠꓬ ꓫꓱꓸ ꓢꓶꓽ ꓠꓬ ꓮ ꓡꓲ ꓗꓪ ꓐꓰ ꓡ_ ꓡꓳꓺꓽ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓡꓰ ꓬꓲ ꓪ ꓔꓯ꓾ ꓕꓱ ꓟ ꓠꓽ ꓛꓴꓽ ꓙꓳ ꓢꓴ ꓕꓲ ꓣꓳ ꓡꓰ ꓬꓰ_ ꓟ ꓥ ꓡꓳ꓾ ꓐꓯ_ ꓡꓳ꓿ ꓚꓳ ꓑ ꓐꓴ ꓠꓬ ꓬꓲ ꓔꓯ꓾ ꓠꓴ ꓥꓪ ꓠꓴꓽ ꓔꓯ ꓚꓵꓹ ꓦ ꓗꓷ ꓝꓲ ꓠꓲꓹ ꓫꓵ_ ꓡꓺꓽ꓾ ꓐꓯ_ ꓡꓳ꓿ ꓬꓲ ꓠꓽ꓾ ꓟꓽ ꓥ꓿ ꓮ ꓧꓪꓹ ꓫꓱꓸ ꓢꓶꓽ ꓔꓯ ꓚꓵꓹ_ ꓠꓬ꓾ ꓫꓪ ꓔꓯ_ ꓟꓲ ꓚꓵꓹ ꓑꓶ ꓡ_ ꓥꓳ꓿ ꓕꓱ ꓠꓬꓲꓽ ꓫꓵꓽ ꓟ ꓔꓯ ꓶꓼ ꓝꓲꓸ ꓗꓪ ꓛꓲ ꓕꓲ ꓡꓰꓹꓼ ꓐꓰ ꓪꓴꓽ ꓡ ꓝꓲ꓿ ꓶꓼ ꓝꓲꓸ ꓕꓯ ꓥꓪ ꓠꓬ ꓶꓼ ꓢꓴ ꓔꓯ꓾ ꓫꓱꓸ ꓢꓶꓽ ꓔꓯ ꓧꓶ ꓕꓯ ꓖꓳꓺ ꓫ ꓢꓲ꓾ ꓛꓴꓻ ꓠꓹ ꓟ ꓕꓲ ꓟꓬꓸ ꓕꓲ ꓟꓬꓸ ꓐꓰ ꓧꓷꓹ ꓔ꓿ ꓫꓪ ꓠꓬ ꓥꓪ ꓜꓻ ꓗꓹ ꓗꓪ ꓫ ꓔ꓾ ꓐꓰ ꓐꓯ ꓖꓶ_ ꓥꓳ꓾ ꓐꓯ_ ꓡꓳ꓿