ꓬꓰ-ꓢꓴ ꓠꓬ ꓠ-ꓢ-ꓡꓱ ꓗꓪ ꓬꓲꓼ ꓙꓰ_ ꓟ

ꓟ-ꓕꓲ ꓕꓳꓽ ꓶ 13: 54-58

 ꓬꓲ ꓚꓲ ꓛꓬ ꓟꓵꓽ ꓗꓪ ꓛꓲ ꓡ ꓠꓬ꓾ ꓬꓲ ꓪ ꓓꓵ ꓙ ꓟꓶꓻ ꓠ ꓛꓲ꓾ ꓬꓲ ꓪ ꓜꓲꓼ ꓦꓲ ꓗꓪ ꓬꓲ ꓪ ꓔꓯ ꓟꓸ ꓟꓲ ꓟꓸ ꓖꓶ_ ꓡꓳ꓿ ꓬꓲ ꓪ ꓡꓰ꓾ ꓡ ꓞꓳ ꓕꓱ ꓟ ꓠꓬ ꓕꓱ ꓡꓱ ꓫꓵꓽ ꓙ ꓜꓲ ꓠꓲꓹ_ ꓐꓰ ꓪꓽ ꓠꓬꓲ_ ꓟ ꓟꓬꓱꓽ ꓠꓬ ꓮ ꓡꓲ ꓗꓪ ꓐꓰ ꓙꓳ ꓡ_ ꓡꓳꓺꓽ꓿ ꓕꓱ ꓟ ꓠꓬ ꓢꓲꓹ ꓬꓰ ꓒ ꓬꓲ ꓮ ꓐꓲ ꓟꓽ ꓥ ꓡꓺꓽ꓿ ꓬꓲ ꓟꓹ ꓟ ꓠꓬ ꓟ-ꓡꓲꓹ ꓟꓬꓱ ꓔ_ ꓟ ꓟꓽ ꓥ ꓡꓺꓽ꓿ ꓬꓲ ꓠꓬꓲ ꓤ ꓐꓴ ꓠꓬ ꓬ-ꓗꓴ_ ꓐꓰ ꓬꓳ-ꓢꓷ_ ꓐꓰ ꓢꓲ-ꓟꓴ_ ꓐꓰ ꓬꓴ-ꓔ ꓟꓽ ꓥ ꓡꓺꓽ꓿ ꓬꓲ ꓠꓬꓲ ꓟ ꓐꓴ ꓠꓬ ꓣꓳꓽ_ ꓐꓰ ꓕꓲ ꓪꓺꓼ ꓔꓬ_ ꓡꓳ ꓟꓽ ꓥ ꓡꓺꓽ꓿ ꓡ ꓞꓳ ꓕꓱ ꓟ ꓠꓬ ꓕꓱ ꓟꓬ ꓙꓰꓽ ꓟ ꓮ ꓡꓲ ꓗꓪ ꓐꓰ ꓙꓳ ꓡ_ ꓡꓳꓺꓽ꓾ ꓐꓯ_ ꓡꓳ꓿ ꓖꓳ ꓡꓱ ꓢꓲ ꓬꓲ ꓪ ꓠꓬ ꓬꓲ ꓔꓯ ꓟꓽ ꓚꓬꓺ ꓠꓬꓲ ꓡꓱꓸ ꓗꓷ_ ꓡꓳ꓿ ꓬꓰ-ꓢꓴ ꓠꓽ ꓬꓲ ꓪ ꓔꓯ꓾ ꓟꓷ ꓠꓷꓹ ꓝ ꓢꓴ ꓠꓽ ꓬꓲ ꓚꓲ ꓛꓬ ꓟꓵꓽ_ ꓐꓰ ꓚꓲ ꓛꓬ ꓦꓲꓻ ꓗꓪ ꓟꓽ ꓥ ꓠꓬ꓾ ꓟꓬꓱ ꓓꓳ ꓟꓽ ꓙꓳ ꓐꓰ ꓟꓽ ꓗꓷ ꓡꓰ꓾ ꓐꓯ_ ꓡꓳ꓿ ꓬꓲ ꓪ ꓟꓽ ꓙꓵꓸꓹ ꓠꓬꓲ ꓬꓲ ꓠꓬ ꓖꓳ ꓗꓪ ꓪꓽ ꓠꓬꓲ_ ꓟ ꓟꓬꓱꓽ ꓮꓽ ꓟꓬꓹ ꓟꓽ ꓬꓰ=