ꓬꓳ- ꓦ ꓕꓳ ꓶ 3ꓽ1-8

Saturday, April 18, 2020

ꓒ-ꓡꓲ-ꓢꓷ ꓐꓴ ꓗꓪ ꓟ꓾ ꓠꓲ-ꓘꓳ-ꓓꓲ-ꓟꓴ ꓟꓬꓱꓺ ꓔ_ ꓟ ꓬꓴ-ꓔ ꓡ ꓞꓳ ꓔꓯ ꓙꓵꓽ ꓢꓴ ꓕꓲ ꓣꓳ ꓙꓳ_ ꓡꓳ꓿

ꓖꓳ ꓕꓲ ꓣꓳ ꓠꓬ ꓢ ꓘꓪ ꓕꓯ ꓬꓲ ꓔꓯ ꓡ ꓢꓲ꓾ ꓣ-ꓐꓲꓳ꓾ ꓠꓴ ꓠꓽ ꓪꓴ-ꓢ ꓔꓯ ꓐꓰ ꓡ_ ꓟ ꓟꓸ ꓒ ꓕꓲ ꓣꓳ ꓥ ꓟ ꓥꓪ ꓠꓴꓽ ꓢꓷ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓬꓰ_ ꓟ ꓢꓷ ꓡꓰ ꓓꓴ ꓕꓱ ꓟꓬ ꓙꓰꓽ ꓟ꓾ ꓪꓴ-ꓢ ꓬꓲ_ ꓐꓰ ꓟꓽ ꓔꓬ ꓕꓯ ꓠꓽ ꓮ ꓟ_ ꓟꓲ ꓬꓰ ꓟꓽ ꓐ ꓡ꓾ ꓐꓯ_ ꓡꓳ꓿

ꓬꓰ-ꓢꓴ ꓡꓰ ꓬꓲ ꓔꓯ꓾ ꓥꓪ ꓔꓱꓹ ꓔꓱ_ ꓐꓰ ꓠꓴ ꓔꓯ ꓐꓯ ꓖꓶ_ ꓠꓬꓲ꓾ ꓮ ꓟ ꓥ_ ꓟꓲ ꓫꓬꓹ ꓦꓵ ꓔ_ ꓟ ꓟꓽ ꓥ ꓠꓬ ꓪꓴ-ꓢ ꓗꓴꓷꓼ ꓬꓲ ꓟꓳꓻ ꓟꓽ ꓓ꓾ ꓐꓯ_ ꓡꓳ꓿

ꓠꓲ-ꓘꓳ-ꓓꓲ-ꓟꓴ ꓡꓰ ꓬꓲ ꓔꓯ꓾ ꓡ ꓞꓳ ꓕꓲ ꓣꓳ ꓟꓳꓽ ꓡꓰ ꓠꓬ ꓮ ꓡꓲ ꓐꓰ ꓦꓵꓻ ꓐ ꓡ_ ꓢꓰꓺꓽ꓿ ꓬꓲ ꓮ ꓟ ꓤꓽ ꓘꓶꓻ ꓗꓪ ꓝꓮꓲ ꓕꓲ ꓧꓪꓹ ꓓꓵꓽ ꓡꓰ ꓢꓲ ꓦꓵ ꓐ ꓡ_ ꓢꓰꓽ ꓡꓺꓽ꓾ ꓐꓯ_ ꓡꓳ꓿

ꓬꓰ-ꓢꓴ ꓡꓰ ꓒꓳꓹ ꓖꓶ ꓢꓲ꓾ ꓥꓪ ꓔꓱꓹ ꓔꓱ_ ꓐꓰ ꓠꓴ ꓔꓯ ꓐꓯ ꓖꓶ_ ꓠꓬꓲ꓾ ꓮꓽ ꓟ ꓥ_ ꓟꓲ ꓬꓲ ꓙꓬ_ ꓐꓰ ꓦꓻ ꓡꓰ ꓦꓵ ꓔ_ ꓟ ꓟꓽ ꓥ ꓠꓬ꓾ ꓪꓴ-ꓢ ꓗꓴꓷꓼ ꓗꓪ ꓬꓲ ꓓꓵꓽ ꓡꓰ ꓟꓽ ꓓ꓿

ꓧꓪꓽ ꓡꓰ ꓦꓵ ꓔ_ ꓟ ꓠꓬ ꓧꓪꓽ ꓥ ꓡꓳ꓿ ꓦꓻ ꓡꓰ ꓦꓵ ꓔ_ ꓟ ꓠꓬ ꓦꓻ ꓥ ꓡꓳ꓿

ꓠꓴ ꓪ ꓠꓬ ꓫꓬꓹ ꓦꓵ ꓠ ꓗ_ ꓡꓳ꓾ ꓐꓰ ꓥꓪ ꓠꓴ ꓔꓯ ꓐꓯ ꓖꓶ_ ꓠꓬꓲ꓾ ꓕꓽ ꓓꓵ ꓙ ꓟꓶ꓿

ꓟꓲꓽ ꓦꓲ ꓠꓬ ꓮ ꓡꓲ ꓗꓪ ꓙꓱꓼ ꓠꓲꓹ ꓫꓵ_ ꓠꓬ ꓙꓱꓼ_ ꓡꓳ꓿ ꓬꓲ ꓢꓯꓼ ꓠꓴ ꓑ ꓙ_ ꓟꓲ꓾ ꓮ ꓡꓲ ꓗꓪ ꓐꓰ ꓡ_ ꓟ_ ꓐꓰ ꓮ ꓡꓲ ꓗꓪ ꓙꓰ_ ꓟ ꓠꓴ ꓟꓽ ꓢꓷ꓿ ꓦꓻ ꓡꓰ ꓦꓵ ꓔ_ ꓟ ꓞꓳ ꓤ ꓥ ꓕ ꓑꓳ ꓠꓬ ꓕꓱ ꓡꓱ ꓗ_ ꓡꓳ꓾ ꓐꓯ_ ꓡꓳ꓿