''ꓮ ꓐꓲꓳ꓾ ꓠꓲꓹ ꓪꓴꓽ ꓪꓴꓽ_ ꓡꓰ ꓔꓬ= ꓠꓴ ꓝꓴꓲꓸ ꓖꓽ ꓖꓶꓽ ꓗꓷꓳ=''

ꓬꓰ-ꓢꓴ ꓠꓬ ꓡꓲ ꓜꓶ: ꓢꓲ ꓬꓲꓻ ꓡꓴ: ꓐꓱ ꓗꓳ. ꓙꓰ ꓠꓬ꓾ꓬꓲ ꓚꓲ ꓛꓬ ꓡꓳ ꓒꓱ ꓗꓪ ꓛꓲ ꓬꓰˍ ꓡꓳ=ꓖꓳ ꓕꓯ ꓛꓲ ꓫꓵꓻ ꓢꓴ ꓕꓲ ꓣꓳ ꓔꓯ ꓬꓲꓼ ꓖꓴ ꓗꓪ ꓬꓲꓼ ꓔ ꓔꓬ ꓝꓲ ꓢꓲ꓾ ꓬꓲ ꓪ ꓡꓰ ꓬꓰ-ꓢꓴ ꓔꓬ ꓗꓪ ꓑꓱ. ꓦ ꓡˍ ꓡꓳ=ꓬꓲ ꓪ ꓙꓵꓻ ꓠꓲꓹ ꓔꓯ ꓬꓰ-ꓢꓴ ꓟꓳꓻ ꓗꓷ ꓠꓬ ꓛꓲ ꓫꓵꓻ ꓡꓯꓼ ꓫꓵ ꓢꓴ ꓔꓯ꓾ ꓮ ꓐꓲꓳ꓾ ꓠꓲꓹ ꓪꓴ: ꓪꓴ:ˍ ꓡꓰ ꓔꓬ= ꓠꓴ ꓝꓴꓲ ꓖ: ꓖꓶ ꓗꓷꓳ꓾ ꓐꓯ ꓖꓶˍ ꓡꓳ= ꓖꓳ ꓕꓯ ꓙꓵ: ꓗ ꓟ. ꓒ ꓐꓴ ꓕꓲ ꓐꓱ ꓠꓬ ꓠꓲꓹ ꓟ ꓗꓪ꓾ ꓡ ꓞꓳ ꓕꓱ ꓟ ꓠ: ꓐꓯ ꓟ: ꓚꓰꓼ ꓟ ꓐꓯˍ ꓡꓳ꓾ ꓐꓰ ꓓꓵ: ꓙ ꓔꓬ ꓡꓳ= ꓬꓰ-ꓢꓴ ꓠꓬ ꓬꓲ ꓪ ꓓꓵ: ꓙˍ ꓟ ꓔꓯ ꓢꓷ.ˍ ꓠꓬꓲ꓾ ꓠꓴ ꓪ ꓮ ꓫꓵ: ꓪꓴ. ꓠꓬꓲ ꓥꓶˍ ꓟ ꓓꓵ: ꓙ ꓔꓬ ꓡ? ꓠꓴ ꓝꓴꓲ ꓖ: ꓖꓶ ꓗꓷꓳ꓾ ꓐꓯ ꓟˍ ꓐꓰ꓾ ꓔꓴ ꓢꓲ ꓙ ꓖꓴ ꓫꓱ꓾ ꓐꓯˍ ꓟ ꓕꓱ ꓠꓬꓲ: ꓘꓶ:꓾ ꓮ ꓡꓲ ꓕꓲ ꓘꓶ: ꓟꓬ: ꓠꓬꓲ ꓐꓯ ꓢˍ ꓡ? ꓡ-ꓞꓳ-ꓮ-ꓐꓲ ꓠ: ꓟꓲ ꓠꓯ ꓝꓴꓲ ꓖ: ꓖꓶ ꓠꓹ ꓟ ꓙꓵ: ꓪ ꓙꓳˍ ꓟ ꓠꓴ ꓪ ꓔꓯ ꓢꓷ. ꓡꓰ ꓝꓲˍ ꓥꓳ= ꓐꓯ ꓢꓲ꓾ ꓬꓲ ꓡꓰ ꓛꓲ ꓫꓵꓻ ꓡꓯꓼ ꓫꓵ ꓢꓴ ꓔꓯ꓾ ꓔꓴ꓾ ꓠꓴ ꓬꓲꓼ ꓖꓴ ꓑꓱ. ꓔ ꓢꓲ ꓠꓴ ꓦꓲ ꓗꓪ ꓬꓲꓼ ꓙꓰ꓾ ꓐꓯ ꓖꓶˍ ꓡꓳ= ꓖꓳ ꓡꓱ ꓠꓬ ꓬꓲ ꓔꓴ ꓡ ꓢꓲ ꓦꓲ ꓗꓪ ꓬꓲꓼ ꓙꓰˍ ꓡꓳ= ꓖꓳ ꓟ ꓔꓯ ꓞꓳ ꓜꓴ ꓟꓳꓻ ꓗꓷ ꓠꓬ ꓓꓵ: ꓙ ꓮ' ꓡꓰ ꓢꓲ꓾ ꓞꓳ ꓤ ꓔꓯ ꓕꓱ ꓡꓱ ꓡꓳ ꓫꓵ: ꓙꓵ: ꓪ ꓖꓶ ꓢꓴ ꓪꓴ-ꓢ ꓔꓯ ꓟꓬꓱ ꓓꓳ: ꓖꓶˍ ꓡꓳ=