ꓡꓲ ꓒꓰꓼ ꓐꓰ ꓫꓸ ꓕꓱˍ ꓟ

ꓡꓲ ꓒꓰꓼ ꓐꓰ ꓫꓸ ꓕꓱˍ ꓟ

ꓘꓴ ꓜꓲꓼ ꓞꓳ ꓡꓰ ꓟꓸ ꓖꓶ ꓡ ꓟ ꓞꓳ ꓙꓳ ꓢꓯꓸ ꓔꓬ ꓚꓱꓹ ꓠꓯꓼ ꓗꓪ ꓐꓰ ꓢꓲ ꓒ ꓬꓰ-ꓢꓴ ꓡꓰ ꓡꓲ ꓒꓰꓼ ꓚꓱꓹ ꓔꓯ ꓟꓸ ꓖꓶ ꓡ ꓟ ꓚꓱꓹ ꓔꓯ ꓐꓯ ꓟꓸ ꓖꓶ ꓓꓴ ꓥꓳ= ꓢꓲ ꓒ ꓬꓰ-ꓢꓴ ꓠꓬ ꓬꓲ- ꓢꓷ-ꓡꓲ ꓡ ꓞꓳ ꓒꓬꓱꓼ ꓡ ꓢꓲ ꓬꓲ-ꓢꓷ-ꓡꓲ ꓐꓴ ꓙꓵꓻ ꓔꓬ ꓟ ꓬꓳ-ꓔ ꓙꓵꓻ ꓠꓲꓹ ꓔꓯ ꓙꓵꓻ ꓢꓴ ꓕꓱ ꓡꓱ ꓒꓬꓱꓼ ꓡ ꓢꓲ ꓠꓬꓲ ꓬꓳ-ꓔ ꓕꓲ ꓣꓳ ꓡꓰ ꓐꓰ ꓟꓴ ꓗꓪ ꓗꓷꓴꓼ ꓚꓱꓹ ꓔꓯ ꓟꓳꓸ ꓟꓬ ꓠꓬꓲ ꓐꓭ ꓠꓬꓲ ꓟꓬ ꓢꓶꓽ ꓡꓰ ꓟꓳ ꓟ ꓡꓰ ꓐꓰ ꓟꓳ ꓪꓽ ꓠꓹ ꓟ ꓔꓯ ꓥꓳꓽ ꓮ ꓟꓬꓹ ꓣꓱꓽ ꓢꓲ ꓠꓬꓲ ꓬꓳ-ꓔ ꓞꓳ ꓤ ꓐꓴ ꓡꓲ ꓒꓰꓼ ꓛꓳ ꓚꓱꓹ ꓮ ꓟꓬꓹ ꓔꓯ ꓔꓯ ꓥꓳ ꓣꓱꓽ ꓢꓲ ꓟꓸ ꓟꓲꓽ ꓚ ꓡꓳꓹ ꓬꓰꓳ= ꓟ-ꓕꓲ ꓕꓳꓽ ꓶ 25ꓽ1-13 ꓝꓲ ꓗꓪ ꓛꓳ ꓠꓬꓲ ꓠꓬ ꓠꓬꓲ ꓟ ꓡ ꓞꓳ   ꓡꓯ ꓒꓯꓹ ꓝꓸ ꓔ ꓟ ꓚꓱꓹ ꓔꓯ ꓟꓳ ꓐꓯ ꓟꓸ ꓖꓶ ꓟ ꓡꓰ ꓐꓰ ꓟꓯꓸ ꓡꓯꓸ ꓒ ꓔꓯ ꓘꓴ ꓣꓴ ꓠꓹ ꓟ ꓐꓱ ꓶ ꓡꓳꓸ ꓔꓬ ꓟ ꓚꓱꓹ ꓔꓯ ꓟꓳꓸ ꓣꓳ ꓡꓳꓸ ꓟꓳ ꓪ ꓔ ꓡꓳ=

ꓖꓳ ꓡꓰ ꓢꓲ ꓠꓬꓲ ꓔꓬꓳ-ꓔ ꓐꓴ ꓡꓲ ꓒꓰꓼ ꓐꓰ ꓟꓴ ꓗꓪ ꓗꓴꓷꓼ ꓔꓯ ꓬꓲ ꓠꓬ ꓔꓯ ꓢꓲ ꓠꓬꓲ ꓐꓯ ꓟꓸ ꓖꓶ ꓟ ꓥ ꓪ= ꓬꓲ-ꓢꓷ-ꓡꓲ ꓡ ꓞꓳ ꓐꓴ ꓡꓯ ꓒꓯꓹ ꓝꓸ ꓑꓮꓲ ꓠꓬ ꓮ ꓘꓶꓸ ꓡꓳꓸ ꓐꓲ ꓟ ꓥ ꓢꓲ꓾ ꓮ ꓘꓶꓸ ꓢꓷꓸ ꓟꓶ ꓢꓳ ꓡ ꓟ ꓡꓯ ꓒꓯꓹ ꓝꓸ ꓑꓮꓲ ꓕꓲ ꓟ ꓥ ꓡꓳ= ꓡꓯꓹ ꓒꓯꓹ ꓝꓸ ꓓꓳ ꓡꓰ ꓠꓬ ꓟꓯꓸ ꓡꓯꓸ ꓒ ꓐꓰ ꓟꓯꓸ ꓡꓯꓸ ꓟ ꓕꓲ ꓪ ꓔꓬ ꓠꓬꓲ ꓔ ꓟ ꓦꓲꓸꓹ ꓫꓵꓼ ꓗꓪ ꓕꓲ ꓘꓹ ꓡꓱꓼ ꓙꓰ ꓢꓲ ꓠꓬꓲ ꓗꓹ ꓛꓲ ꓟ ꓑꓮꓲ ꓬꓰ ꓟ ꓥ ꓪ= ꓕꓱ ꓡꓱ ꓦꓲꓸꓹ ꓫꓵꓼ ꓗꓪ ꓙꓰ_ ꓟ ꓬꓰ ꓕꓯ ꓞꓳ ꓤ 6 ꓣꓳ ꓗꓪ ꓐꓰ 60 ꓣꓳ ꓗꓪ ꓛꓲ ꓟꓶꓻ ꓫꓵꓽ ꓟꓶꓻ ꓙꓰ ꓟꓶ ꓢꓲ ꓠꓬꓲ ꓙ ꓖꓴ ꓕꓲ ꓚꓳ ꓡꓳ ꓗꓪ ꓥ ꓟꓲ ꓗꓼ ꓟ ꓬꓰ ꓢꓲ ꓙꓰ_ ꓡꓳ= ꓕꓱ ꓡꓱ ꓙꓰ ꓕꓯ ꓖꓳ ꓟ ꓦꓲꓸꓹ ꓫꓵꓼ ꓟ ꓗꓪ ꓛꓲ ꓠꓹ ꓟ ꓐꓱ ꓶ ꓟꓽ ꓓ ꓫꓵ_ ꓟ ꓙ ꓖꓴ ꓔꓯ ꓢꓲ ꓢꓲ꓾ ꓙꓰ ꓠ ꓗꓹ ꓡꓳ=  ꓕꓱ ꓡꓱ ꓮ ꓘꓶꓸ ꓫꓵ_ ꓟ ꓙ ꓖꓴ ꓔꓯ ꓢꓲ ꓟ ꓠꓬ ꓟꓯꓸ ꓡꓯꓸ ꓒ ꓐꓰ ꓟꓯꓸ ꓡꓯꓸ ꓟ ꓠꓬ ꓟꓬ ꓠꓬꓲ ꓤꓶꓸꓹ ꓫꓵꓸꓸ ꓟꓬ ꓫꓵꓸꓸ ꓢꓲ ꓢꓯꓸ ꓔꓬ ꓟꓶ ꓠ ꓟ ꓐꓱ ꓶ ꓐꓯ ꓢꓲ ꓙꓰˍ ꓟ ꓥ ꓡꓳ=

ꓕꓱ ꓗꓪ ꓬꓲ ꓪ ꓡꓲ ꓒꓰꓼ ꓔꓯ ꓛꓳ ꓠꓬꓲ ꓠꓬ ꓟꓯꓸ ꓡꓯꓸ ꓟ ꓠꓬ ꓟꓯꓸ ꓡꓯꓸ ꓛꓳ ꓢꓴ 10 ꓣꓳ ꓐꓰ ꓕꓲ ꓪ ꓚꓲ ꓛꓬ ꓧꓪꓽ ꓖꓳ ꓓꓱ ꓔꓯ ꓐꓲ ꓣꓴ ꓢꓲ꓾ꓟꓯꓸ ꓡꓯꓸ ꓒ ꓔꓯ ꓡꓳ ꓔꓬ ꓠ ꓔ ꓡꓳ= ꓕꓲ ꓧꓪꓸ ꓧꓪ ꓠꓬ ꓟꓯꓸ ꓡꓯꓸ ꓒ ꓔꓯ 3 ꓠꓬꓲ ꓛꓲ ꓡꓳ ꓔꓬ ꓠ ꓗ ꓡꓳ= ꓕꓲ ꓧꓪꓸ ꓧꓪ ꓠꓬꓲ ꓟꓯꓸ ꓡꓯꓸ ꓒ ꓠꓬ ꓢ ꓘꓪ ꓔꓲꓹ ꓫꓵ ꓗꓪ ꓢꓲ ꓓꓳꓺꓡ ꓟ ꓙꓳˍ ꓡꓳ= ꓖꓳ ꓕꓯ ꓟꓯꓸ ꓡꓯꓸ ꓛꓳ ꓢꓴ ꓞꓲ ꓣꓳ ꓠꓬ ꓢ ꓘꓪ ꓕꓯ ꓡ ꓟ ꓟꓯꓸ ꓡꓯꓸ ꓒ ꓐꓰ ꓕꓲ ꓪ ꓡꓯꓸ ꓒꓯꓹ ꓝꓸ ꓠꓬꓲ ꓔ ꓟ ꓦꓲꓸꓹ ꓗꓪ ꓙꓰ ꓠ ꓗ ꓡꓳ= ꓬꓲ-ꓢꓷ-ꓡꓲ ꓐꓴ ꓡꓯꓸ ꓒꓯꓹ ꓝꓸ ꓔ ꓟ ꓡꓲ ꓒꓰꓼ ꓐꓰ ꓛꓳ ꓚꓱꓹ ꓔꓯ ꓢꓷꓸ ꓔ ꓟ ꓢꓲ ꓒ ꓬꓰ-ꓢꓴ ꓠꓬ ꓟꓴ ꓗꓪ ꓗꓴꓷꓼ ꓔꓯ ꓟꓬ ꓠꓬꓲ ꓐꓭ ꓠꓬꓲ ꓟꓳ ꓠꓹ ꓟ ꓐꓱ ꓶ ꓟꓯꓸ ꓡꓯꓸ ꓒ ꓔꓯ ꓡꓳ ꓔ ꓟ ꓚꓱꓹ ꓔꓯ ꓚꓬꓴ ꓢꓲ ꓒ ꓔꓯ ꓡꓳꓸ ꓔ ꓟ ꓚꓱꓹ ꓐꓰ ꓐꓯ ꓢꓲ ꓠꓬꓲ ꓢꓲ ꓒ ꓬꓰ-ꓢꓴ ꓠꓬ ꓐꓯ ꓟ ꓥ ꓡꓳ= ꓚꓬꓴ ꓢꓲ ꓒ ꓠꓬ ꓮ ꓕꓯ ꓬꓯꓼ ꓡ ꓟ ꓢꓷꓸ ꓖꓳ ꓡꓱ ꓠꓬꓲ ꓧꓪꓸ ꓛꓲ ꓢꓲ ꓡꓳꓸ ꓔꓬ ꓠꓹ ꓟ ꓢꓲ ꓒ ꓬꓰ-ꓢꓴ ꓠꓬ ꓡꓲ ꓒꓰꓼ ꓔꓯ ꓔꓯꓺ ꓢꓲ ꓐꓯ ꓟꓸ ꓖꓶ ꓟ ꓥ ꓪ=