ꓬꓳ-ꓠ ꓢꓷꓸ ꓡꓰ ꓓꓴ

           ꓞꓳ ꓜꓴꓻ ꓜꓲꓼ ꓡ ꓕꓯ ꓬꓰ-ꓢꓴ ꓘꓶꓽ ꓒꓴ ꓢꓲ꓾ ꓕꓱ ꓕꓲ ꓤꓶꓻ ꓟ ꓠꓬ ꓥꓶˍ ꓟ ꓕꓲ ꓤꓶꓻ ꓥ ꓢꓲ꓾ ꓬꓲ ꓪꓽ ꓠꓬ ꓢꓷꓸ ꓡꓰ ꓓꓴ ꓧꓪˍ ꓡꓳ꓿ ꓖꓳ ꓡꓱ ꓥ ꓟꓲ ꓬꓳ-ꓠ ꓢꓷꓸ ꓡꓰ ꓓꓴ ꓟꓽ ꓥ ꓠꓬ꓾ ꓬꓲ ꓪꓽ ꓔꓯ ꓠꓱꓸ ꓐꓯ ꓮꓸ ꓫꓵ ꓢꓷꓸ ꓡꓰ ꓓꓴ ꓟꓽ ꓟꓳꓸ ꓖꓶ꓿ꓬꓳ-ꓠ ꓠꓬ ꓠꓲ-ꓠꓲ-ꓪꓱ ꓢꓴ ꓐꓱ ꓶ ꓢꓷꓸ ꓡꓰ ꓓꓴ ꓒꓬꓱꓼ ꓡ ꓗꓷ ꓟ ꓡꓰ ꓐꓰ꓾ ꓡ-ꓞꓳ-ꓮ-ꓐꓲˍ ꓟꓲ ꓕꓱ ꓕꓲ ꓤꓶꓻ ꓢꓴ ꓐꓱ ꓶ ꓢꓷꓸ ꓡꓰ ꓓꓴ ꓒꓬꓱꓼ ꓡ ꓥꓳ꓿ꓐꓯ ꓟꓴ ꓘꓶꓽˍ ꓕꓯ꓾ ꓖꓴ ꓟꓶꓸ ꓔꓯ ꓟꓳꓸ ꓟ ꓪ ꓔꓲꓸ ꓟ ꓠꓬ ꓕꓱ ꓕꓲ ꓤꓶꓻ ꓢꓴˍ ꓐꓰ ꓕꓲꓽ ꓪꓺꓼ ꓦꓰꓼ ꓔꓴ ꓡ ꓢꓲ ꓬꓲ ꓪꓽ ꓔꓯ ꓐꓯ ꓞꓷꓹˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓠꓽ ꓢꓳ-ꓡꓳ-ꓟꓳ ꓙꓽ ꓜꓲꓼ ꓠꓲꓹ ꓙꓳˍ ꓟ ꓐꓯ ꓘꓶꓽ ꓔꓯ ꓠ ꓠꓹ ꓠꓹ ꓟ ꓟꓲ ꓠꓯ ꓑꓶꓸ ꓗꓪ ꓐꓰ ꓡꓻ ꓡꓳ꓿ ꓠꓬꓲ ꓠꓹ꓾ ꓢꓳ-ꓡꓳ-ꓟꓳ ꓕꓯꓽ ꓢꓲ ꓪꓴꓽˍ ꓟ ꓕꓲ ꓣꓳ ꓕꓱ ꓗꓪ ꓔꓬ ꓡꓳ꓿ꓐꓯ ꓟꓴ ꓘꓶˍ ꓕꓯ꓾ ꓠꓲ-ꓠꓲ-ꓪꓱ ꓢꓴ ꓠꓬ ꓔꓴ ꓡ ꓢꓲ ꓕꓱ ꓕꓲ ꓤꓶꓻ ꓟ ꓡꓽ ꓞꓳ ꓔꓯ ꓐꓯ ꓞꓷꓹˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓪꓽ ꓠꓽ꓾ ꓬꓳ-ꓠ ꓡꓰ ꓚ ꓟꓸ ꓖꓶˍ ꓟ ꓔꓯ ꓠ ꓠꓹ ꓢꓲ ꓓꓵꓽ ꓙ ꓒꓳꓹ ꓬꓲꓼ ꓡꓺꓳ꓿ ꓠꓬꓲ ꓠꓹ꓾ ꓬꓳ-ꓠ ꓕꓯꓽ ꓢꓲ ꓪꓴꓽˍ ꓟ ꓕꓲ ꓣꓳ ꓕꓱ ꓗꓪ ꓔꓬ ꓡꓳ꓾ ꓐꓯˍ ꓡꓳ꓿

ꓡꓴ-ꓘ 11ꓽ29-32