ꓬꓹ-ꓠ ꓬꓰ-ꓢꓴ ꓔꓯ ꓟꓳ ꓪ_ ꓟ

Thursday, December 10, 2020

ꓡꓴ-ꓘ ꓕꓳꓽ ꓶ 2: 36-40

ꓝꓮꓲ ꓠꓬ ꓬꓹ-ꓫꓱ ꓕꓲ ꓪꓳꓼ ꓢꓴ ꓩ-ꓠꓴ-ꓡꓲ ꓬꓲ ꓮ ꓟꓲꓽ꓾ ꓟꓷ ꓠꓷꓹ ꓝ ꓟ ꓬꓹ-ꓠ ꓟꓬꓱꓺ ꓔ_ ꓟ ꓕꓲ ꓣꓳ ꓙꓳ_ ꓡꓳ꓿ ꓖꓳ ꓕꓯ ꓬꓲ ꓠꓬ ꓮ ꓘꓶꓸ ꓟꓳꓽ ꓡꓰꓳ꓿ ꓬꓲ ꓤ ꓟꓶ ꓡꓯꓸ ꓟꓴ ꓗ ꓠꓯ ꓬꓲ ꓤ ꓖꓴ_ ꓐꓰ ꓫꓵꓽ ꓘꓳꓼ ꓔꓬ_ ꓡꓳ꓿ ꓖꓳ ꓗ ꓠꓯ ꓬꓲ ꓠꓬ ꓟꓶꓽ ꓛꓵꓽ ꓓꓳ_ ꓟ ꓦꓰꓼ ꓞꓲ ꓡꓲ ꓘꓳꓼ ꓙꓳ_ ꓡꓳ꓿ ꓬꓲ ꓠꓬ ꓮ ꓕꓯ ꓟꓲ ꓢꓲ ꓫꓬ ꓦꓲ ꓗꓪ ꓐꓰ ꓟꓽ ꓓꓳ ꓙꓰ ꓙꓰ꓾ ꓜ ꓓꓴ ꓟꓽ ꓜꓽ ꓬꓰ_ ꓟ_ ꓐꓰ ꓪ ꓘꓴ_ ꓟ ꓡꓰ ꓟꓳꓼ ꓡꓳ ꓢ ꓘꓪ ꓪꓴ-ꓢ ꓔꓯ ꓣꓱꓽ ꓙ ꓔꓬ_ ꓡꓳ꓿ ꓖꓳ ꓕꓲ ꓙꓵꓹ ꓗꓪ ꓬꓲ ꓖꓳ ꓗꓪ ꓓꓯ ꓡ ꓢꓲ꓾ ꓪꓴ-ꓢ ꓔꓯ ꓫ ꓟꓳ ꓢꓲ ꓠꓬꓲ꓾ ꓤ ꓠꓱ ꓤ ꓔꓯ ꓖꓴ ꓢꓲ꓾ ꓙꓱ-ꓣꓴ-ꓢ-ꓡꓱ ꓔꓯ ꓫꓴꓹ ꓣꓴ ꓠꓹ ꓟ ꓡꓳꓸ ꓔꓬ ꓢꓴ ꓮ ꓙꓵ ꓔꓯ ꓐꓯ ꓟꓸ ꓖꓶ_ ꓡꓳ꓿ ꓢꓲꓺ ꓒ ꓙꓵꓽ ꓗ ꓗꓪ ꓟ ꓮ ꓙꓵ ꓬꓰ ꓓꓳ ꓡꓰ_ ꓕꓯ꓾ ꓬꓳ-ꓢꓷ_ ꓐꓰ ꓟ-ꓡꓲꓹ ꓠꓬ ꓖ-ꓡꓲ-ꓡꓲ ꓟꓵꓽ꓾ ꓬꓲ ꓪ ꓚꓲ ꓛꓬ ꓡꓳ ꓒꓱ ꓠ-ꓢ-ꓡꓱ ꓗꓪ ꓬꓲꓼ ꓙꓰ_ ꓡꓳ= ꓤ ꓠꓱ ꓤ ꓠꓬ ꓪꓴꓽ ꓡ ꓟꓴ ꓡ ꓢꓲ ꓢꓯꓼ ꓙꓳ ꓡ_ ꓡꓳ꓿ ꓙꓽ ꓜꓲ ꓠꓲꓹ_ ꓟꓲ ꓐꓲꓺ ꓡ_ ꓡꓳ꓿ ꓝꓮꓲ ꓠꓬ ꓪꓴ-ꓢ ꓣꓱ ꓛꓰ ꓬꓲ ꓔꓯ ꓙꓳ_ ꓡꓳ꓿