ꓬꓰ-ꓢꓴ ꓫꓵꓸꓹ ꓠꓹ ꓟ ꓐꓯ ꓟꓸ ꓖꓶ_ ꓟ

Friday, February 21, 2020

ꓖꓳ ꓡꓱ ꓢꓲ ꓬꓲ ꓡꓰ ꓡ ꓞꓳ ꓬꓲ ꓜꓴ_ ꓐꓰ ꓬꓲ ꓛꓳ ꓒꓯ ꓐꓴ ꓔꓯ ꓘꓴꓻ ꓔꓯꓹ ꓡ ꓢꓲ ꓠꓬꓲ꓾ ꓬꓲ ꓪ ꓔꓯ ꓕꓱ ꓡꓱ ꓐꓯ_ ꓡꓳ꓾ ꓮ ꓟ ꓥꓪ ꓔꓯ ꓛꓳ ꓠꓲꓹ ꓫꓵ_ ꓠꓬ꓾ ꓬꓲ ꓚꓲ ꓛꓬ ꓔꓯ ꓟꓽ ꓓ ꓔꓳꓹ ꓢꓲ꓾ ꓬꓲ ꓡꓯꓼ ꓐꓳ ꓔꓶ ꓓꓴ ꓑꓱꓸ ꓔꓴ ꓡ ꓢꓲ ꓠꓬꓲ꓾ ꓥꓪ ꓔꓯ ꓛꓳ ꓡꓯ꓿ ꓮ ꓡꓲꓳ ꓐꓯ ꓠꓬ ꓮ ꓟ_ ꓟꓲ ꓬꓲ ꓢꓯꓼ ꓟꓬ ꓚꓬꓴ ꓠꓲꓹ ꓫꓵ_ ꓠꓬ꓾ ꓬꓲ ꓢꓯꓼ ꓟꓬ ꓒꓲꓼ ꓬꓰ_ ꓥꓳ꓿ ꓮ ꓟ_ ꓟꓲ ꓥꓪ ꓐꓱ ꓶ_ ꓐꓰ ꓶꓼ ꓥꓳ ꓫꓱꓹ ꓥꓳ ꓐꓱ ꓶ ꓬꓲ ꓢꓯꓼ ꓟꓬ ꓒꓲꓼ ꓬꓰ_ ꓠꓬ꓾ ꓬꓲ ꓢꓯꓼ ꓟꓬ ꓚꓬꓴ ꓟꓶ_ ꓥꓳ꓿ ꓞꓳ ꓤ ꓠꓬ ꓟꓵꓽ ꓗꓳꓹ ꓓꓵ ꓓꓵ ꓮ ꓙꓵ ꓡꓱꓸꓼ ꓒꓳꓹ ꓟꓶ_ ꓟꓲ꓾ ꓚꓲ ꓛꓬ ꓢꓯꓼ ꓟꓬ ꓐꓶꓻ ꓗꓷ ꓠꓬ ꓮ ꓫꓵ ꓙꓲꓻ ꓖꓴ ꓙꓳ_ ꓡꓳꓺꓽ꓿ ꓞꓳ ꓤ ꓠꓬ ꓮ ꓫꓵꓽ ꓡꓰ ꓬꓲ ꓚꓲ ꓛꓬ ꓢꓯꓼ ꓟꓬ ꓑꓺ ꓟꓶ ꓓ_ ꓢꓰꓽ ꓡꓳꓺꓽ꓿ ꓮ ꓟ ꓥ_ ꓟꓲ꓾ ꓦꓬꓽ ꓛꓳꓽ ꓧꓪ_ ꓟ_ ꓐꓰ ꓝꓴꓲ ꓬꓰ_ ꓟ ꓕꓱ ꓕꓲ ꓤꓶꓻ ꓗꓪ꓾ ꓥꓪ_ ꓐꓰ ꓥꓪ ꓐꓯ ꓘꓶ ꓔꓯ ꓫꓸ ꓔꓳ_ ꓕꓯ ꓠꓽ꓾ ꓡ ꓞꓳ ꓮ ꓐꓲ ꓬꓲ ꓐꓹ ꓐ ꓐꓬꓱꓼ ꓡꓱꓼ ꓡꓱ ꓟ ꓠꓯꓸꓼ ꓗꓪ꓾ ꓢꓲ ꓫꓬ_ ꓟ ꓟꓴ ꓗꓪ ꓝꓲ ꓓꓴ ꓐꓴ_ ꓐꓰ ꓬꓯꓼ ꓡꓰ_ ꓕꓯ꓾ ꓡ ꓞꓳ ꓖꓳ ꓕꓲ ꓣꓳ ꓔꓯ ꓥꓪ ꓟꓽ ꓣꓷꓠ꓾ ꓐꓯ_ ꓡꓳ꓿ ꓬꓰ-ꓢꓴ ꓠꓬ ꓬꓲ ꓪ ꓔꓯ꓾ ꓥꓪ ꓠꓴ ꓪ ꓔꓯ ꓔꓱꓹ ꓔꓱ_ ꓐꓰ ꓐꓯ ꓖꓶ_ ꓠꓬꓲ꓾ ꓕꓱ ꓗꓪ ꓦꓰꓼ ꓞꓹ ꓔꓬ_ ꓟ ꓕꓲ ꓐꓱ ꓠꓽ꓾ ꓪꓴ-ꓢ ꓗꓴꓷ ꓢꓯꓼ ꓙꓳ ꓪꓽ ꓙꓳ ꓠꓬꓲ ꓬꓯꓼ ꓡꓰ_ ꓟ ꓔꓯ ꓟꓽ ꓟꓳ ꓕ ꓑꓳ꓾ ꓮ ꓡꓲ ꓥ_ ꓟꓲ ꓫꓵꓻ ꓢꓯꓼ ꓟꓽ ꓢꓳꓽ ꓠꓬꓲ꓾ ꓐꓯ_ ꓡꓳ꓿ ꓟ-ꓘꓳ ꓕꓳꓽ ꓶ 8: 34-9:1