ꓕꓯ-ꓣ-ꓪ-ꓓ ꓐꓰ ꓪꓲ-ꓙ-ꓣ-ꓬ-ꓠ ꓚꓱꓹ (Dialogue with other Religions)

ꓧꓲꓠ-ꓠ-ꓬ-ꓠ ꓥꓹ ꓠꓬ ꓕꓯ-ꓣ-ꓪ-ꓓ ꓔꓯ ꓠꓬ ꓣꓳꓸ ꓟ ꓬꓲ ꓚꓳ ꓬꓲ ꓛꓯꓸ ꓬꓲ ꓪꓳꓽ ꓐꓯꓹ ꓟ ꓬꓲ ꓟꓸ ꓟꓲ ꓥˍ ꓡꓳ= ꓟꓬꓮꓠꓟꓮꓣ ꓗꓴꓷꓼ ꓗꓪ ꓔꓬ ꓢꓴ ꓮ ꓙꓵꓽ ꓕꓯ-ꓣ-ꓪ-ꓓ ꓔꓯ ꓢꓷꓸ ꓔ ꓟ ꓥˍ ꓡꓳ= ꓧꓲꓠ-ꓠ-ꓬ-ꓠ ꓐꓯꓹ ꓟ ꓠꓬ ꓟꓶ-ꓧ-ꓬ-ꓠ ꓜꓴ ꓡꓰ ꓕꓮ-ꓣ-ꓪ-ꓓ ꓔꓯ ꓖꓶꓹ ꓟ ꓟꓬꓱ ꓥˍ ꓡꓳ= ꓕꓮ-ꓣ-ꓪ-ꓓ ꓐꓯꓹ ꓟ ꓠꓬ ꓡꓲ ꓒꓲꓼ ꓡꓵ ꓔꓯ ꓛꓳꓹ ꓟ ꓐꓯꓹ ꓟ ꓬꓲ ꓟꓸ ꓟꓲ ꓥ ꓐꓶ=ꓕꓮ-ꓣ-ꓪ-ꓓ ꓠꓯꓸꓼ ꓗꓪ ꓠꓬ ꓐꓳ-ꓔꓲ ꓢꓮꓔ-ꓔ-ꓪ 3 ꓟ ꓙꓳꓹ ꓥ ꓐꓰ ꓕꓱ ꓡꓰ ꓐꓯˍ ꓡꓳ= ꓖꓳ-ꓔ-ꓟ ꓐꓴꓓ-ꓓ ꓡꓰ ꓠꓲ ꓕꓲꓽ ꓝꓸ ꓖꓴ ꓕꓲꓽ ꓝꓸ ꓢꓯꓼ ꓕꓵꓼ ꓡꓹ ꓟ ꓥˍ ꓡꓳ ꓐꓰ ꓕꓱ ꓡꓰ ꓘꓳꓹ ꓣꓴꓹ ꓟ ꓜꓴ ꓥˍ ꓡꓳ= ꓞꓳ ꓤꓽ ꓮ ꓙꓵꓽ ꓠꓬ ꓪꓴ-ꓢ ꓒꓬꓱꓼ ꓡ ꓠꓹ ꓟ ꓪꓽ ꓘꓴ ꓥˍ ꓟꓲ ꓗ-ꓟꓼ ꓐꓯꓹ ꓟ ꓕꓲꓽ ꓝꓸ ꓖꓴ ꓕꓲꓽ ꓝꓸ ꓗ-ꓟꓼ ꓐꓯꓹ ꓟ ꓬꓲ ꓟꓸ ꓟꓲ ꓚꓲ ꓠꓬ ꓟꓬꓱꓽ ꓬꓰꓹ ꓟ ꓐꓯꓹ ꓟ ꓬꓲ ꓟꓸ ꓟꓲ ꓥ ꓐꓶ= ꓖꓳ ꓡꓰ ꓥˍ ꓟꓲ ꓕꓱ ꓟ ꓔꓯ ꓫꓵꓽ ꓧꓳꓸ ꓐꓯꓹꓟ ꓬꓲ ꓟꓸ ꓟꓲ ꓥ ꓐꓶ= ꓖꓳ ꓟ ꓪꓴꓸ ꓠꓬꓲ ꓫꓵꓽ ꓧꓳꓸ ꓐꓯꓹ ꓟ ꓠꓬ ꓟꓬꓱꓽ ꓬꓰꓹ ꓟ ꓗꓪ ꓐꓰ ꓐꓯꓹ ꓟꓶꓹ ꓟ ꓫꓵꓽ ꓧꓳꓸ ꓐꓯ ꓥꓳ ꓐꓯꓹ ꓠꓬ ꓣꓱꓽ ꓛꓲ ꓥ ꓠꓬ ꓶꓽ ꓤꓼ ꓫꓱꓸ ꓤꓼ ꓔꓯ ꓐꓯꓹ ꓟ ꓥˍ ꓡꓳ= ꓖꓳ ꓟ ꓪꓴꓸ ꓠꓬꓲ ꓟꓬꓱꓽ ꓬꓰ ꓢꓯꓼ ꓕꓵꓼ ꓕꓯꓽ ꓢꓲ ꓕꓲꓽ ꓞꓸ ꓖꓴ ꓕꓲꓽ ꓝꓸ ꓫꓵꓽ ꓧꓳꓸ ꓐꓯꓹ ꓟ ꓣꓱꓽ ꓛꓲ ꓐꓯꓹ ꓟ ꓶꓽ ꓤꓼ ꓫꓱ ꓤꓽ ꓐꓯꓹ ꓟ ꓐꓯꓹ ꓟꓶ ꓡ ꓓꓴ ꓥꓳ= ꓖꓳ ꓟ ꓪꓴꓸ ꓠꓬꓲ ꓠꓲ ꓕꓲꓽ ꓝꓸ ꓖꓴ ꓕꓲꓽ ꓝꓸ 3 ꓞꓸ ꓔꓯ ꓡꓳ ꓙꓰ ꓪ ꓕꓯꓽ ꓢꓲ ꓪꓴ-ꓢ ꓐꓯꓹ ꓟ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬ ꓠꓯꓸꓼ ꓗꓪ ꓓꓵꓽ ꓪ ꓓ ꓥꓳ ꓐꓰ ꓕꓱ ꓡꓰ ꓢꓳꓹ ꓟ ꓥˍ ꓡꓳ= ꓪꓲ-ꓙ-ꓣ-ꓬ-ꓠ ꓡꓳ ꓓꓲ ꓒꓴ ꓐꓯꓹ ꓟ ꓬꓲ ꓟꓸ ꓟꓲ ꓥ ꓐꓶ=

ꓪꓲ-ꓙ-ꓣ ꓐꓯꓹ ꓟ ꓠꓬ ꓟꓴꓽ ꓖꓴꓽ ꓮꓸ ꓞꓳꓹ ꓥˍ ꓠꓬ ꓡꓳ ꓓꓲ ꓒꓴ ꓔꓯ ꓐꓯꓹ ꓟ ꓥ ꓐꓶ= ꓟꓴꓽ ꓖꓴꓽ ꓮꓸ ꓞꓳꓹ ꓕꓲꓽ ꓛꓱꓽ ꓔꓯ ꓢꓲ ꓮꓽ ꓘꓶꓸ ꓞꓲꓹ ꓔ ꓟ ꓥ ꓢꓲ ꓮꓸ ꓫꓵꓽ ꓔꓯ ꓥˍ ꓟꓲ ꓧꓪꓸ ꓡꓰꓹ ꓟ ꓬꓲ ꓟꓸ ꓟꓲ ꓙꓳꓹ ꓟ ꓥ ꓐꓶ= ꓬꓲ ꓪꓽ ꓠꓬ ꓪꓽ ꓘꓴꓹ ꓟ ꓔꓯ ꓪꓴꓸ ꓓꓵ ꓛꓹ ꓢꓲ ꓬꓰꓹ ꓟ ꓜꓴ ꓥˍ ꓐꓶ= ꓧꓲꓠ-ꓓꓴ ꓙꓵ ꓠꓲꓹ ꓐꓰ ꓟꓬ ꓠꓬꓲ ꓪꓽ ꓡꓯꓽ ꓘꓳ ꓟ ꓜꓴ ꓐꓴ ꓥˍ ꓡꓳ ꓐꓰ ꓕꓱ ꓡꓰ ꓐꓯꓹ ꓐꓶ= ꓮꓓ 600 ꓘꓳꓼ ꓐꓰ 700 ꓘꓳꓼ ꓠꓬꓲ ꓗꓴꓸ ꓚꓸ ꓗꓪ ꓓꓳ ꓡꓹ ꓟ ꓜꓴ ꓐꓴ ꓥˍ ꓐꓶ= ꓕꓱ ꓕꓲꓽ ꓜꓴ ꓐꓴ ꓠꓬ ꓑ-ꓡꓼ ꓗꓪ ꓐꓰ ꓐꓳ ꓦꓹ ꓟ ꓐꓴꓓ-ꓓ ꓢꓲꓺ ꓫꓬ ꓕꓳꓽ ꓶ ꓔꓯ ꓟ ꓣꓱꓽ ꓣꓱꓽ ꓢꓮꓠꓢkꓣꓲꓔ ꓐꓯꓹ ꓟ ꓗꓪ ꓐꓰ ꓐꓳꓸ ꓦꓹ ꓟ ꓢꓲꓺ ꓫꓬ ꓕꓳꓽ ꓶ ꓔꓯ ꓢꓲ ꓣꓱꓹ ꓟ ꓜꓴ ꓐꓴ ꓥ ꓐꓶ=

ꓟꓶ-ꓧ-ꓣ-ꓠ ꓜꓴ ꓐꓴ ꓠꓬ ꓮꓢꓲꓮ ꓖꓳ ꓪꓴꓸ ꓕꓲꓽ ꓛꓱꓽ ꓔꓯ ꓢꓲ ꓟꓬꓽ ꓠꓬꓲ ꓐꓶꓹ ꓠꓬꓲ ꓟꓬꓽ ꓡ ꓐꓶꓹ ꓡ ꓟ ꓙꓳ ꓐꓶ ꓢꓲ ꓕꓯ-ꓣ-ꓪ-ꓓ ꓜꓴ ꓐꓴ ꓠꓬ ꓖꓳ ꓟꓶꓸ ꓕꓲꓽ ꓛꓱ ꓔꓯ ꓢꓲ ꓟꓬꓽ ꓡ ꓐꓶꓹ ꓡ ꓟ ꓙꓳ ꓐꓶ=