ꓬꓳ-ꓦ ꓛꓳꓽ ꓒꓯꓹ ꓐꓴ ꓬꓰ-ꓢꓴ ꓔꓯ ꓠ ꓠꓬꓲ ꓡ_ ꓟ

Thursday, December 10, 2020

ꓡꓴ-ꓘ ꓕꓳꓽ ꓶ 7: 19-23

ꓬꓳ-ꓦ ꓠꓬ ꓬꓲ ꓛꓳ ꓒꓯ ꓠꓬꓲꓽ ꓣꓳ ꓘꓴꓻ ꓔꓯꓹ ꓡ ꓢꓲ꓾ ꓢꓲꓺ ꓒ ꓔꓬ ꓗꓪ ꓝꓲ ꓩꓴ ꓗꓷ ꓢꓲ ꓠꓬꓲ꓾ ꓡ ꓠꓹ ꓟ ꓖꓳ ꓕꓲ ꓣꓳ ꓠꓬ ꓠꓴ ꓥ ꓡꓺꓽ꓾ ꓥ ꓠꓬ ꓥꓪ ꓠꓴꓽ ꓠꓱ ꓐꓯꓼ ꓕꓲ ꓣꓳ ꓔꓯ ꓡꓳꓸ ꓔꓬ ꓢꓰꓽ ꓠꓯ_ ꓡꓺꓽ꓾ ꓐꓰ ꓠ ꓠꓬꓲ ꓙꓰ ꓝꓲ_ ꓡꓳ꓿ ꓡ ꓞꓳ ꓖꓳ ꓠꓬꓲꓽ ꓣꓳ ꓬꓲ ꓔꓬ ꓗꓪ ꓛꓲ ꓬꓰ ꓠꓬ꓾ ꓖꓳ ꓓꓱ ꓔꓲꓹ ꓖꓶ ꓢꓴ ꓬꓳ-ꓦ ꓡꓰ ꓥꓪ ꓠꓴꓽ ꓔꓯ ꓠꓴ ꓔꓬ ꓗꓪ ꓝꓲ ꓩꓴ ꓡ ꓢꓲ꓾ ꓡ ꓠꓹ ꓟ ꓖꓳ ꓕꓲ ꓣꓳ ꓠꓬ ꓠꓴ ꓥ ꓡꓺꓽ꓾ ꓥ ꓠꓬ ꓥꓪ ꓠꓴꓽ ꓠꓱ ꓐꓯꓼ ꓕꓲ ꓣꓳ ꓔꓯ ꓡꓳꓸ ꓔꓬ ꓢꓰꓽ ꓠꓯ_ ꓡꓺꓽ꓾ ꓐꓰ ꓠ ꓠꓬꓲ ꓡ ꓝꓲ_ ꓡꓳ꓾ ꓐꓯ_ ꓡꓳ꓿ ꓖꓳ ꓕꓲ ꓙꓵꓹ ꓗꓪ ꓬꓲ ꓠꓬ ꓠꓻ ꓢꓴ ꓒꓬꓽ ꓢꓴ_ ꓐꓰ꓾ ꓠꓻ ꓓꓽ ꓟ ꓠꓻ ꓢꓴ_ ꓐꓰ꓾ ꓥꓶ_ ꓟ ꓠꓲꓽ ꓜꓶꓽ ꓞꓹ ꓢꓴ ꓮ ꓟꓬꓹ ꓔꓯ ꓫꓬꓹ ꓓ ꓡꓰ_ ꓡꓳ꓿ ꓝꓮꓲ ꓠꓬ ꓟꓬ ꓔꓶ ꓮ ꓟꓬꓹ ꓣꓳ ꓔꓯ ꓠꓬꓲ ꓟꓳ ꓡ ꓝꓲ_ ꓡꓳ꓿ ꓖꓳ ꓗ ꓠꓯ ꓬꓲ ꓠꓬ ꓬꓲ ꓪ ꓔꓯ ꓕꓱ ꓡꓱ ꓐꓯ ꓒꓳꓹ ꓖꓶ_ ꓡꓳ꓾ ꓠꓴ ꓪ ꓙꓰ ꓢꓲ꓾ ꓠꓴ ꓪ ꓡꓳꓸ ꓟꓳ_ ꓟ_ ꓐꓰ ꓑ ꓙ ꓗꓷ ꓟ꓾ ꓟꓬ ꓔꓶꓺ ꓠꓬꓲ ꓟꓳ ꓡ_ ꓟ꓾ ꓛꓲ ꓫꓳꓸ ꓢꓴ ꓫꓱꓽ ꓙꓰ_ ꓟ꓾ ꓔꓸ ꓟꓼ ꓩꓴ ꓓꓲ ꓢꓴ ꓫꓬꓻ ꓡꓰ_ ꓟ꓾ ꓠꓸ ꓐꓳꓽ ꓑ ꓙ ꓡ_ ꓟ꓾ ꓞꓳ ꓫꓵꓻ ꓢꓯꓸ ꓬꓲꓼ ꓡ_ ꓟ꓾ ꓞꓳ ꓫꓸ ꓔꓯ ꓶꓼ ꓥꓳ ꓫꓱꓹ ꓥꓳ ꓚ ꓟꓸ ꓖꓶ_ ꓟ ꓮ ꓙꓵ ꓬꓳ-ꓦ ꓔꓯ ꓐꓯ ꓖꓶ ꓬꓰ꓿ ꓮ ꓟ ꓥ_ ꓟꓲ ꓥꓪ ꓪꓴꓸ ꓠꓬꓲ ꓡꓱꓸ ꓗꓷ ꓓꓴ ꓟꓽ ꓙꓳ ꓢꓴ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ꓾ ꓐꓯ_ ꓡꓳ꓿