ꓬꓰ-ꓢꓴ ꓠꓬ ꓠꓽ ꓦꓬꓼ ꓠꓬꓲ ꓢꓲ ꓒꓽ ꓥ ꓟ

ꓡꓴ-ꓘ ꓕꓳꓽ ꓶ 6: 1-5

 ꓕꓲ ꓠꓬꓲ ꓙꓳ_ ꓠꓬ꓾ ꓠꓽ ꓦꓬꓼ ꓠꓬꓲ ꓗꓪ ꓬꓰ-ꓢꓴ ꓠꓬ ꓫꓪꓺ ꓟꓲ ꓗꓪ ꓐꓰ ꓗꓳꓸ ꓙꓰ_ ꓡꓳ꓿ ꓬꓲ ꓛꓳ ꓒꓯꓹ ꓐꓴ ꓠꓬ ꓫꓪ ꓠꓱ ꓞꓷꓹ ꓢꓲ ꓠꓵꓹ ꓜꓽ_ ꓡꓳ꓿ ꓒ-ꓡꓲ-ꓢꓷ ꓐꓴ ꓕꓲ ꓐꓱ ꓠꓽ꓾ ꓠꓴ ꓪ ꓮ ꓫꓵ ꓪꓴ ꓠꓬꓲ ꓠꓽ ꓦꓬꓼ ꓠꓬꓲ ꓗꓪ ꓬꓰ ꓟꓽ ꓓ ꓡꓳ ꓫꓵ ꓬꓰ_ ꓡꓳꓺꓽ꓾ ꓐꓯ_ ꓡꓳ꓿ ꓬꓰ-ꓢꓴ ꓡꓰ ꓬꓲ ꓪ ꓔꓯ꓾ ꓓ-ꓪꓵ_ ꓐꓰ ꓬꓲ ꓔꓯ ꓛꓳ ꓙꓰ ꓢꓴ ꓦꓰꓼ ꓟꓷꓼ_ ꓕꓯ ꓬꓲ ꓬꓰ_ ꓟ꓾ ꓬꓲ ꓮ ꓡꓲ ꓐꓰ ꓪꓴ-ꓢ ꓦꓲ ꓗꓪ ꓓꓵꓽ ꓡꓰ ꓢꓲ꓾ ꓔꓲ ꓒ ꓟꓽ ꓥ ꓠꓬ ꓮ ꓟ_ ꓟꓲ ꓜꓽ ꓟꓽ ꓓ ꓡꓳ ꓫꓵꓽ ꓔꓲ ꓟꓳꓸ ꓔ_ ꓟ ꓫꓪ ꓒꓵꓼ ꓣꓴ ꓜꓽ ꓢꓲ꓾ ꓬꓲ ꓛꓳ ꓒꓯꓹ ꓐꓴ ꓔꓯ_ ꓟꓲ ꓖꓶ ꓜꓽ_ ꓡꓳ꓾ ꓐꓰ ꓠꓴ ꓪ ꓟꓽ ꓵ ꓠꓬꓲ ꓡꓺꓽ꓾ ꓐꓯ_ ꓡꓳ꓿ ꓬꓲ ꓠꓬ ꓬꓲ ꓪ ꓔꓯ ꓐꓯ_ ꓡꓳ꓾ ꓡ ꓞꓳ ꓮ ꓐꓲ ꓠꓬ ꓠꓽ ꓦꓬꓼ ꓠꓬꓲ ꓢꓲꓺ ꓒ ꓥ ꓡꓳ꓾ ꓐꓯ ꓖꓶ_ ꓡꓳ꓿