ꓶꓼ ꓘꓶꓽ ꓫꓱꓹ ꓘꓶꓽ

ꓡꓴ-ꓘ ꓕꓳꓽ ꓶ 6: 20-26
ꓬꓰ-ꓢꓴ ꓠꓬ ꓬꓲ ꓛꓳ ꓒꓯꓹ ꓐꓴ ꓔꓯ ꓡꓳꓸ ꓢꓲ ꓕꓱ ꓡꓱ ꓐꓯ_ ꓡꓳ꓾ ꓞꓳ ꓫꓸ ꓠꓴ ꓪ ꓠꓬ ꓶꓼ ꓙꓳ ꓫꓱꓹ ꓙꓳ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓪꓴ-ꓢ ꓗꓴꓷꓼ ꓠꓽ ꓠꓴ ꓪ ꓔꓯ ꓟ ꓥ ꓡꓳ= ꓮ ꓟꓶ ꓦꓰꓼ ꓟꓷꓼ ꓔꓬ ꓢꓴ ꓠꓴ ꓪ ꓠꓬ ꓶꓼ ꓙꓳ ꓫꓱꓹ ꓙꓳ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓒ ꓐꓳ ꓐꓰ ꓟꓶ_ ꓥꓳ꓿ꓮ ꓟꓶ ꓥꓴꓻ ꓔꓬ ꓢꓴ ꓠꓴ ꓪ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓪꓽ ꓧꓷꓼ ꓪ ꓡꓰꓼ ꓗꓷ ꓡꓰ_ ꓥꓳ꓿ ꓡ ꓞꓳ ꓮ ꓐꓲ ꓪꓴꓸ ꓠꓬꓲ꓾ ꓢꓴ ꓡꓰ ꓠꓴ ꓪ ꓔꓯ ꓠꓲꓹ ꓜꓳ_ ꓠꓬ꓾ ꓠꓴ ꓪ ꓔꓯ ꓒꓰꓺ ꓗꓷ_ ꓠꓬ꓾ ꓠꓴ ꓪ ꓔꓯ ꓫꓸ ꓚꓲꓸ_ ꓠꓬ꓾ ꓠꓴ ꓪ ꓟꓬꓱꓺ ꓠꓬ ꓥꓶ_ ꓟ ꓥ ꓡꓳ꓾ ꓐꓯ ꓢꓲ ꓡꓳꓺ ꓗꓷ_ ꓠꓬ꓾ ꓠꓴ ꓪ ꓠꓽ ꓶꓼ ꓙꓳ ꓫꓱꓹ ꓙꓳ_ ꓡꓳ꓿ ꓖꓳ ꓕꓲ ꓠꓬꓲ ꓗꓪ ꓠꓴ ꓪ ꓠꓬ ꓗꓹ ꓛꓲ ꓠꓬꓲ ꓔꓴꓺ ꓔꓷꓹ ꓔꓷꓹ ꓠꓯ_ ꓡꓳ꓿ ꓮ ꓡꓲꓳ ꓐꓯ ꓠꓬ ꓠꓬꓲ ꓠꓹ꓾ ꓟꓴ ꓗꓪ ꓗꓪ ꓠꓴ ꓪ ꓡꓯꓼ ꓫꓴ ꓠꓽ ꓬꓲ ꓓꓽ ꓟ ꓥ ꓡꓳ꓿ ꓬꓲ ꓪ ꓒꓵꓽ ꓒ ꓐꓴ ꓡꓰ ꓟꓷ ꓠꓷꓹ ꓝ ꓢꓴ ꓐꓴ ꓔꓯ ꓬꓰ ꓖꓶ_ ꓟ_ ꓟꓲ ꓬꓲ ꓕꓱ ꓡꓱ ꓥ ꓡ ꓞꓳ ꓐꓳ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓲꓹ ꓟ ꓗꓴ ꓖꓶ_ ꓟ ꓮ ꓟꓶ_ ꓡꓰ ꓟꓶ ꓗꓷꓳ꓿ ꓮ ꓟꓶ ꓒꓻ ꓐꓳ ꓐꓰ ꓟꓶ ꓢꓴ ꓠꓴ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓦꓰꓼ ꓟꓷꓼ_ ꓥꓳ꓿ ꓮ ꓟꓶ ꓪꓽ ꓧꓷꓼ ꓪ ꓡꓰꓼ ꓢꓴ ꓠꓴ ꓪ ꓠꓽ ꓫ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪ ꓠꓽ ꓠꓲꓹ ꓙꓽ ꓫꓸ ꓠꓬꓲ ꓥꓴꓻ_ ꓥꓳ꓿ ꓡ ꓞꓳ ꓮ ꓙꓵ ꓡꓰ ꓠꓴ ꓪ ꓔꓯ ꓙꓲ_ ꓡꓳ꓾ ꓐꓰ ꓐꓯ_ ꓠꓬ꓾ ꓠꓴ ꓪ ꓠꓽ ꓙꓵ_ ꓥꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓪ ꓒꓵꓽ ꓒ ꓐꓴ ꓡꓰ ꓟꓽ ꓔꓱꓹ ꓟ ꓟꓷ ꓠꓷꓹ ꓝ ꓢꓴ ꓐꓴ ꓔꓯ_ ꓟꓲ ꓕꓱ ꓡꓱ ꓬꓰ ꓖꓶ_ ꓡꓳ꓿

Add new comment

1 + 2 =