ꓬꓰ-ꓢꓴ ꓔꓯ ꓦꓲ-ꓘꓳ-ꓑꓮꓲ ꓗꓪ ꓧꓳꓽ ꓙꓰ_ ꓟ

Thursday, March 19, 2020

ꓡꓴ-ꓘ ꓕꓳꓽ ꓶ 2: 41-51

ꓕꓲ ꓘꓳꓼ ꓡꓰ ꓕꓲ ꓘꓳꓼ ꓦꓲ-ꓘꓳ-ꓑꓮꓲ ꓬꓰ_ ꓕꓯ꓾ ꓬꓲ ꓮ ꓐꓽ ꓮ ꓟ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓙꓰ_ ꓡꓳ꓿ ꓬꓲ ꓞꓲ ꓠꓬꓲꓽ ꓘꓳꓼ ꓐꓲ ꓡ ꓠꓬ꓾ ꓑꓮꓲ ꓬꓰ_ ꓟ ꓗ ꓫꓵ ꓔꓯ ꓛꓳ ꓢꓲ꓾ ꓬꓲ ꓪ ꓓꓯ ꓙꓰ_ ꓡꓳ꓿ ꓖꓳ ꓡꓱ ꓢꓲ ꓑꓮꓲ ꓬꓰ ꓓꓳ ꓡꓰ ꓠꓬ꓾ ꓬꓲ ꓪ ꓬꓲꓼ ꓙꓰ_ ꓕꓯ꓾ ꓤ ꓖꓴ ꓡꓯꓸ ꓤ ꓬꓰ-ꓢꓴ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓔꓲꓹ ꓬꓰ_ ꓡꓳ꓿ ꓬꓲ ꓮ ꓐꓽ ꓮ ꓟ ꓠꓽ ꓟꓽ ꓢꓷ꓿ ꓬꓲ ꓠꓬ ꓕꓲ ꓛꓳ_ ꓐꓰ ꓫꓱꓽ ꓢꓴ ꓗꓪ ꓙꓰ ꓔꓬ_ ꓡꓳ꓾ ꓐꓰ ꓬꓲ ꓪ ꓓꓵ ꓙ ꓢꓲ꓾ ꓕꓲ ꓠꓬꓲ ꓙ ꓖꓴ ꓫꓱꓽ ꓗꓷ ꓠꓬ꓾ ꓬꓲ ꓪ ꓫꓵꓽ ꓤ ꓧꓪ ꓤ_ ꓐꓰ ꓢꓷ_ ꓟ ꓡ ꓞꓳ ꓗꓳ ꓡꓳ ꓗꓪ ꓬꓲ ꓔꓯ ꓧꓪ ꓢꓲ꓾ ꓧꓪꓺ ꓟꓽ ꓟꓳ ꓠꓬ꓾ ꓙꓱ-ꓣꓴ-ꓢ-ꓡꓱ ꓗꓪ ꓡꓽ ꓙꓰ ꓢꓲ꓾ ꓬꓲ ꓔꓯ ꓧꓪ ꓬꓰ_ ꓡꓳ꓿ ꓗ ꓠꓯ ꓢꓽ ꓠꓬꓲ ꓢꓲ꓾ ꓢꓲ ꓫꓬ ꓦꓲ ꓠꓯꓸꓼ ꓗꓪ ꓬꓲ ꓔꓯ ꓧꓪ ꓟꓳ_ ꓡꓳ꓿ ꓬꓲ ꓠꓬ ꓟꓸ ꓒ ꓐꓴ ꓗꓳ ꓡꓳ ꓗꓪ ꓠꓬꓲꓸ ꓠꓸ ꓔꓬ ꓢꓲ꓾ ꓠ_ ꓟꓲ ꓠ ꓠꓹ ꓢꓲ ꓠꓬꓲ꓾ ꓬꓲ ꓪ ꓔꓯ ꓠ_ ꓟꓲ ꓠ ꓠꓬꓲ ꓔꓬ_ ꓡꓳ= ꓬꓲ ꓔꓯ ꓑ ꓙ ꓢꓴ ꓮ ꓙꓵ ꓠꓬ꓾ ꓬꓲ ꓙ ꓜꓲꓼ_ ꓟ_ ꓐꓰ ꓒꓳꓹ ꓖꓶ ꓡ_ ꓟ ꓔꓯ ꓓꓵ ꓙ ꓟꓶ_ ꓡꓳ꓿ ꓬꓲ ꓪ ꓬꓲ ꓔꓯ ꓟꓳꓻ ꓗꓷ ꓠꓬ꓾ ꓬꓲ ꓪ ꓓꓵ ꓙ ꓟꓶ ꓢꓲ꓾ ꓬꓲ ꓟꓹ ꓟ ꓡꓰ ꓬꓲ ꓔꓯ꓾ ꓥꓪ ꓤꓽꓳ꓾ ꓮ ꓫꓵ ꓪꓴ ꓠꓬꓲ ꓥꓪ ꓠꓴꓽ ꓔꓯ ꓕꓱ ꓡꓱ ꓬꓰ ꓖꓶ_ ꓡꓳꓺꓽ꓿ ꓠꓬꓲ ꓠꓹ꓾ ꓠꓴ ꓐꓹ ꓐ_ ꓐꓰ ꓥꓪ ꓠꓬ ꓠꓲꓹ ꓟ ꓫꓸ ꓠꓬꓲ ꓠꓴ ꓔꓯ ꓧꓪ_ ꓡꓳ꓾ ꓐꓯ_ ꓡꓳ꓿ ꓬꓲ ꓡꓰ꓾ ꓮ ꓫꓵꓽ ꓪꓴ ꓠꓬꓲ ꓥꓪ ꓔꓯ ꓧꓪ_ ꓡꓳꓺꓽ꓾ ꓥꓪ ꓠꓬ ꓥꓪ ꓐꓹ ꓐ ꓟꓬꓱꓽ ꓬꓰ ꓠ ꓗ_ ꓟ ꓠꓴ ꓪ ꓟꓽ ꓢꓷ ꓡꓺꓽ꓾ ꓐꓯ_ ꓡꓳ꓿ ꓬꓲ ꓬꓲ ꓪ ꓔꓯ ꓐꓯ_ ꓟ ꓐꓯ ꓘꓶ ꓕꓱ ꓟ ꓠꓬ꓾ ꓬꓲ ꓪ ꓟꓽ ꓙꓽ ꓜꓲꓼ꓿ ꓬꓲ ꓠꓬ ꓬꓲ ꓪ_ ꓐꓰ ꓕꓲ ꓛꓳ_ ꓠ-ꓢ-ꓡꓱ ꓗꓪ ꓬꓯꓼ ꓙꓰ ꓢꓲ꓾ ꓬꓲ ꓪ ꓙꓵꓽ_ ꓟ ꓔꓯ ꓛꓳ_ ꓡꓳ꓿ ꓬꓲ ꓟꓹ ꓟ ꓠꓽ ꓐꓯ ꓘꓶ ꓕꓱ ꓟꓬ ꓟ ꓮ ꓙꓵ ꓬꓲ ꓠꓲꓹ ꓟ ꓗꓪ ꓗꓶꓺ ꓔ_ ꓡꓳ꓿